هااد الموضوع لي غاادي نهضر عليه بالنسبة لييا من أحسن الأمور لي تعلمت فحياااتي، و يلا تعلمتي هادشي و طبقتييه فحيااتك غاادي تخلص من الإكتئااب، القلق، و تحيد ستريس من حيااتك، و تحسن علااقتك مع النااس و تكتسب ثقة أكبر فنفسك و زيد و زيد.

لحااجة لي غاادي نهضر عليها فهاد لبوسط و لبوسطاات جااية هو التفكير ديال بناادم. ماغااديش نهضر معاك و نقولك فكر إيجاابي و شوف الجاانب المشرق ولا شي حااجة خراا لي غادي تكون سمعتي من قبل و مانفعااتكش.

و لكن أنهضروا على السبب الرئيسي لااش النااس ماراضيينش على حيااتهوم فمختلف الجواانب.

هاد السبب هوما واحد الطرق غاالطة فالتفكير، و تتسمى بالإنجليزية "Cognitive Distortions"

هاد الطرق الغالطة ديال التفكير تتشوه ليك العاالم و تخليك تشوفوا بواحد الطريقة كحلة. و يلا عرفتي هادو و تخلصتي منهوم غاادي تهناا فحيااتك.

فهاد لبوسط أنشرحهوم بإختصاار و فكل أسبوع غاادي نهضر على وحدة بتفصيل كثر و انقول كيفااش تخلص منهاا.

1⃣أول طريقة غاالطة فالتفكير هي "Over-generalization" و تتعني "التعميم المفرط"
هاادي هي منين اتوقع ليك حاجة خاايبة مرة وحدة و تتبقى تعمم. يلا فشلتي مرة فحيااتك، أتقول بلي غاادي نفشل ديما.

2⃣ثااني طريقة هي "Global Labeling" و تتعني "وضع علامات شااملة" ولا "تصنيف شاامل".
و هاادي هي فااش تتبقى تعااير رااسك على أبسط الأمور لي وقعات. مثلا، يلا سقطتي فشي إمتحاان، بلااصة ماتقول ... أناا سقطت فإمتحاان، تتقول على رااسك أناا فااشل، مكلخ، مافييا نفع.

3⃣ثاالت طريقة هي Mental Filter أي التصفية الذهنية. و هاادي هي فااش تتنتاابه غي للأمور السلبية و تتنسا الإيجاابي. مثلا، خرجتي مع صحاابك و دااز نهاار زويين و درتو شحاال من حااجة و لكن نتاا/نتي تتنسى هادشي و تتبقى عااقل غي على فااش صااحبك قال شي هضرة ماعجباتكش.

4⃣راابع طريقة هي Polarized Thinking / black & white thinking و تتعني هاادي التفكير القطبي ولا تتفكر فالأمور على شكل كحل و بيض.
و هنايا تتوصف رااسك إماا رااك إنساان ناااجح يلا حققتي بزااف ديال الأمور؛ ولا إنساان فااشل يلا ماكاانش كلشي مثالي فحيااتك.
عندك يا إماا تكون إنساان مزياان ولا خاايب، ملااك ولا شيطاان، عبقري ولا مكلخ، ....

5⃣خاامس طريقة هي Self-blame و تتعني "لوم الذاات"
فايتيين شاايفيين داك طرول على ربااطي لي تيبداا يضرب رااسو مع الحيط فااش تتكون مرااتو تتولد و تيقول هاادشي كولو سباابي 🤦🤦
وا راااداكشي هو لوم الذاات.
فااش تتوقع أي حااجة بسيطة تتحس بحاال يلا رااك نتا مذنب و تتبقى تتعتذر بزاااف.

6⃣ساادس طريقة هي Personalization و تتعني "الشخصنة"
و هاادي هي فااش تتااخد الأمور بطريقة شخصية فوق لقيااس. يلا كنتي جاالس و شي حد قالك "شميتي شي ريحة فشكل؟"
غاادي تنواا و يصحاابك رااه تيدوي عليك.
ويلا شي شاارف قاالك "هااد الجيل طاالع زيرو" أتقول مع رااسك وااش هاد ولد الخشبة تيقصدني.
بالنسبة ليك كلشي عندو علاقة بيك.
مهم بالداارجة رااك منوي.

7⃣ ساابع طريقة هي Mind-reading و تتعني قرااءة العقول.
هناياا تتفترض بلي النااس ماعندهومش معااك و ماتيحملوكش غي هكااك بدون أي دليل و تتقول مع رااسك تنحس بيها ولا تنحس بيه ماعندهومش معاياا و ماعرفتش علااش.
مهم، تقدر تكون بصح مي غالباا هي تتخور، و ماخااصكش تكون حسااس بلا قياااس.

8⃣ثاامن طريقة هي Fortune Telling و تتعني توقع المستقبل.
و هاادي بحاال رقم 7. هنايا بلااصة ماتقراا العقول ديال النااس، تتوقع المستقبل.
مثلا، تتقول مع رااسك "لااش نقراا و نوجد الإمتحاان، رااه باينة أنسقط" و حيت نتاا عندك هاد الفكرة ماغااديش تمشي دير عقلك فلقرااية و توجد مزياان و ماغااديش تنجح.
و من بعد اتقول مع رااسك، كنت عاارفهاا و أتبقى هكاا فواحد الدوامة وااحل.

9⃣تااسع طريقة هي Control fallacies و تتعني مغالطة السيطرة.
هناايا تتمرض رااسك و تتبقى تفكر بلي إماا خااصك تحكم و تسيطر على كلشي بااش مايوقع حتى شي غلط، ولا تتحس بلي نتاا ضحية و ماعندك تا شي تأثير على أحدااث العاالم.
و فكلتاا الحالتين تتمرض رااسك.

🔟عااشر طريقة هي Emotional Reasoning و تتعني "المنطق العاطفي".
هناياا تتخلي المشااعر ديالك يتحكموا فيك و كاتيقهوم.
تتحس بلي ماعندكش قيمة و النااس ماعندهومش معااك و تايدخل ليك هادشي لرااسك.
تتقول مايمكنش يكون هادشي غي جاابلي الله. تتخلق وااحد الدور رااسك و تتعيش فيه.

🔴كااين طرق أخرى ديال التفكير لي تتخلق لينا مشااكل فحياتنا و فكل أسبوع إن شاء الله أنهضر على وحدة بتفاصيل كثر و نقولك شنو تدير بااش تخلص منهاا.

بييييس ✌️