-->
الرئيسية
ريادة الأعمال بالدارجة
كتوبا بدارجة

كيفااش تخلي النااس يسمعوا ليك؟

 

كتااب التسويق بالإذن "Permission Marketing" ديال Seth Godin.

أغلبية الإشهارات لي تنشوفوا فتلفاازة ولا لجراائد ولا حتى اونلاين هي مثاال على نوع قديم فالتسويق و النتاائج ديالها ماتتكونش بنفس الجودة لواحد النوع جديد من التسويق.

السبب لااش ماتتكونش صاالحة هو أن حناا تنكونو جاالسيين متبعين شي فيلم ولا تنتسنااو شي ڤيديو ولا فيلم نتفرجوا لييه حتى تيباان لييك إشهاار ديال تعرف على مطلقة من العرااق 🤦 إييييش استفاادت الأمة من هااد الإشهاار 😑😑. هااد الأنوااع ديال الإشهاار تتقااطع الشخص' لي ممكن يولي زبون دياالك، و حيت نتاا من لبدواا تتقااطعوا فاش تيكون بااغي يدير شي حااجة، رااه العلاقة ماتتكونش مزياانة بيناتكوم. و لكن للأسف هكاا غاالبية الإشهاارات 🤷 صوو شنو الحل لي نقدوا نديروا ؟🤔

الحل هو علايااش انهضروا لييوما هو "Permission Marketing"  ( التسويق بالإذن ) و هذاا هو عنواان كتااب ديال "Seth Godin.
فهااد لبوسط غاادي نهضر على المفاهيم الأساسية ديال لكتااب و لي باان لييه هادشي زويين و عجبوا يطيليشاارجي لكتااب و يقرااه. ( كيما لعادة، اتلقااو راابط منين طيليشاارجيو لكتااب فاللخر)
1⃣ المفهوم ديال الكتااب بسيط. البشر بطبيعتوا أنااني فوقتوا و الإنتبااه ديالو و ماغااديش يعطييه ليك غي هكااك 🐸 صوو خااصك نتاا قبل من أي حااجة تفكر فدااك الشخص لي بااغي تسوق ليه و تسولوا اش حب لخااطر و تعطييه دااكشي لي حب لخااطر ديااالو. هكاا نتاا تتبني علاقة زويينة و لي ممكن من خلالهاا تبداا معااه التسويق و على ربي من بعد يشري من عندك السلعة ولا الخدمة دياالك.

2⃣ الكااتب تيشبه هااد 'التسويق بالإذن' بالزوااج و لمصااحبة. تخاايل داباا شي عنييبة لي أي بنت تهضر معااه يقولييها تنبغييك من دقة لولة، تزوجي بييييا  🤢🤢
ولا يبدا يسيفط 100 ميسااج فالدقيقة: سلاام، صااڤاا، جاااوبيني، ماالك متكبرة، تزوجي بييا  و فالأخييير Ayoub a envoyer une photo 😂😂 و غاا بااش نكونوا وااضحيين دااك أيوب مااشي أناا، هذااك شي أيوب وحداا خور 🏃🏃.

داباا واش هاد الشخص هو إنساان لي اتبغي تصااحب معاه ولا تزوج بييه، ولا غي تعطيه وقتك؟
من غير أنه تيطييح برااسو و تيباان ماااشي رااجل، فيييه فرييييع كلاام فااحش و هاادشي ماتيبغيه لاا ربي، لا عبدوا. و رااه هااد فريع رااس هوماا لي تيديروا ليينا لكثيير ديال قنواات ولكثير ديال الإشهااراات.
الحل و البديل لهااد الشوهة هو تبني العلاقة درجة بدرجة. سيفط للبنت ديك سلاام و خليها حتى تجااوب و عااود سيفط لييهاا ميسااج و هي غاادة بني العلاقة درجة بدرجة.
مهم بااش نرجعوا للبيزنيس و المحتوى ديال لكتااب.
خااصك فلول تدير إشهاار للزبون المحتمل و لكن ماتقوليه شري والو، تقولييه يلا بغيتي مثلاا تعرف الفرق ما بين iphone original و وااحد لي هي شيينوا، صووني علييا ولاا دخل email دياالك هناا و غاادي نسيفطو ليك المعلومات لي خااصك. و هكاا تتبداا العلاقة على الصح.

3⃣ مسألة اخرى لي لكتااب تيهضر علييها هو فااش تتبداا العلاقة مع شي زبون محتمل، تيخصك تبقى تنمييها. ماكاافييش أنك تسييفط لشي حد معلومات على كيفااش يشري طيلي و مايتقوبلش و صاافي و من بعد تنسااه. يلا نتاا نسيتيه و مابقيتيش تتوااصل معاه ايجي شي صااحب مشروع اخور و يااخد لييك لكياان.

4⃣ لكتااب تيهضر حتى على 5 ديال المستوياات ديال لمااركوتينغ بالإذن. المستوى الخاامس و الطوب هو فااش تتولي وااحد الثقة كبييرة بيينك و بين الزبون و تيتيق فيك و تعطيك لاكااارط ديال لبنك ديالو و تتبقى نتاا تسيفط لييه السلعة و ديما تيشري من عندك.
🔵مثال ديال نيتفليكس: فاش تتحل كونط معاهوم راه تتعطيهوم الإذن باش كل شهر يبقااو يقتطعوا ليك من حساابك البنكي مقاابل الخدمة لي تيوفروا ليك.
المستوى لول و لي عااد تتبداا فيه هو فااش يالاه تعرفتي على شخص و عندك أمل أنه يكون زبوون و العلاقة ديال البيع و الشرااء محدودودة بزااف.

لكتااب عملي بزااف و تيعطيك نصاائح على كيفااش تدوز من مرحلة لمرحلة و تكسب الثقة ديال لكلييان دياالك.

لكتااب فيه 12 فصل و مافاايتش  200 صفحة.تقدر تقرااه فنهااروا و تقدر تقسموا على أوقاات مختلفة نتاا و جهدك. المفهوم ديال 'التسويق بالإذن' بسيط و لكن ماتيعنييش أنه سااهل.
قراا هاد لكتااب بااش تفهموا مزياان و فالفصل العااشر غاادي يكون أمثلة على شركاات لي دااروه و نجح ليهوم و على شركاات لي خااصها تديروا و يمكن تستفد منو. فااش تتقراا هاد الفصل العااشر دوك المعلومات غاادي تكون ترسخاات فدمااغك مزياان 💪

يلا بغيتي، تطيليشاارجي لكتااب، بالإنجليزية، دخل لهااد الراابط: 👇👇👇
بييييييس ✌️
author

تعليقات