يلا سولتي شي مغربي شنو هو الحلم ديالو، ايقولك نقرا 🎓 و نخدم 💼 و نجمع لفلوس 💰 و ندير الداار 🏠 و طونوبيل 🚗 حمرة، و نتزوج 👩‍❤️‍👨 و نكون أسرة 👨👩👧👦 

و هاادشي مزياان و لكن كااين بروبليم 

1️⃣ هاادشي محدود 

2️⃣ هاادشي أشياء بسيطة لي من حق أي واحد يحصل عليهوم ( و لكن خاصك تبذل واحد المجهود عليهوم، مااشي تبداا تشكي و تبكي، الحكومة ماوفرااتش لييا هاادشي ) 

مهم داباا أنهضر على المشكل الأول فقط 

الأهداف ديال البشر ماخاصهااش تكون محدودة على الخدمة و صاافي

و هااد الفكرة تنظن نااس عارفيينها فاللاوعي ديالهوم و لكن قليل لي تيعيش بيها فحيااتو

من ضمن النااس لي تيعيشوا بهاد المبدأ هو Jon Butcher و الزوجة ديالو Missy Butcher 

هوما مقاوليين أمريكيين و لي تيخليهوم متمييزين هو أنهم ناجحيين ف 12 مجال فحياتهوم ماشي هي الخدمة 

و فااش النااس لاحظوا النجاح لي عندهوم طلبو منهوم أنهم يعطيوهوم السر  ديال نجاحهوم ف 12 مجاال

السر بسييط هو أنهم كتبو 2 حاجات: 

1⃣ الأهدااف لي باغيين يوصلو لييها، شنو بغااو يديرو 

2⃣ و علااش بغااو يوصلو لدوك الأهدااف 

مااكتبوش ( و ماتكتبوش  ) كيفااش  ايوصلو لييها

حيت الطريقة من نااحية صعيبة تفكر فييها من لول

و الطريقة تتغير مع المدة و تتحسن

مثلا فكورونا بزااف ديال لحوايج تبدلو و لي كان عندو شي هدف باغي يحققواا فحيااتو كاان خااصو يعدل الطريقة كيفاش ايوصل لييه

يعني ركزوا على شنو بغيتي دير و علااش 

📣 شنو هوما دوك المجالات 12 بعداا لي حققوا هاادو ؟ 

1️⃣ الصحة ديالهوم 

2️⃣المجال  الفكري و الثقافي

3️⃣ الحيااة العاطفية 

4️⃣ شخصيتهوم 

5⃣ الحياة الدينية/الروحانية

هااد المجالات الخمسة لولة متعلقة بالحياة الخاصة للإنسان. حيااة خااصة حيت گااع هاادوا يمكن ليك تحققهوم رااسك. مامحتااجش إنساان لي يديك لاصاال طريني ولاا إنساان لي يقريك ( مجاال فكري ) يمكن ليك تهز كتااب و تقراا رااسك، و هي غاادة.

6️⃣ العلاقات العاطفية 

7️⃣ علاقتهوم بولادهوم 

8️⃣ الحياة الإجتماعية ديالهوم

هااد 3 عوتااني تيدخلوا فمجموعة الحيااة الإجتمااعية. ( السبب رااه بااين علااش )  

 9️⃣الإستقلال المادي

🔟 المسيرة المهنية ديالهوم

هاد الجوج عوتااني تيدخلوا فمجموعة الحياة المهنية / إدارة الأعمال

1️⃣1️⃣الجودة ديال حياتهوم 

هاادي عندها علاقة بالنشااط و الزهو و الإحتفال. فين بااغي تبقى تدوز الصيف، شنو لبلداان لي تبغي تساافر لييها، شكون النااس لي تبغي تلاقا. هااد الجاانب ديال الكمالياات.

1️⃣2️⃣  رؤية للمستقبل  

هناياا تنهضروا على شي تغيير إيجاابي لي بغيتيه يكون فالحيااة، مااشي بالضرورة تدخل منو لفلوس و لكن شنو هو الأثر لي تبغي نتاا تشوف فالحيااة.

 كتب شنو بغيتي تحقق فواحد الفترة زمنية عام، 5 سنين، 10 سنيين و كتب علااتش بغيتي تحقق دااكشي فقط.

كتب بالتفصيل الملل، و ماتفكرش فواش نقدر ندير هاادي ولا لا 

النااس تيبالغوا فشنو يقدرو يحققوا فعاام و تينقصو من شنو يقدو يديرو ف 10 دالسنواات 

**هادشي ماتيعنيش أنك غادي تكتب و غادي يتحققوا راسهوم و لكن الدور ديال هاد التمرين هو أنه تيربتب أفكارك و يخلييك متعلق بداكشي لي بغيتي، هكاا اتخدم كتر باش توصل لييه

لي بغاا يعرف كتر, يديير فغوغل 

"Lifebook Jon Butcher" 

و غاادي تشوفو تقنيات كتر متعلقة بهاد التمرين

 :D السيمانة الجاية إن شاء الله أنبدا فاول بوسط على وتائقي/فيلم لي تيهضر على سوشل ميديا. إلا عرفتو إنا واحد كتبوه ف تعليق 

بييس ✌️

مصدر الصورة: 

<a href="https://www.freepik.com/vectors/people">People vector created by goonerua - www.freepik.com</a>