ٱينشتااين قال بلي كلشي عبقري و لكن يلا حكمتي على السمكة واش دكية ولا لا من خلال القدرة ديالها على أنها تسلق شجرة، اتعييش حياتهاا كااملة تظن أنهاا مكلخة

 

و هااد القضية لي قاال هي لي تنشوفو فالمجتمع ديالناا، تتمشي المدرسة تقراا و يلا مافهمتييش وااحد الماادة تيصنفووك على أنك مكلخ، نااقص، ماادكييش، فيك شي ديفو 

 

بطبيعة الحال هوما غالطيين، و لكن علاااش ؟؟

 

أولا الذكاء ماخاصنااش نهضرو عليه بصيغة المفرد و لكن بصغية الجمع

حيت الذكاء أنواع، كااين ذكاءاات متععدة ... و هاادي نظرية ديال Howard Gardner

 

بإختصار تتقول أن كل إنسان عندو واحد الجانب لي تيتميز فيه

و الجوانب لي صنف هو، هوما 8

 

1⃣

أول ذكاء هو الذكاء الرياضي/المنطقي، و هذا تقريبا هو لي تيجي فبال لكثير ديال الناس فاش تيسمعو شخص ذكي

المواصفات ديالو هو القدرة على التفكير المنطقي، حل المشاكل، و معادلات معقدة

2⃣

النوع الثاني هو الذكاء اللغوي، و تيعني أن إنسان قادر على تعلم اللغات بسهولة و تيتميز فهاد المجاال ( بحاالي ) و عندو واحد الأسلوب سلس فالكتاابة و التواصل و لغتوا الأم و حتى فاللغات  لي تيتعلم ( بحاالي 2 ) 😌

3⃣

النوع الثاالت هو الذكاء البصري، و الإنسان لي تيميز بهااد الذكاء تيكون تيستمتع بالرسم و التحليل ديال الرسومات و المبيانات، عندو مع دوك الأحجيات لي تتعتمد على الصور و تيلقى رااحتو فهااد المجاال

4⃣

النوع الراابع هو الذكاء الجسدي، بحاالااش ؟ بحاال الرقص 🕺💃 عند المغرب كاامل 🤣🤣 ، تيبغي الحرف لي تتضمن صنع الأشياء باليد، و تيتعلم حسن فااش تيقيس الحااجة و يتحرك مااشي يبقى جاالس و عزيز علييه الرياضات بصفة عاامة

5⃣

النوع الخاامس هو الذكاء الموسيقي و تنضن هذاا بااين، يلا عندك مع الأغاني ( تتكتبهوم ) تتعرف لٱلات موسيقية، تتميز مابين الأنماط ديال الأصوات المختلفة، رااك محسوب على هااد الفئة

6⃣

النوع الساادس هو قدرة التعامل مع الٱخرين ( داباا تيتسمى الذكاء العاطفي ) تتحس بالناس لوخرين، تتواسيهوم، تتشوف الأمور من  المنظور ديالهوم، تتحل الصراعات فحيااتك مع النااس الٱخرين و بصفة عاامة جيد فالتعامل مع النااس

7⃣

 

النوع الساابع ( قريب للساادس ) هو القدرة على أنك تفهم الأحاسيس دياالك و يكون عندك وااحد الوعي بكيفااش تصىف صغيير لي ديرو أيقدر يأثر على النااس و وعي بنقاط القوة و الضعف ديااالك

8⃣

النوع الثاامن هو الذكااء الطبيعي، تتهتم بالتخييم و تتحس بوااحد القرب من الطبيعة، تتبغي تعلم على الأرض و الكائنات الحية بصفة عامة و تتحس بأبسط التغيرات فالجو

 

هااد التصاانيف لي ذكرت، النااس تينسااوهوم و تقدر تكون متميز فيهوم و لكن مااعندكش النوع الأول و نقدو نزيدو حتى الثااني معااه .... و لكن الناااس ماغاااديش يعتاابروك ذكي  حيت الصورة النمطية ديال الذكااء لي عدناا فالمجتمع مغاايرة تماما لييها

 

و لكن، عااش من عرف قدره، الإنسااان يحكم على رااسو و مايقااارنش رااسو مع بناادم ٱخر،

كل وااحد عندو مجاال تيتميز فييه،

كل واحد عندو موهبة خااصة،

كل وااحد تيبغي وااحد الحااجة،

 

و هاادي حقيقة لي خااص تولي عدناا فدماغنا، يلا كانت صعيبة تنضاف للتعليم عدناا، على الأقل نبدااو نفكرو فييها فحيااتنا اليومية

 

صوو، حتى وااحد مامكلخ ( من غير هدااك لي تيدير جيم زرقة لداكشي لي تنحط، هذااك ميؤوس منو )

اواا بييييس 🐸✌

x