إبن القيم قال على سورة يوسف بلي فيها كثر من ألف فائدة، و السورة فيها 110 ديال الٱيات، يعني يلا جيتي تحسب راه فكل ٱية فيها 10ديال الفوائد، و القيم و العبر لي يلا وقفتي عليها، و تمعنتي فيها، و تدبرتيهوم مع البحث غاادي تعرف كتر و تفهم و تولي عندك دراية عميقة بهاد السورة ( و هادشي تينطبق على القرٱن بصفة عامة ) 

هادي سورة معروفة و مميزة عند بزااف ديال النااس حيت هي عبارة عن قصة و القصص بصفة عامة ممتعين و ساهلين فالفهم و التتبع + تتبدا بحلم و تتسالي بتحقيق ديالو و تنظن هاد النوع ديال التشجيع كلشي محتاجو فحياتو.

و ندوزو دابا  لبعض الفوائد و العبر لي فهاد السورة

1⃣ اقْتُلُوا يُوسُفَ أَوِ اطْرَحُوهُ أَرْضًا يَخْلُ لَكُمْ وَجْهُ أَبِيكُمْ وَتَكُونُوا مِن بَعْدِهِ قَوْمًا صَالِحِينَ (9)  +  وَقَالَ الَّذِي اشْتَرَاهُ مِن مِّصْرَ لِامْرَأَتِهِ أَكْرِمِي مَثْوَاهُ عَسَىٰ أَن يَنفَعَنَا أَوْ نَتَّخِذَهُ وَلَدًا ۚ 

فالٱية لولة إخوة يوسف بغاو يتخلصوا منو، و لكن عزيز مصر اللذي إشتراه قال للزوجة ديالو أكرمي مثواه ( تهلاي فيه ) 

هادي أول حاجة و تنظن كلشي عارفها و جربها فحياتو: الخير و المساعدة تقدر تلقاه فناس لي بعادين عليك و ماتلقاهش فصحابك ( ناس لي تتعتبرهوم صحابك ) 

2⃣  وَشَرَوْهُ بِثَمَنٍ بَخْسٍ دَرَاهِمَ مَعْدُودَةٍ وَكَانُوا فِيهِ مِنَ الزَّاهِدِينَ (20)

*شروه = باعوه

هنا القيمة ديال نبي بالنسبة للإخوة ديالو كانت قليلة غي دراهم و صاافي ، و حنا كامليين وقعات ليينا، بزااف ديال لمرات ماتناخدوش قيمتنا و داكشي لي تنستحقوا و بنادم ماتيعرفش بشنو نتا تتسوى

فهاد لحالات  تيخصك نتا تكون عارف قيمتك و ماتهتمش لرأي بنادم، الظروف تتكون شي مرات ضدك و لكن خاص نتا تبقى عاطي قيمة لرااسك 

3⃣ قَالَ يَا بُنَيَّ لَا تَقْصُصْ رُؤْيَاكَ عَلَىٰ إِخْوَتِكَ فَيَكِيدُوا لَكَ كَيْدًا ۖ إِنَّ الشَّيْطَانَ لِلْإِنسَانِ عَدُوٌّ مُّبِينٌ (5)  فَلَمَّا رَأَىٰ قَمِيصَهُ قُدَّ مِن دُبُرٍ قَالَ إِنَّهُ مِن كَيْدِكُنَّ ۖ إِنَّ كَيْدَكُنَّ عَظِيمٌ (28)

بزااف ديال النااس تينتاابهوا و عارفين الٱية 28 لي تتهضر على كيد النساء لي وقع ليوسف في بلاد مصر. و لكن تينسااو واحد الحاجة، راه السبب لاش خرج يوسف من بلادو و من الرعاية ديال أبيه يعقوب هو الكيد ديال خوتوا ( و مذكورة فالٱية 5، يعني بلا ماتحاولوا تنكروها ) هادشي مايتنقصش من كيد النساء و لكن تيحط الضوء على كيد الرجال تا هو. يعني بالداارجة كلناا مانسوااوش، كولناا فينا لقوالب. 

نقطة أخرى فهاد المسألة هي أن هادشي لي وقع للنبي يوسف هو إبتلاء من عند الله، و الأنبياء أكثر الناس لي تيتعرضوا للبلاء. و لكن هادشي تينطبق على كيد ديال الإخوة ديالو و كيد إمرأة العزيز. يعني إماا تقبلوا راه إبتلاء من عند الله فكلتا الحالتين ولا تقبلوا كااملين فينا تاحرامياات 🐸 

4⃣ نَبِّئْنَا بِتَأْوِيلِهِ ۖ إِنَّا نَرَاكَ مِنَ الْمُحْسِنِينَ (36) + قَالُوا يَا أَيُّهَا الْعَزِيزُ إِنَّ لَهُ أَبًا شَيْخًا كَبِيرًا فَخُذْ أَحَدَنَا مَكَانَهُ ۖ إِنَّا نَرَاكَ مِنَ الْمُحْسِنِينَ (78)

هاد 2 ٱيات تيبينوا واحد لحاجة أن لفلوس ماتيبدلوش بنادم 🐸 

كيفااش ؟ 

فالسجن إقترب منو  2 ديال ناس باش يفسر الحلم ديالهوم و عتابروه من المحسنين، و نفس العبارة تقالت ليه فاش كان فموقف سلطة.

يعني الإنسان قبل مايدير لفلوس ولا ياخد منصب، يلا كان ظاهرا و باطنا مزيان، دوك لفلوس غاادي يزيدوه رغبة انه يدير الخير، أما يلا كان ظاهرا مزياان و لكن باطنا لاا غاادي غير يفرغ الرغبات ديالو و يتصرف على حقيقتو حيت لفلوس عطاوه قوة و سلطة لي هو محتااج باش مايسوقش لبنادم 

5⃣  وَقَالَ يَا بَنِيَّ لَا تَدْخُلُوا مِن بَابٍ وَاحِدٍ وَادْخُلُوا مِنْ أَبْوَابٍ مُّتَفَرِّقَةٍ ۖ وَمَا أُغْنِي عَنكُم مِّنَ اللَّهِ مِن شَيْءٍ ۖ إِنِ الْحُكْمُ إِلَّا لِلَّهِ ۖ عَلَيْهِ تَوَكَّلْتُ ۖ وَعَلَيْهِ فَلْيَتَوَكَّلِ الْمُتَوَكِّلُونَ (67) 

2 عبر هنا : 

أولا الإنسان خاصوا يبعد على راسوا العين و المظاهر الفارغة ( لا تدخلوا من باب واحد ) 

ثانيا، تيبقى فالأخير الأمر لله، ( و ما أغني عنكم من الله مم شيء ) 

يعني دير السبب فالأمور كلها، صغيرها و كبيرها و توكل على الله 

6⃣ قَالُوا إِن يَسْرِقْ فَقَدْ سَرَقَ أَخٌ لَّهُ مِن قَبْلُ ۚ فَأَسَرَّهَا يُوسُفُ فِي نَفْسِهِ وَلَمْ يُبْدِهَا لَهُمْ ۚ قَالَ أَنتُمْ شَرٌّ مَّكَانًا ۖ وَاللَّهُ أَعْلَمُ بِمَا تَصِفُونَ (77)

شي مرات تيكون من الأحسن أن الإنسان يكظم الغضب ديالو و مايقولش كلمة دالعيب باش مايخسرش ناس لي قرابين لييه، داكشي علاش ( فأسرها يوسف في نفسه و لم يبدها لهم ) 

بقا فيه لحال على لهضرة لي قالوا و لكن ماهضرش بالفم ديالو ( فأسرها ) و مابينش حتى على وجهوا ( و لم يبدها لهم ) 

7⃣ وَرَفَعَ أَبَوَيْهِ عَلَى الْعَرْشِ وَخَرُّوا لَهُ سُجَّدًا ۖ وَقَالَ يَا أَبَتِ هَٰذَا تَأْوِيلُ رُؤْيَايَ مِن قَبْلُ قَدْ جَعَلَهَا رَبِّي حَقًّا ۖ وَقَدْ أَحْسَنَ بِي إِذْ أَخْرَجَنِي مِنَ السِّجْنِ 

القصة ديال يوسف هي قصة بطل. قصة ديال معاناة، قصة ديال مغامرة، قصة ديال تحقيق حلم. و لكن هاد الحلم أو هاد الرؤيا ماتحققاتش غي هكااك، دااز على النبي بزااف ديال المصاعب باش عاد حقق داكشي لي باغي و هاد الأمر تينطبق علينا كاملين. عندك واحد الحلم ؟؟ ااه ممكن تحققوا و لكن وجد رااسك بااش تخدم و تمشي فواحد الطريق لي تتكون عكس داكشي لي خططتي و درتي فباالك، غادي توصل  و لكن غاادي تمحن عااد اتمكن.

8⃣ وَقَدْ أَحْسَنَ بِي إِذْ أَخْرَجَنِي مِنَ السِّجْنِ وَجَاءَ بِكُم مِّنَ الْبَدْوِ مِن بَعْدِ أَن نَّزَغَ الشَّيْطَانُ بَيْنِي وَبَيْنَ إِخْوَتِي ۚ إِنَّ رَبِّي لَطِيفٌ لِّمَا يَشَاءُ ۚ إِنَّهُ هُوَ الْعَلِيمُ الْحَكِيمُ (100) 

هنا واحد الأسلوب زوين فالتعامل مع بنادم فاش تيخطأ:

الإخوة ديال يوسف دارو ليه شحال من خطة باش يتهناو منو، كانوا باغيين يقتلوه و حرموه من سنين من حياتو،   و لكن فاش أذن الله بالفرج و تجمع بأبيه يعقوب و الإخوة ديالو، ماقالش هاحنا تجمعنا واخا الإخوة ديالي دارو لييا،  بالعكس قاال ( من بعد أن نزغ الشيطان بيني و بين إخوتي ) يعني حط اللوم على الشيطان ماشي خوتوا، 

فاش تناقش مع بنادم حاول ماتردوش هو لي خايب ( واخا يكون بصح ) حيت يلا درتيها ماتيبقاش باغي يسمع ليك و لكن وريه المشكل فقط فين هو 

9⃣ وَمَا أَكْثَرُ النَّاسِ وَلَوْ حَرَصْتَ بِمُؤْمِنِينَ (103)

كااين شي ناس تتهضر معاه تتقول ليه هاد لحاجة غالطة، تيقوليك اوا رااه كولشي تدييرها ولا لكثيير تيديرهاا -_- لكثيير تيدييرها حيت لكثير ماعارفش، جااهل، ولا عارف و مامسوقش.

العبرة عمرها ماكانت بواش لكثير ديال ناس تيقوموا بواحد لحاجة ولا لا. 

🔟 وَكَأَيِّن مِّنْ آيَةٍ فِي السَّمَاوَاتِ وَالْأَرْضِ يَمُرُّونَ عَلَيْهَا وَهُمْ عَنْهَا مُعْرِضُونَ (105) 

الٱية تتخاطب بدرجة أولى الناس لي ماتيشوفش خلق الله و الدلائل و تيعمييو العقل ديالهوم على الحق، و هاد القضية تتنطبق حتى فحياتنا؛ بناادم تيعمي عقلوا و تيشوف غي السلبي و ماتيشوفش الفرص لي كااينا فالدنياا. 

1⃣1⃣ حَتَّىٰ إِذَا اسْتَيْأَسَ الرُّسُلُ وَظَنُّوا أَنَّهُمْ قَدْ كُذِبُوا جَاءَهُمْ نَصْرُنَا فَنُجِّيَ مَن نَّشَاءُ ۖ وَلَا يُرَدُّ بَأْسُنَا عَنِ الْقَوْمِ الْمُجْرِمِينَ (110)

ٱخر ٱية و يمكن احسن عبرة ( لي شي مراات تنسا ماندير بيها صرااحة 🤣 ) 

غالبا الفترة لي تيكون فيها الإنسان تعرض لبزاف ديال المشاكل و بزاف ديال الضغوطات هي لي تيكون قادر فيها أنه يحقق واحد الإنجاز لي عظيم و فيها تتفرج الحال.

إن مع العسر يسرا ❤️

________________

كاين مجموعة من تفاسير القرٱن و أبسطها هو تفسير السعدي، لي تينقص بزااف ديال التفاصيل و لكن تيعطيك الأفكار المهمة. بالنسبة لي بغا يعرف تفاسير السور تنصحوا بهذا.

اواا بيييييس & لاااااڤ 🐸