لكثيييير فيينا اتسولو واش نتا سعيد، فرحاان، رااضي على حيااتك ايقولك لااا .... و يلا سولتييه علااش ايقولك ماعرفتش

 

مهم هناا نهضرو على واحد النموذج لي ايخلينا نقدروا نتحكموا فالسعادة ديالناا

 

مهم نعتبرو السعادة على أنها واحد السلم ولا طواابق ولا درجاات

 

واخاا ؟

 

1⃣

الدرجة لولة عندها علاقة بالأشياء المادية ( بورطابلات، بيسي، حواايج، و غيرهاا )

 

هاادي هي أول حااجة لي تتخلي الإنسان سعيد و لي بزااف ديال الناس تيفكرو فيها فاش تيطيح فبالهوم كلمة السعادة

 

و لكن كااين مشكل و خلل فهاد المستوى الأول ديال السعادة لي هو أن السعادة تتكون مؤقتة، اتكون بااغي تشري واحد طيليفون و غادي تشريه ، فالنهاراات لولة أتكون فرحاان و لكن من الفرحة أتبدا بالزوال من بعد

 

السبب لاش هادشي تيوقع، هو الإنسان تيكون متشوق و مستريسي على قيبال واحد الشيء مادي، و فاش تيولي عندو، تيرخي من ديك الرغبة و تيحس بوااحد الرااحة ( يعني يلا جيتي تشوف راه السعادة تتكون فالتخلي على داك الشيء لي بااغييه، مااشي فالحصول على الشيء بذاتو )

 

2⃣

المستوى الثاني هو التجارب ( السفر، لقرااية، مغامرات، لخروج مع صحااب، ... )

 

هاادي درجة أحسن، حيت على الأقل يلا ربطتي السعادة ديالك بالتجارب رااه من بعد كل تجربة تتكون تغيرتي و تطورتي للأحسن، .... و لكن راه مزاال مستوياات موراهاا

3⃣

المستوى الثالت هو النمو ( الفكري ماشي الجسدي )

 

المستوى الثالت لي يمكن تربط السعادة بيه هو النمو العقلاني للإنساان ( تقراا كتوبة كتر، ثقف رااسك، تعلم، و تعرف بلي نتا ماعاارف والو )

الإنسان عندو رغبة طبيعية أنه يعرف و يسول كثر ( بحاال دراري الصغاار ) و هااد التعلم و تطوير النفس تيدير 2 حواايج

 

⚠️

أولا= تيزيد مستوى السعادة ديال الإنسان عن طريق رفع الشعور بالقيمة ديال كل فرد و الإعتزاز بنفسه

⚠️

ثانيا، هاد النمو العقلاني هو لي تيفرقنا على الحيوان ( الحيوانات تتااكل و تتشرب و تتعس و تتوالد بحااال الإنساان، و لكن ماتتخدمش العقل )

يعني شحاال ماخدمتي عقلك و طورتي نفسك رااك تتبتعد على الحيواان، إوا و العكس  حتى هو صحييح 🐸

 

4⃣

المستوى الراابع لي تيحقق السعادة للإنساان هو كفااش تيعااون نااس خرين ( تتعرفهوم ولا لاا ) فاش تتعااون نااس و تتجي تحط رااسك على المخدة بالليل، تتفرح بداكشي لي قدمتي و تتحس بالرضاا عن النفس

5⃣

المستوى الخاامس لي خاااص أي وااحد يطمح لييه، هو التساامح مع النفس و تولي عندك عقلية أنك تستااحق السعادة غي هكااك

 

مااشي ضروري تشري حواايج، ولا تساافر ولا تطور رااسك ( شي مراات  ) ولا تعااون نااس خريين

ٱييييه هاادشي كولو زوييين و خااصك ديرو مرة مرة، و لكن السعادة ديالك تتولي مبنية علييك نتاا، و نتاا فقط

قاادر أنك ماديير واالوو واخات هكااك تبغي رااسك  و تكون سعييد فحياااتك ( مااشي سااهلة و لكن ممكنة )

 

🆘🆘🆘🆘🆘🆘🆘

حذااري من وااحد لحااجة و صاافي ( و بزاااف لي تيديرهاا )

حذاري أنك تربط السعادة ديالك بالنااس لوخرين:

 

- فاش تشري شي حااجة ( المستوى الأول ) تسااين بناادم ٱخر يقولك زويينة عاد تفرح بييهاا

- فاش تدوز شي تجربة ( المستوى الثاني ) تلوحها فلفايس و تسااين نااس شنو يقولو علييهاا،  "لوحها من حقك و لكن ماتسنااش النااس لوخرين يقولو ليك راه زويينة ولا خاايبة)

-  فاش تطور راسك ولا تسااعد نااس خريين ( المستوى 3 & 4 ) تسااين نااس يعترفو بداكشي لي درتي

 

حيت الحااجة لي تيعطييوها النااس ليك، يقدرو يحيدوهاا و ديك السااعة ماغااديش تكون سعيد، فرحاان، مهني فحياااتك

بييييس & لاااڤ

<a href='https://www.freepik.com/photos/cards'>Cards photo created by rawpixel.com - www.freepik.com</a>