علاااش فاش تتنصح بنااادم تتقدر تعااونو و تعطييه حلول لأي مشكل عندو و فااش تتجي نتاا تشوف مشااكلك ماتتعرفش منيين تبدااهوم ؟

السبب شنو هو السبب 🐸

علااش فااش تتداابز مع بناادم فالنهااار ماتتعرفش بااش تجااوب و بالليل تيطيحو علييك الأفكاار و الحلول باش تكلاشيه  ؟؟

تفووو كون غي قلت هاادي و هاادي و هاادي 

مهم نبدااو بالسبب و موراها ندوزو للحل 

السبب هو فااش تنكونو حناا معنيين بالمشااكل تنخدموا العااطفة كتر من اللوجيك و تنتبلوكااو 

و لكن يلا كاان مشكل قاايس شي إنساان ٱخر، تنكونو خارجيين منو و تنفكرو بمنطقية

( هادشي ماتيعنييش أن حناا أنانيين ولا ماتنسوقوش لبناادم ٱخر)  تنتعااطفوا مع بناادم و لكن مشكل بعييد عليينا تنقدوا نبردواا

#من النااحية العلمية 

كااين وااحد جهة فالدماغ ( القشرة الدماغية الأمامية ) مسؤولة على اللوجيك و لكن فاش تنتحطوا فموقف صعب هااد الجهة تتحبس و اللوجيك ديك السااعة تيتنكح 🐸 

#شنو الحل ؟؟ 

تيخص الوااحد يطور القدرة على أنه يكاالمي و يتحكم فالعواطف ديالو فاللحظة لي يوقع فيها مشكل 

#كيفااش تاديرهاا ؟ 

كااين بزااف ديال الحلول منهاا التأمل ( meditation ) 

#علااش هادي بالضبط ؟🤔

عندهاا بزااف ديال الفوائد منهوم:

1) تتقلل من ستريس

2 ) تتسااعدك تحكم فالقلق

3 ) تتحسن الصحة النفسية 

4 ) تتطور مستوى الإدراك بالنفس

5 ) تتزيد معدل التركيز

6 ) تتحارب زهايمر

7 ) تتحسن حتى سلوك الإنساان

8 ) تتعاون أنها تحاارب جميع أنواع الإدمان ( على المخدرات و غيرها )

9 ) تتحسن النوم

10 ) عندها تأثير على الألم الجسدي

11 ) تتنقص من ضغط الدم

12) و أهم فاائدة هي أنهاا سااهلة بزااف بااش داار

يعني من اللخر رااها تتنفع 

فيوتيوب موجود بزااف ديال أنواع، المفضلة عندي هي:

https://youtu.be/1Aa1zWhIcxc

هي بلونغلي و لكن موجود حتى بالعربية و هاادي مافيهااش مستوى طاالع فلونغلي، كلشي يقد يفهمهاا

 هاد النوع ديال ل meditation تيتسمى  guided ( موجه / بمساعدة موجه ) بمعنى كااين شخص تيهضر و تيقولك شنو ديير و نتا خااصك هي تبعوا و غاادي تستاافد من الفوائد لي ذكرت فلول 

صوو هاادي حل بااش المرة الجااية فاش تكون فشي مشكل غاادي تقدر أنك تفكر بحلول لرااسك كيماا تاادير لصحاابك like a boss  وتقدر تكلاشي بنادم عل السريع ماشي حتى الليل وتفكر شنو كان خاصك تقول 🐸😎

بس: يمكن ليك تخلص من القلق حتى عن طريق الطريقة لي تتهضر بيها مع رااسك، و يمكن ليك تعرف كيفااش بالضبط فهاد 2 مقالات:

https://www.growbdarija.com/2021/06/criticalvoice.html?m=1

https://www.growbdarija.com/2021/06/positivewords.html?m=1

& بيييييس

مصدر الصورة:

<a href='https://www.freepik.com/photos/woman'>Woman photo created by freepik - www.freepik.com</a>