كنت تنتفرج فواحد الفيلم وثائقي على خطورة مواقع التواصل الإجتماعي و بلي هي تتسبب الإدماان و خاصنا نقاومو هاد الإدمان و فوسط دااك الوثائقي هزيت طيلي و حليت لفاايس شحاال من مرة 😐🤦🏻‍♂️

صوو رااه ساانك ساانك 😁

الوثائقي سميتو "The social dilemma" و تيهضر على الخطورة ديال مواقع التواصل الإجتماعي بتفاصيل كتر لي هوماا ( بس: يلا تفرجتي فيه رااسك حسن من أنك تقرا هادشي لي كتبت عليه )

 

1️⃣ أول مشكل هو تيعلمو لواحد يكدب على راسو، تتدير فيلتر لتصااورك و تتقنع رااسك بلي نتي/نتاا هكاك،

علااش تادير هااد لفيلتر ؟؟ حيت نتاا عااجبك ؟

فغاالب الوقت تنديروهاا باش تجمع التعاليق و الإعجابات على تصااورك و هااد التعاليق ولاو تيسااويو القيمة دياالك

 

يلا جمعتي تعاليق بزااف صاافي تتفرح حيت نتاا 'مهم' و يلا ماجمعتييش دوك الإعجابات و التعاليق تقدر گااع تحيد ديك طوف و تبداا تسول رااسك شنو المشكل لي فييا

 

2⃣ هااد المسألة كاتطور و تقدر توصل للإكتئاب مع المدة

يلا تفرجتو فسلسلة 13reasons why

رااه حتى هاادي من ضمن المسائل لي داات لإنتحاار هاناا 😍😍😍🤤🤤

بسبب وااحد التنمر لي تعرضاات ليه فمواقع التواصل الإجتماعي

ولاات الهوية ديالك فلفاايس هي مقيااس لأهميتك فالوااقع

 

 

3️⃣ مع المدة تتقدر تبدل نتاا شخصيتك، أفكاارك، قيمتك، هويتك بااش تماثل الأفكار و الموجات لي كااينة فلفاايس

يلا جاا شي تشالنج جديد فلفاايس و مادرتيهش غاادي تولي عميق ولا دااير فييها فشكل  ولا بزااف ديال الألقااب لي غاادي تعطاا ليك، فالأخير اتمشي ديرو حتى نتاا

( تشاالنج بحد دااتو مافييهش مشكل، المشكل كااين فالتبعية و أنك ماتخدمش عقلك و التفكير النقدي )

4️⃣

مشكل لي ديجاا معروف هو أن لفايس تيبيع المعلومات ديالك ( لي اتقول ماعندها قيمة اصلا ) للشركات

اي وااحد تيدخل لغوغل يقلب على شي منتوج، تيدخل لفاايس تيبداا يباان ليه فالإشهارات

 

يعني تيبيعوك نتاا للشركاات لي عندها منتوج و باغا تبيعو

5️⃣

هااد الشركات يلا بااعو ليك منتوجات راااه هاااانياااا، لخاايبة هي يلا بااعو ليك أفكاار  مغلوطة

مثلا فالإنتخابات يروجو ليك أن وااحد الحزب رااه حسن، يروجو أخبار خااطئة ولا مباالغ فييها على كورونا و أي مسألة أخرى بااش يخليوك تصرف بوااحد الطريقة، تبنى واحد الفكرة و تقوم بوااحد السلوك

بس: الأخبار الزائفة تتنتشر 6 ديال المرات أسرع من الأخبار الصحيحة

 

صوو، راه ساانك ساانك احماادي

 

👀 فلول قلت بلي تيسبب الإدمان و لكن علااش ؟

أسباب بسيطة هي أن الألوان لي تيديرو، كيفاش نوتيفاكسيون تيبينو ليك مثلا غي العدد ديال الأخبار مااشي شنو هوما، لميسااجات ( جااك ميساااج و لكن مااشي شنو هو ) هاادشي كاامل تيلعب دور فأنهم يخلييو بناادم يدخل لمواقع التواصل و يخلييو الإنسان مدمن علييها

 

بس: بزاااف ديال الأفكااار لي طوب ماادكرتهاااش هنايااا حيت من الأحسن تشوفوه رااسكوم 

 

الأسبوع الجاي انهضروا على موضوع مهم لي هو  الطفولة ديالنا وكيفاش الأفكار لي تعرضنا ليها  فالصغر  مازالا تتأثر علينا فلكبر 

صو بييس، و نتلاقاو الأسبوع الجاي إن شاء الله

🐸✌🏻

إخلاء مسؤولية الاستخدام العادل:

هذه الصورة المصغرة قيد الاستخدام العادل: إخلاء المسؤولية عن حقوق النشر بموجب المادة 107 من قانون حقوق الطبع والنشر لعام 1976 ؛ يتم تخصيص بدل "الاستخدام العادل" لأغراض مثل النقد والتعليق والتقارير الإخبارية والتدريس والمنح الدراسية والبحث. الاستخدام العادل هو استخدام مسموح به بموجب قانون حقوق النشر والذي قد يمثل انتهاكًا بخلاف ذلك. الاستخدام غير الربحي أو التعليمي أو الشخصي يرجح الكفة لصالح الاستخدام العادل.

جميع الحقوق والاعتمادات تذهب مباشرة إلى أصحابها الشرعيين. لا يقصد التعدي على حق المؤلف.