شنو الدور لي الحزن تيلعب فحياتنا؟

لمرة لفايتة بدينا موضوع أن الحزن مااشي عدو و لكن شعور إنسااني لي طبيعي و لو ماكاانش الحزن، ماكنااش غاادي نقدروا المشااعر الأخرى.

أحسن مثال على هاد المسألة هي حياتنا الشخصية و ثااني أحسن مثال هو فيلم "Inside Out"..

قصة الفيلم: 

الفيلم تيهضر على بنت ( Riley ) عندها 11 لعام و غاادي ترحل لسان  فرانسيسكوا مع لعائلة ديالهاا، و فالطريق ديالها لديك لمدينة اتكون فرحاانة و تتخاايل بلي اتمشي لتما و اتعرف على صحااب جداد و اتكون دارهوم فيها لابيسين و غاادي تكون جردة و اتكون عاايشة فواحد الجنة فوق الأرض .... مهم صدمة كبيرة 😐 ديما التوقعات ديالنا تتخيبناا و تتصدق فزيرو و نفس الشيء بالنسبة ليها فهاد الحالة، فهااد  اللحظة العواطف ديالها أتخربق 

و شكون هوما العواطف ديالهاا ؟ 

العواطف هوما دوك الخمسة ديال الشخصيات لي كاينين فالغلاف و تيمثلوا ' الفرح، الغضب، الخوف، القلق، و الإشمئزاز. 

هاد الشخصيات مصورين فالعقل ديال Riley و أغلب الأحداث كاينين فدماغها و مرسومين فالفيلم بواحد الدقة و إحتراافية و بسااطة.

فاش أتكون Riley فكاليفورنيا، الحزن غاادي يسيطر على Riley مؤقتا و  غادي يأثر على گااع الذكريات ديالها دوك العواطف الأخرى لي فعقل Riley ايحااولو يبعدوا على الحزن على مقر القيادة ديال عقل Riley.

غاادي يقدوا و لكن بالخطأ غاادي يبعدوا حتى Joy ( الفرحة ) تا هي.

من  بعد اتحااول Joy ترجع مع Sadness لمقر القيادة ديال عقل Riley و غاادي يكون هنا أكبر تطور فالقصة.

غاادي يدوزو ( Sadness & Joy ) على بزااف ديال المحطات فعقل Riley، من ضمنهوم مركز الذكريات و غاادي تلاحظ Joy بلي الحزن ( فشخصية Sadness ) كان تيحمي Riley من بزااف ديال الأخطاار و تيعاونها فحياتها فبزااف ديال المحطاات.

كان تيوگدها و كان تيخليها تعرف و تميز مابين المشااعر الزوينة و لخايبة، فااش تتكون دوزتي وقت خاايب عااد تتعرف إمتا الوقت زويين تيكون.

فهاد الفترة Riley اتعيش تقلبات مزااجية فحياتها، حيت فقداات 2 مشاعر مهمة: الحزن و السعادة.

هاد الفترة أتكون الأسوء فحياة Riley حيت بقا غي الغضب و الخوف و الإشمئزاز لي فعقلها؛ و هاادشي غاادي يخليها تفقد الثقة فعائلتها و صحاابها و اتداابز معاهوم. 

و حيت دابا الحزن مشاا، ماغااديش تحس لا بتأنيب الضمير ولا تا شي حااجة، و العلاقات ديالها اتبقا تنهاار شوييا بشوييا.

غاادي تدوز فترة وصعااب بااش عااد غاادي يرجعوا ( Sadness & Joy ) للعقل ديالها و أتكون Joy قتانعات بالأهمية ديال الحزن، و بلي الحزن تيخلينا نتراجعوا على قرارات لي تتكون غالطة فحياتنا، و بلي الحزن هو لي تيخلي النااس يعرفوا بلي حناا محتاجين للمسااعدة.

القصة تادور الأحداث ديالها فعالمين: أرض الواقع و فالعقل ديال البنت Riley تما فين تنشوفو هاد الحزن، و السعادة و باقي المشاعر الأخرى.

الفيلم تيعلمنا بأن المشاعر كاملة ضرورية و مهمة لنفس الدرجة فحياة الإنسان. 

و تيعلمنا حتى بأن الواحد ماخاصوش يبقى يجري مور السعادة فقط، و أن السعادة ماشي محصورة غي فالضحك و مااشي عاادي أنك تلقا إنسان فرحاان ديماا.

و سر الحيااة هو أن حناا نتأقلموا و نختبروا المشااعر كااملة.