على بركة الله نبداو  بووسطات على موضوع جديد لي هو: لبيزنيس و العمل بصفة عامة 

كااين 2 أسباب لاش هاد الموضوع مهم: 

1⃣ النااس كاملين ولا 99% لي  فالمغرب تيقراا باش يخدم أولا و عاد تيقرا باش يطور شخصيتو و يعمر رااسو و لكن لكثير ديال الناس فالمغرب عندهوم فكرة أن الخدمة خاصها تجي مع الدولة. تقدر تكون عندك مشروع ديالك إماا فشي محل ولا مشروع أونلاين لي تيدخل لفلوس كتر من أستااذ ولا بوليسي ولا طبيب ولا أي خدمة لي مع الدولة و عايش بخير، و لكن اتبقا واحد الشريحة كبيرة من المجتمع تتسولك إمتاا عوال تخدم 🤦 حيت بالنسبة ليهوم راه نتاا مزال ماخدمتي منين مامحشيش فمنصب مع الدولة.

الدولة تتمثل ليهوم الإستقرار و الهدف المنشود ديال الصغر. أناا ماداايرش فبالي أني غادي نقنع شي إنساان لي كبير، لي فات 50 عام بالعكس ديال هاد التصور، حيت دوك النااس تيباانولي بحال شي حجرة. تبداا تهضر معااه نهاار كاامل و تعيا و فاللخر تلقااه تيضحك فوجهك و يسولك إواا إمتااا أتخدم 😂😂😂 

و لكن بااغي نعاون الناس لي فالسن ديالي يحققوا شي حااجة لراسهوم بلا مايسااينوا الدولة ولا غيرهاا تمد ليهوم شي رياال. 

2⃣ السبب الثااني ضرني انا فرااسي بزااف حيت تنشوفوا من النااس لي قدي و من المفترض يكونوا واعيين. فاش تيدوز شي مباراة ديال التوظيف فالقطاع العام: إما تتكون ديال الأسااتذة ولا الشرطة ولا الجماعات ولا الصحة و غيرهاا... 

شي طبقة لي ماتتنجحش ( إما ماتيسهلش عليهوم الله و الخير كااين فما حسن ولا ماخدموش مزياان ولا كااين لي حسن منهوم و دااز ولا المنصب ديالهوم تشرى بلفلووس و بزااف ديال التفاسير ... ) 

مهم فهاد الطبقة لي ماتتنجحش كااين لي تيمشي و تيرتااح و يقلب فجهة أخرى ولا يخدم و يوجد باش العاام الجااي ينجح  و كاااين العبااقرة دياالنااا

لي تيمشي يخدم  فالبني و تيقولك أناا راااجل تنضرب تماارة 🤦🤦  ماافهمتش واش لي نجح فديك المباراة ماشي راجل و غي نتاا لي نسميوك رااجل ؟؟؟ 

فهاد الوقت راه لخدمة ديال تمارة ماشي هي رجولة. داباا الإقتصااد تيتوجه للخدمة اونلاين و العملة داباا هي المعلومة مااشي كتاافك. 

نتاا شديتي إجاازة فشي تخصص ( و بالضبط اللغات ) سير دير سواايع ولا خدم فترجمة ولا قلب اونلاين على شنو دير. عندك واحد الحااجة لي ماعندش كولشي، استغلها.

بس: أنا ماتنقصش من قيمة الخدمة كاملة لا فالبني ولا فغيرها و لكن كلشي عارف بلي لخدمة ديال تماارة خاصهاا تكون هي لخرة + حتى القدر لي تيتخلص علييه لواحد مايستحقش داك الجهد كااامل 

بس 2: تنهضر من تجربة! صو راه عاارف ديك  الصدمة فاش تتكون  مانجحتيش واخا خدمتي، و عارف بلي لبكاا و شكاا يلا طولتي فيه ماغاادي يبدل والو فحيااتك 

لي غاادي يبدل هو تعرف علاش مانجحتيش فداك لكونكور و تصحح الأخطاء ديالك و تعلم و واخاا تمييل، مااطييحش و حتى يلا طحتي نووض حسن من كيف كنتي فلول 💪💪💪💪 

صوو بإختصاار علا هاد الأسباب انبدا نهضر على كيفااش تبداا إماا بيزنيس ديالك و تكبرو ولا تطور رااسك و يولييو عندك المهاارات الضرورية باش تلقى خدمة لي بااغي و تستحق.

🔵🔴 هاادشي لي انبقاا نحط جزء منو تجربة خااصة ديالي و جزء ٱخر من داكشي لي تنقرا و تنطبقوا تا اناا فهاد الوقت لي تنكتب علييه و يلا بغيتو تطبقوه حتى نتوماا اينفعكوم