كيفاش تقرى كتاب فنهار! 🐸
هذا أول بوسط لي غادي نهضر فيه على كتاب. لبوسطات لي قبل كانوا تيكونوا أفكار مأخوذة من كتب مختلفة، أما هاد لبوسط غادي يكون واحد التلخيص و فكرة عامة على كتاب واحد.
أول كتااب غادي نهضر عليه مااشي هو لكتاب لمفضل عندي و لكن هو كتاب كتااب لي خاص اي وااحد يكون عندو و يقرااه. السبب هو أن هاد الكتاب تيهضر على القراءة السريعة و التعلم. يعني هو الأساس لي غادي يعاونك تقرا و تفهم اي كتاب غادي تقراه من بعد و سميتو 'Limitless' و الكاتب ديالو هو 'Jim Kwik'.
الكتااب فيه 15 فصل و هاد الفصول مقسمة على 4 ديال الأجزاء.
1⃣ الجزء
لول سميتو 'Free Your Mind' و تتعني حرر
عقلك.
هاد الجزء نقدرو نعتابروه مقدمة على الكتاب بصفة عامة. تيبدا بشرح
شنو هي القراءة السريعة فالفصل الأول ، و فالفصل الثاني تيهضر علااش هاد القراءة
السريعة مهمة. كاين شي أسباب واضحة بحال أنك تتربح وقت كتر يلا قريتي بالزربة و
أسباب أخرى لي غاادي تشوفوها فلكتااب.
🔵
الفصل الثالت تيهضر على العقل ديالناا و كيفاش
العقل عندو قدرات غير محدودة.
🔵
الفصل الراابع تيبدا يدخل فالجانب العملي و
تيوريك كيفاش تقرا هاد لكتااب و اي كتاب اخور و تعقل على شنو قريتي.
2⃣ الجزء الثااني من لكتااب سميتو 'Limitless Mindset' لي شرح ديالها هو عقلية بدون حدود و هاد الفصل تيركز على أنه يهدم شي أخطاء شائعة و خرافات لي عندها علاقة بالتعلم.
🔵
الفصل الخامس لي فهاد الجزء تيهضر على الأفكار
لي عدناا و كيفااش تتأثر على التعلم ديالناا ( بطريقة إيجابية و سلبية )
🔵
الفصل الساادس تيهضر على 7 ديال الأفكاار لي
غاالطة و عندها علاقة بالتعلم، هاادي شي أفكار لي تنسمعوها بزااف و حيت تنسمعوها
بزااف تنقولو رااه صحيحة و لكن الوااقع مغااير تماماا لشنو تيصحاابنا حناا.
3⃣ الجزء
الثاالت من هاد لكتااب سميتو 'Limitless Motivation'،
تنظن لموتيڤاسيون بااينة اش تتعني. هااد الجزء فيه 4 ديال الفصول.
🔵
الفصل الساابع هناا تيهضر على جزء مهم ديال
القراءة السريعة، و هو الهدف. فااش تجي تقراا شي كتااب خااص يكون عندك شي هدف و
غاية لاش تتقراا، و شحاال ماكاانت ديك الغااية مهمة عندك كتر، شحاال ماغاادي تقدر
تستوعب دغياا و تعلم منو.
🔵 الفصل الثامن تيهضر على energy كيفااش تقراا كتااب بلا ماتعياا، هاد المسألة ديال أنك تقراا كتااب بلا ماتعياا و تبقى عندك energy عندها علاقة كبيرة بالمااكلة لي تتااكل و نعااس و صحتك.
🔵
الفصل التااسع تيهضر على شي خطواات صغيرة لي
تقدر تدير باش تحسن عملية التعلم ديالك.
🔵
الفصل العاشر تيهضر على واحد المرحلة لي
تتكون فالتعلم ولا فأي نشااط و سميتها Flow. هاد
flow هو ديك المرحلة فاش تتحس بلي الوقت تيطيير،
تتكون تادير شي حااجة و تركيز ديالك كولو علييها و مااتتحسش بالعالم الخارجي. هاد
المرحلة تيوصل ليها رياضيين و أي واحد لي عندو شي شغف بشي نشااط. فاش تتوصل لهاد
المرحلة الأداء ديالك تيتحسن بزااف فوق الطبيعي، و هاد الفصل ايعااونك توصل لييها.
4⃣ ٱخر جزء من هاد لكتااب ( الجزء الرابع ) سميتو 'Limitless Methods' و تيهضر على طرق عملية و تقنياات بااش تحقق گااع داكشي لي لكااتب تيأكد أنه يمكن ليك توصل لييه.
🔵 الفصل 11 تيهضر على كيفااش تزيد فالتركيز ديالك و ماتبقااش تقرا لكتااب، توصل للخر ديالو، و تنسى شنو قريتي 🙆
🔵 الفصل 12 تيهضر على الدراسة بصفة عامة و شي نصائح لي تعاون لوااحد ينجح فالدرااسة ديالو ( شي حواايج لي كولناا تنسااوهاا )
🔵 الفصل 13 تيهضر على طرق باش تحسن الذاكرة ديالك. گااع هاد الطرق تقريبا تتعتمد على أنك تربط داكشي لي بااغي تعقل علييه بشي صورة لي عجيبة فدمااغك و تكون تاضحك.
🔵 الفصل 14 هو إختصااص الكااتب. فيه تيهضر على طرق باش تقراا كتااب بالزربة. يلا تبعتي هادشي اتولي قاادر تقراا كتاب جديد كل شهر، ولا كل، أسبوع، و لا حتى كل نهااار 💪😍💪💪💪
🔵
ٱخر فصل، الفصل 15، تيهضر على التفكير. كيفااش
أن حناا نتأكدوا بلي راه الطريقة لي تنفكروا فيها على صوااب و خالية من الأخطاء.
هادشي غاادي يعااونك فاش تجي تقراا كتوبة، و فنفس الوقت ايعااونك حتى فحيااتك
اليومية فاش تبغي تتاخد شي قرار.
🙏
صوو، هذاا ملخص خفيف ظريف على لكتااب، و هاد
لكتااب بحال أي كتااب غاادي نهضر عليه هو كتاب لي خاصكوم تقرااوه.
لكاتب ديالو Jim Kwik كان
فصغروا تيعااني من صعوبات فالتعلم و كان هو اللخر فالقسم ديالو و تيقولو عليه بلي
دمااغو مهرس، و هو داباا أحسن كوتش فالعالم فالمجال ديالو لي تيخدم مع مشاهير و
مديرين ديال أكبر الشركات فالعالم.
يلا هو قدر أنه يتخلص من عائق لي كان قدااموا و كان تيعااني منو، و
قدر انه يبدل حيااتو، علااش حتى نتاا ماتقدرش ديير بحالو ؟؟
بييييييس ✌️
