حااجة 1 كلشي جااهلها على الطفولة ديالو 

99% ديال المشااكل النفسية لي تنعانيو منها و غالباا ماتنحسوش بيها و ماتنعرفوش بلي راه تتأثر على النجااح ديالنا تترجع للطفولة ديالناا.

من بعد 30سنة ديال البحث و الإكتشاف و الخدمة مع ممثليين، مغنيين، العائلة الملكية فبريطانيا و رؤساء الدول  Marisa Peer ( معالجة نفسية ) وصلاات لواحد الفكرة أن جميع المشاكل ديالنا ( النفسية ) سببها هو واحد الشعور بالنقص

I am not enough

تنحسو بلي حنا مادكيينش بمافيه الكفاية، مازوينيش، مانستااحقوش نفرحو، نخدموا و تقريبا أي حااجة فحياتنا تنشكوا وااش نستحقوا نحصلوا علييها ولا لا

باش نفهموا كتر نشوفو منين أصلا جات هاد العقدة ؟؟

هي تتجي من الطفولة ديالناا و بوااحد الشكل لي لا شعوري، ماتنحسوش بييه، و تيجيناا عاادي

الأم ديالك ولا لواليد ولا أي إنساان لي ربااك فالصغر و كنتي تتبغيه و كان هو القدوة ديالك فالحياااة،

ايقولك/ اتقولك: " أنبغييييك يلا قريتي مزياان، انشري ليك يلا نجحتي، اندييوك تساافر يلا جيتي نتاا لول، اتكون ولدي ولا بنتي يلا درتي هااد الحاااجة .....

و الأمثلة كثيرة .......

🔴 باش نكونو واضحيين، لواليدين ديالناا رااه تيديرو هكا حيت بالنسبة ليهوم رااه غاادي يشجعونا نقرااو ( و هكا كيفااش تربااو حتى هوما )

و لكن كااين واحد المشكل،

قبل ماتنوصلوا ل 7 سنيين تيكونو بزاااف ديال الأفكااار تسربوا لراسنا فاللاوعي ديالناا و تيكبروا معااناا

فهاد المثاال لي قلت، شنو لي تيكبر معااك؟ شنو التأثير ؟ شنو الخاايب يلا واليديك قالوا لييك انشرييو ليك يلا نجحتي ؟؟

المشكل هو تتكبر معانا واحد الفكرة أنه حناا مانستااحقوش الحااجة و حنا ناقصيين

و تنولييو تنحااولو نبررو رااسنا لبناادم، مصااحب ولا خااطب ولا مزوج ولا داويين فييك، تتفكر(ي) بلي خااصني دييما نرضي الطرف لاخور، ديماا خااصني نديير واحد لحااجة لبناادم بااش يبغيني

و هكاا عمرناا ماتتييقو فرااسناا

🙃 اييييييه، كااين شي حاجات لي بصح تيخصك تكون تتستاحقهوم، مثلا الوظيفة ولا السفر

خااصك تقراا بااش توظف

خااصك تجمع لفلوس بااش تساافر

و لكن عوتاااني المشكل كااين، هو أن النااس تتساافر و تتخدم بااش تسد دااك النقص

بالنسبة ليك فااش تتخدم رااه سديتي دااك النقص، رااك نجحتي فحيااتك، رااه النااس داباا ايفرحوا بييك ( حيت واليدييك قالوا انشرييو ليك يلا نجحتي .....  يلا درتي ..... يلا يلاا ..... )

و نفس الشيء حتى بالنسبة للسفر، و الأمثلة كتييرة

مثلاا، كااين لي تيلحس لكااباا لبناادم بااش يرضى علييه، حيت تيحس بلي رااه نااقص و تيقلب على واحد القبول اجتماعي و الطريقة باش تيسد دااك النقص و الفرااغ  هي انه تيرضي بناادم بااش يقولو لييه  نتاا مزيااااان  ( و هو ايرتااح ) ديك الكلمة فقط هي علاياااش تيقلب لواااحد

🐸🐸 على أي ماانطولش فالمشااكل و نشوفو الحل ديالهاا

1⃣الحل لول هو تعرف هاادشي ( دييجا عرفتييه داباا )

2⃣  من بعد ماتعرف هادشي خااصك ترجع سينتاا لوور

تفكر الطفولة دياالك، شنو لي قالو لييك والييديك و خلاااوك تحس بلي نتاا ماتستاااحقش وااحد الحاااجة ( يقدر يكونو قالو ليك بلي ماعندهومش لفلوس و وليتي تتفكر بلي حتى نتاا ماغاديش تخدم و ماغاديش يكونو عندك )

تفكر اي حااجة لي نتاا داباا تتعااني منهاا، تتعاني من وااحد النقص و بحث على منين ايكون جااك

ماتااتيقش فبنااادم ؟ شي مرة واليدييك كدبو علييك ؟ و ترباات فيك واحد الفكرة بلي كولشي تيكدب

واليدييك ولا خوتك قالو لييك ( بالضحك ) رااه ايهربو علييك، تقدر تكون ولاا عندك خوف من أنك تشبت ببناادم و ديما تتخااف نهاار لي ايهربو علييك

3⃣ من بعد ماتتعرف  شنو الحااجة لي بااغي تحيد منك و تعرف السبب علااش ديك الفكرة ولاات عندك، تيخص تعترف بلي هاد الفكرة دخيلة علييك، و مااشي ديااالك

يلا بغيتي بناادم ماغاديش يهرب ( إلا يلا كنتي ولد النااس 🤣 )

يلا بغيتي لفلوس رااه من حقك و ايكونو عندك

يلا تتحس بلي نتاا ماتسوى والو، رااك هي تتخربق

هااد الأفكار  كااملة دخييلة عليييك, مااشي ديالك و خااصك طردهاا من راااسك

4⃣ من بعد ماتتحيد هاد الأفكاار السلبية لي كاانت خاارجة علييك، خااصك تبنى أفكاار جديدة لي تخلييك تييق فراااسك  و تشجعك على أنك تحقق داكشي لي بااغي و تعيش الحيااة كيف ماابااغي نتاا

يلا كنتي من قبل تتقول بلي بنادم ديما ايهرب عليك، كتب فشي ورقة لعكس: كتب، بلي نااس مزيانين ماغايش يهربوا و ايبقاو معايا ... و قراا هاد الورقة يومياا حتى تطبع ليك هاد الفكرة فرااسك 

شكااار رااسو دااز من هنا 5⃣😁

خااصك تعرف بلي مااشي عيب تشكر راااسك بشرط

ماايكونش كدووب و ماتكونش تتقاارن رااسك مع بنااادم

🚫 ماتقولش انا حسن من بناادم فوااحد الحاااجة

💪 و لكن قول أنا طووب متميز فديك الحاااجة

و شكر رااسك ماتساااينش بناادم اخور يقولك رااه نتاا ظرييف، زوييين، فشكل، ماكاااينش بحااالك ( حيت رااه عاارفهاا ديجا 🐸، و اتكون حتى نتاا عاارفهاا )

ديك الساااعة يلا جاات من بناااادم، مزيااااااان

ويلاا ماجاااتش ...... عاااادي 🤷🏻‍♂️

فااش تادير هاادشي هذاااا، تاا وااحد ماتيقدر أنه يزعزع الإستقرااار دياالك

و الراااحة النفسية ديااالك

فااش تاديير هكاا اتلقى رااااسك تبدلتي فشحاال من حااجة

حواايج بساااط كنتي تادييرهوم بااش ترضي بنااادم حيدتيهوم منك

فااش ادييير هكااا ..... اتولي وااعر ....... بحااالي 🤣🤣🤣

تيخصك وقت بااش تخلص من عقد الطفولة، و يلا بغيتي مسااعدة كتر و تعرف كيفااش تخلص من هاد المشااكل كتر، دير فالتعليق المشااكل لي عندك و انعااونك تغلب عليها. ❤️ولا سيفطها فالخااص.  💪🏻

ماتنسااوش تبارطااجيو مع صحاابكوم بااش تعاونوهوم يتغلبوا على الطفولة ديالهوم تا هوما.

بيييييس 🐸✌🏻

مصدر الصورة:

Photo by Kat J on Unsplash