يلا كنتي مهتم بتحسين علاقاتك الإجتماعية مع النااس؟ يلا كنتي تتحشم و بغيتي تخلص من هاد الصفة! و تولي إنساان لي إجتمااعي، و تولي مرتااح كتر فلهضرة مع النااس؛ خااصك تقراا هاد لكتااب؛ بعنوان: كيفااش تربح الأصدقااء و تأثر على النااس؟

و لكن علااش ؟ اش انديرو ببنادم و شنو جانا منهوم غير فريع رااس ؟

اولا مااشي بناادم كاامل فيه فريع رااس، يلا فكرتي مزياان اتلقى بلي بزااف من صحاابك عندك علاقات و ذكرياات معااهوم زويينة و عاونوك بزااف فشي فترة من حيااتك، و هاادشي علاش هاد لكتااب مهم.

العلاقات الإجتماعية مهمة بزااف حيت أي حااجة لي نتاا اتحتااج فحيااتك راه كااين شي حد لي يقدر يوفرهاا ليك. بغيتي تخدم ؟ كااين شي واحد لي عندو لمعاارف و يقدر يعاونك. بغيتي تبداا مشروع ؟ كااين شي وااحد لي عندو خبرة  و يقدر يعااونك. بغيتي تقراا و تعلم شي مهاارة ولا لغة ؟ كااين يوتويب بالطبع و كااين حتى شي شخص لي يوريك فين تمشي و الخطواات بااش تعلم داكشي لي بااغي فأقل وقت و بأحسن طريقة.

شنو بغيتي اخور ؟ دااكشي بإمكاان شي شخص يوفروا ليك. بشرط أنك نتاا تعرف تسول، و تعرف تبني علاقة معااه لي اتخليه يبغي يعااونك. حيت مايمكنش تجي عند اي وااحد و تقوليه، عطيني هاد لحااجة بالسيف 🤷 خاصك تعرف كيفااش تبني علاقة مع أي وااحد، و هاادشي نيت هو لي كااين فهاد لكتااب.

لكتااب تينقسم ل 4 ديال الأجزاء و أول جزء تيهضر على ....

🔵 الجزء لول فيه 3 ديال الأفكاار أسااسية؛ كل فكرة كااينة ففصل.

1⃣ الفكرة لول هي أنك يلا عندك شي حااجة خاايبة تقولهاا نسااهاا حسن ليك؛ ماكااين لااش تسرع و تبداا تداافع و تهااجم أي شخص يلا حسيتي بشي حااجة قلقااتك، نساا لهم و ماديرش فباالك ( يلا كانت داكشي شي حاجة تاافهة بالطبع ) شي مراات العلاقات ديالناا تيكون عندهوم أهمية أكبر من شكون لي عندو الحق.

2⃣ الفصل الثااني تيهضر على أن الإنساان خاصوا يركز على داكشي زوين و ينسا لخاايب. نقولوا مثلا عندك ولدك، خوك صغير، ولا صااحبك، و بغيتيه يحيد شي عاادة خاايبة فيه. فهاد لحاالة شنو ادير ؟ تسنااه فاش مايديرش ديك العادة لخاايبة ولا يدير الضد ديالهاا و شكروا، قوليه داباا نتاا زويين، داباا عجبتيني. ركز على الزوييين مااشي لخاايب.

3⃣ الفصل الثاالت تيهضر على أن حناا خاصناا نركزوا على الرغبات ديال الإنساان فاش نهضرو معاه. فاش تكون تتهضر مع بناادم و تبغي تااخد منو شي حااجة وصل ليه لميسااج و الطلب ديالك نتاا بطريقة لي تتخلي داك الشخص يعرف بلي هو غادي يربح معاك. مثلا، بغيتي صااحبك هي يساافر معاك ولا يدير معاك شي مشروع، ماتبدااش تقول بغيتك تجي عندي و تخلي لخدمة ديالك و تعاوني ندير و ندير .... 🤦 قنعني بلي يلا عاونتك، يلا ساافرت معااك، يلا درت معااك مشروع ولا اي حااجة غاادي نستاافد انااا .. اماا يلا كان كلشي تيدور عليك نتاا بوحدك ... ايش استفاادت الأمة منك.

🔴 الجزء الثااني تيهضر على 6 ديال الطرق باش الإنطبااع لول ديالك لي تخلي على نااس يكون إيجاابي و هاد الطرق هوما: تهتم بداكشي لي تيبغيو هوما، تبتسم، تعقل على سمياتهوم، تسمع ليهوم، تنااقش شي حاجة لي مهتمين بيها، و تخليهوم فرحانين كتر من اللحظة فاش تلاقيتيهوم

⚫️ الجزء الثاالت تيهضر على 10 ديال الطرق باش تكتسب و تحاافظ على الثقة ديال النااس بيك، و هاد الطرق هوماا: تفاداا النقاشات لمباالغ فيهاا، ماعمرك ماتقول "نتاا غاالط" فلوجه، عتاارف بالخطأ ديالك دغياا و بلا تسنطييح، بداا لهضرة ديالك بوااحد طريقة لي حلوة، ركز على القواسم المشتركة،  ماتبقااش تحااسب مع صحاابك، حااول تفهم الطرف الٱخر، خلي الأهدااف ديالك نبيلة و تتفوت المصلحة الشخصية دياالك، شاارك القصة دياالك مع النااس و النااس ايشااركوك تا هوماا، و حاافظ على روح التناافس.

✖️ كل وااحد من هاد الطرق عندو فصل ديالو تيهضر عليه و تيشرحوا و مااشي ضروري تقراا هاد لفصول بالتتابع، النقطة لي عجبااتك سير ليها و قراهاا مزياان.

⚪️ الجزء الراابع و الأخيير تيهضر على كيفااش تأثر على النااس و تخليهوم يغيروا السلوك ديالهوم. هاد الجزء فيه 8 ديال الفصول.

1⃣ و أول فصل تيهضر على أن حنا خاصناا نبدااو النقااش بشي حااجة لي زوينة؛ قبل ماتقول لبنادم يبدل شي حاجة لي خاايبة فيه، ذكر الزوين.

2⃣ الفصل الثااني تيهضر على أهمية أن حناا نعترفوا بالخطأ دياالناا و المناافع ديال هاد القضية.

3⃣ و الفصل الثاالت تاا هو تيهضر على الأخطااء و لكن دياال بناادم، مااشي دياالك، و كيفااش تشير لييها بطريقة لي ماتجرحش بناادم.

4⃣ الفصل الراابع تيهضر على كيفااش طرح الأسئلة تيعااون بشكل كبير على التغيير كتر من إعطااء الأوااامر. مثلا نتاا مدير ديال شي شركة، تقدر تجي لعند نااس لي خداامين لي عندك و تقوليهوم نوضواا صلحوااا هاادي 😐 ولاا تقدر تسولهوم سؤاال بسيط، بحاال: كيفااش نديروا نصلحوا هاد لقضية 🤔🤔 ؟ و فاش تتسول بناادم هكاا، رااك تتعترف بلي راه هو بناادم بعقلوا و يقدر يعطيك حلول، و هاد القضية تتفرح أي وااحد. ثانياا، فااش بناادم لي خداام عندك غااادي هو رااسوا يعطييك اقترااح من عندوا، ايكون مستعد كتر أنه يصلح داك المشكل حيت الإقتراااح ديالو و تيحس بلي راه مسؤولية ديالو انه يتصلح دااك الخطأ؛ هادشي ايخلي الخداام فرحاان و ايدير خدمتوا و هو راشقاا ليه و نتاا ( مول شركة ) اتااخد نتاائج لي بااغي.

5⃣ الفصل الخاامس تيهضر على كيفااش تصلح الأخطااء.

6⃣ الفصل الساادس هو أنك تركز على الإيجاابي؛ فاش تتشكر شي حااجة زوينة دارهاا بناادم، تيعااود يرجع يديرهاا.

7⃣ الفصل الساابع تيقترح أن حناا نعطيو للنااس لوخرين وااحد السمعة لي زويينة و نشكروهوم و هوما ديك سااعة ماغااديش يبغييو يتسمااو قل من دااكشي لي قلناا عليهوم. مثلا، يلا قلتي: أيوب وااعر تبااارك الله، ذكي و تيقراا و تيعااون نااس و تيكتب بوسطاات وااعرين بزااف و تينفعوا بناادم (  و هاادشي شوييا من بزااف ) غاادي يعجبني لحاال و لمرة جااية فاش انكتب بوسط جديد انتفكر هاد لهضرة و غاادي نكتب شي بووسط لي نااضي و طووب حيت يلا مادرتش هكاا ... ديك لهضرة و كلاام لحق 😌 لي تقاال بحاال يلا عمرواا ماا تقاال 🐸 

8⃣ الفصل الثاامن و الأخيير  تيقول بلي ديماا خااصنا نبقااو على باال و على توااصل بالنااس لوخرين و نعرفوهوم مزياان. نعرفوا شنو تيبغييو، شنو تيكرهواا، شنو الأحلام ديالهوم و الطموحات دياالهوم و شحاال ماكاانت معرفة دياالناا عميييقة بيهووم شحااال ماغاادي يسهااال أن حناا نتفااهموا معاهوم و نخلييو علاقة لي طووب و غاادي تنفعناا من دابات للقدااام.

صوو، يلا كاان هاادشي لي ذكرت باان ليكوم مهم، سيروا قراااو لكتاااب

يمكن ليكوم طيليشارجيوه من هناا: 👇👇👇

https://drive.google.com/how-to-win-friends

و يلا تتجيكوم صعيبة تبدااو كتااب و تكملوه، هااد لبوسط غاادي يعاالج هاد القضية 👇👇👇