عطااتني جوج حواايج لي مهميين بزااف  و قيمتهوم كتر من لفلوس.

1⃣ أول حااجة هي عطااتني وسيلة باش نتعلم و باش نقراا مجالات مختلفة: علم النفس، مقارنة الأديان، البيزنيس، التحكم فالعقل، مجال الصحة، العلاقات، التنمية الذااتية، التااريخ ( حقيقي ولا مزيف، ماتيهمش ) و عطااتني فرصة أني نتعرف على عواالم أخرى.  صوو بالداارجة خلاتني نعمر رااسي بزااف من خلال محااضراات و كتوبة و موااقع كثيرة لي تنبحث فيها و انبقى تنلوح دااكشي لي تنقراا هناا. 

2⃣ لحااجة ثاانية لي عطااتني لونغلي و هي حااجة لي أهم من لقرااية هي نااس لي طووووووب بزاااف 😍 و عاونوني و وقفواا معاايا  و دوزت معاهوم لحلوة و لمرة. غاادي نذكر أسمااء بعض هاد النااس لي وقفوا معاياا فوااحد لوقت لي كان  كحل فحيااتي و هوما نيت لي قتارحوا علييا أني نبداا بلوغ ولا ندير كتااب ولا قناة فيوتيوب ولا أي وسيلة بااش نشاارك داكشي لي تنقراا و كيماا نفع نااس لي قرااب لييا اينفع نااس خرين ان شاء الله. 

صوو، علااش دااير هاد لبلوغ؟ 

من صغري و أناا مبلي بلقراية و بلهضرة على لقرااية. تنبغي نشاارك داكشي لي قريت و تنحس بواحد المتعة فاش شي حد لي تيسولني على شي حاجة لي أناا مهتم بيها. بديت تنقرا فالحجر الصحي على التنمية الذاتية، بديت غي بڤيديوهات قلالين، و من بعد محاضرات و من بعد مقالات و داباا كتب كثيرة لي قريت، و وليت تنشاارك داكشي لي تنقراا فلفاايس و فلواتسااب. بديت تنكتب غي جملة لي فيها شي نصيحة و الجملة كبراات و ولات فقرة، و لفقرة ولاات جوج و 3 حتى ولييت تنكتب بوسطاات طويلة. 

تنكتب بالداارجة حيت تنبغي نكون طبيعي فهضرتي. ماعنديش مع لعربية مزياان باش غادي نبقى نكتب بييها + بغيت بناادم يفهمني كتر هكاا & و يقراا بالطريقة لي اناا تنفكر فييها. 

تندير فراسي شي موضوع و تنبدا نكتب عليه، شي مراات تنكون ديجاا موجد شنو نقول و شي مرات غي تنحط يدي فلكلاڤيي و تنخلي لكتاابة تجي رااسهاا. گااع لبوسطاات لي غادي نحطهوم هناا الهدف ديالهوم هو نشارك داكشي لي قريتوو ، نعاون بنادم لي باغي يزيد بحيااتو للقدام و لو غي بشوييا + تنحس بهاادشي بلي وااجب و مهمة تعطاات لييا من عند الله أني نخرج النااس من واحد المرحلة ديال الإكتئااب و ستريس لي عشت فيها. + هاادشي غاادي يبقى علم ناافع ليكوم و لييا.

هاد لبلوغ بجميع لبوسطات لي فيه هو إهدااء لأي وااحد باغي يزيد للقداام و ماايعيش حيااة عادية. و إهدااء على وجه الخصوص لهااد النااس لي عزااز و كان عندهوم دور باش هاد لبلوغ تصايب 😍 

إهدااء  لمريم اهمدي ( My advisor ) حيت هي لي قالت لييا ندير بلوغ و تتشاارك معايا هاد الشغف ديال لقرااية 

إهداء ل فاطمة الزهراء  بنجدة  ( My factory of joy )  حيت مزال عااقل على 2 مراات ماكاانتش رااشقة لييا و عاوداات لييا شي حواايج طرااو لييها باش نضحك و نساا لهم  😁 ( عمري نساا هاد القضية ) و حيت تتقبلني و تتسمع لييا و عارف واخاا نقولهاا لي قلت ماغاديش تحكم علييا

إهداء لسلمى العلوي ( My support )  حيت عمرهاا ماقالت لييا لاا ولا رداات شي طلب فوجهي، حيت ديماا وقتهاا تتعطييه لييا و حيت كاانت سبب مهم لاش خرجت من الإحبااط وواحد الأزمة 

إهدااء ل لمياء نجاحي ( My savior ) حيت 5 سنين و هي تتسمع للمشاكل ديالي و عمرها تشكاات، و حيت سبقات مشاكلي و همومي على همومها و هي سبب كبير لاش درت هاد لبلوغ. كيما كانت تتعاوني نخرج من التفكير الخااوي، بغيت تا اناا نعاون النااس و نوصل واحد لميسااج لي هي وصلاتو لييا 

إهداء لفاطمة الزهراء برادة ( my confidant )  حيت فكرااتني بلي جاا الوقت بااش نبداا، اما كون راه هاد لبلوغ تأجل لأجل غير مسمى و حيت هي أحسن مستمعة كاينة و حيت و حيت ( مهم اللائحة طويلة )  

إهداء لعثمان عدولي ( business partner   )  حيت دخلني لييزنيس و حيت إنساان تنعتبروا بحاال خوياا. تيوقف معاياا فلخاايبة عاد زويينة، و حيت تيضحي بحااجتو شحال من مرة  باش أنا نتهنى، دوزنا شحال من حاجة ... خايبة و زوينة 💪

إهدااء ل ربيع بولمال  & كوثر البارودي ( my incomparable  friends )  حيت اول نااس ولييت تنبغيهوم من قلبي و حيت نهار لي دوزت معاهوم فالرباط هادي 3 سنين  مزاال ماتنساا لييا  لداباا ❤️

إهداء ل هالة ارشيدي  ( my loyal reader ) على ثقتها فييا و حيت هي سبب لي تيفكرني فعلااش بديت هاد لخدمة 

إهدااء ل عبد الرحمان خرموش  و حمزة حداوي (   blogging nerds 🤓 ) على گااع المسااعدة التقنية و النصاائح لي قدموها لييا قبل مايتصايب لبلوغ و حتى من بعد ... بزااف ديال لحواايج ماكنتش غاادي نعرفهاا حتى يوقع ليا مشكل فييها 🙌🙏

إهداء للأسرة ديالي حيت ايصدعوني يلا مادكرتهومش هناياا 😂 🤷

إهدااء ليك نتاا لي تتقراا، حيت ماحد جيتي لهناا إلاا و رااك تتعرفني ولا تتعرف شي حد تيعرفني ( شااخضة بااك صااحبي )  ولا حيت بااغي هي تقراا ❤️ 

و إهدااااء فالأخير لييا أناا حيت  أناا لي  وصلت لهناا 💪✌️

بس: هاد الترتيب لي درت جا غي هكاك، ماشي ترتيب شكون لي عاوني كتر ولا شكون لي عزيز علييا ( و إلا كون راه درت راسي أنا لول 😌😌 ) 

بلا مانطول عليكوم، انتلاقاو السيمانة الجااية، كل سبت ايكون بوسط لي ايحسن حياتكوم درجة بدرجة

بييييس ✌️