شحاال ديال الوقت تادوز(ي) قداام لمرااية؟ شحاال ديال الوقت لي تنعطييوه للمظهر ديالنا بااش نبانو زويينين و فااش نخرجوا نكونو تايقيين فرااسنا؟ 

شي مراات تنكونو باغيين نكونو تايقيين فرااسنا و نعجبوا رااسناا غي ليناا حناايا. و شي مراات خريين تنكونو باغيين نعجبوا بناادم اخور. و هاد الحالات بجوج عاديين و مزياانين.

و لكن على الرغم من المحاولاات ديالنا و شحاال ماوقفناا قداام لمرااية، تتكون شي حااجة نااقصة.

تتكون عندك شي منااسبة و تتوجد لييها هاادي مدة، و حتى لنهاار ولا يومااين قبل تتخرج فييك واحد لحبوبة و تتقول مع رااسك، كلشي غاادي يشوف فيها ليوما.

ولا تتكون خااارج مسااري مع رااسك و نااسي كلشي، و لكن حدك تترجع للداار و تتشوف فلمرااية، تتصدم 😳😳 و تتقول وااش هكاا كنت فالزنقة؟؟

حناا تنتاابهوا بزااف للعيوب دياالناا و تنقولوا رااه بناادم تيحضيينا، و لكن وااش بصح بناادم منتبه ليينا لديك الدرجة لي تنفكروا فييها؟؟

بااش نجاوبوا على هاد السؤاال غاادي نشوفوا واحد التجربة  لي داارت على المظهر الخاارجي. 

هااد الجزء تا هو تينطبق على دراري و لبنات، و لكن انوجه لهضرة هنا للبنات باش مايجييش و يقول ليا وااحد دري صاحبي "?Why are you gay"

دارت تجربة  لي جابو فيها مجموعة ديال الأشخاص و طلبوا منهوم يقيمو الجمال و المظهر ديالهوم ... واش زويينين ولا خايبيين ؟؟ + التعليل !!

لكثييير لكثييير لكثيييييييير فيهوم قال على راسو خاايب و التعليل كان شي حواايج لي تاافهة، بحال عندي واحد زغبة فشعري لي محروقة ولا شاايبة ولا عندي واحد لحبوبة فظهري لي مرضااني

مهم دااكشي تاافه.

و فالمرحلة الثاانية طلبوا منهوم يقيموا نااس لي معاهوم فديك التجربة 

و هناا كانت التقييمات إيجايبة + التعليل شنو كاان ؟ 

التعليل كاان هو ديك البنت زويينة حيت تاضحك بزااف حيت شعرها  طوييييل 😍😍😍😍😍😍🤤🤤🤤 لابسة حواايج نقييين و هي غااادة ......

مهم شنو لاحظوا ؟ هو بناادم فاش تيجي يحكم على راسو تيقول راه خاايب و تيركز على شي تفاصيل لي تاااافهة و صغييرة بزاااف و فاش تيحكم على إنسااان ٱخر تيعطي وااحد الأوصااف لي عاامة و تتكون إيجياابية بكتر بزاااف 

يعني حتى نتي فاش تتشوفي راسك فلمرااية و تتقولي على رااسك راك خايبة و تتبقاي تشوفي شي حاجة لي ماتتشاافش رااه هي تتبالغي، و إنساان اخور ماغاديش يشوفك بديك الطريقة.

شي حد.اخور ( دري ولا بنت ) ايشووف فيك بصفة عاامة و غادي يكون التقييم ديالهوم حسن بزااف من التقييم ديالك 

حناا دييما تنقصوا  من راسنا و تنتعاملوا مع راسنا بطريقة كفس من الأسلوب لي تنتعاملوا بيه مع النااس لوخريين 

بين قوسين راااك مامحتاجااش التقييم ديال نااس لوخرين، الإنسان خاصو يكون راضي على نفسوا 

🙏 و لكن يلا عندك ضروري التقييم ديال نااس، عقلي على هاد العبارة

The loveliest flowers are those with thorns 

أجمل الأزهار هي لي تيكون فيها الشوك ( عيب واحد ولا 2 مقبول و عاادي و بالعكس يقدر يكون زويين عند حد ٱخوور ) 

و على الرغم من المحاولات ديالنا أن حناا نحققوا المثاالية، تيبقى هذااك غي واحد السراب لي واخا نتبعوه ماغااديش نحققوه.

و الإنساان بنفسوا يلا لقى شي حااجة لي تتباان مثاالية، ماغااديش يتيق فييها. حيت فاللاوعي ديالناا عارفين و عدناا قنااعة بلي تا حااجة ما مثاالية.

صوو، تقبلوا العيوب ديالكوم و عيشو حياتكوم بيها.

خلييك طبييعية؛ خلييك زوييينة.

بس: يلا بغيتي تعرفي واش دوك العييوب بصح، مخيبيينك؛ سيفطيلييا تصويرتك وااقفة 🤣🤣

بس2: You are all beautiful 

بييييس ✌️