شرح Conditional بالداارجة - الجزء الثاالت

لبااارح شفناا ٱخر أنوااع Conditional و داباا أندوزوا للتطبيق:

1⃣ كيفااش التماارين أتحط.

دابااا غي هاد 2 أنوااع لي درناا لخراا هي للي أتحط فالوطني. يااك؟

بااش أتعرفوا إناا نوع لي خااصكوم تديرو؟

و شنو هو التمريين لي غاادي يتحط.

بعداا التمرين غاادي يكون السؤال ديالو هو هذاا:

Rewrite the sentences with the words given:

و شفناا هاد السؤال من قبل، و تيعني: عااود كتب هاد الجمل بالكلمات المعطاة

ايعطييوك جملة، مثلا:

I did not study well, I failed the test.

تتعني: أناا ماقرييتش مزياان: أناا سقطت.

و غاادي يعطييوك تحت من هاد الجملة

If .........

و هاادي إشاارة أنه خااصك تخدم ل conditional هناا

2⃣فااش أيعطييوك جملة، غاادي يخصك تشوف 2 حاجاات:

أولاا: شوف الزمن دياال الجملة: وااش مصرفة ف Simple Present ولا Simple past.

🔶يلا كاانت الجملة ف Present هاادشي تيعني أنه خااصك تردهاا ل Conditional type 2.

🔶ويلا كانت الجملة ف Past هاادشي تيعني أنه خااصك تردهاا ل Conditional type 3.

الجملة لي ذكرت من قبل فإناا زمن؟

ف Simple past يااك؟

يعني ايخصناا نديروها ف Conditional type 3.

شنو هي القااعدة ديالو؟

الجزء الأول لي تيعبر على السبب تيكون ف Past Perfect و الجزء الثااني تنديرو ليه would have + past participle.

صوو الجملة غاادي تولي

If I had not studied well, I would have failed the test.

و تتعني:

كون ماقرييتش مزياان، كون رااني سقطت فالإمتحاان.

و لكن وااش صحييييحة؟

اش باالكوم؟

صحيييحة هكاا ولا لاا؟

و علاااش؟

مهم أناا داباا تنفتاارض راكوم تتجااوبوا معاياا فعقلكم.

انحبس داباا.

الجملة ماصحيحااش. حيت فالوااقع أناا ماقريتش مزياان، و سقطت.

صوو، يلا بغيينا نخدموا أسلوب الشرط غاادي نتخاايلوا شي حااجة لي العكس دياال الوااقع.

فهمتو؟

يعني نتاا سقطتي. فااش لواليدين دياالك ايهضروا معااك، غاادي يقولك "واا كون قريتي مزياان، كوون رااه نجحتي"

3⃣انفتاارضوا العكس.

صوو، فااش تخدموا هاد التمرين. الجمل لي غاادي تردوا ف Conditional يلا كاانوا ف Negative ديروهوم ف Positive ويلا كانوا ف Positive ديروهوم ف Negative.

صوو، غاادي نردوا ديك الجملة ل Past Perfect و لكن الأجزااء لي ف Negative أيولييو Positive. و الأجزااء لي ف Positive أتولي Negative.

ديك الجملة أتولي:

If I had studied well, I would not have failed the test.

4⃣نتاابهوا للترتيب ديال الجمل:

كون عطااوك فديك الجملة:

I failed the test ; I did not study well.

غاادي تطبق نفس داكشي لي قلت ( الجملة أتولي ف Past Perfect و غاادي تبدل negative / positive )

و لكن ماغااديش تقول

If I had not failed the test, I would have studied well.

علاااش هاادي غاالطة واخاا تبعناا كلشي؟

حيت الترتيب ديال الجمل مااشي هو هذااك.

ديك الكلمة "if" مااشي تنديروها مع أول عبارة لي عطااوناا. تنديروها مع العباارة لي تتعبر ليينا على السبب.

هااد الجملة لي كتبت تتعني:

كون مااسقطتش فالإمتحاان كون رااه قرييت مزياان.

هناا عدناا السبب و النتيجة مخربق.

الصحييح لي خااصنا نقولو هو:

كون قرييت مزياان كون رااه ماسقطتش.

يعني نتااابهو مزياان للترتيب ديال الجمل. و ماتحطوهومش غي هكااك.

5⃣فااش تيعطييوك "Because"

هاادي معلومة إضاافية لي خااصكوم تنتاابهوا ليها و هي سااهلة.

شي مراات غاادي يعطييوك 2 جمل و غاادي يكونوا رابطينهوم ب Because.

مثلا:

I don't know what to do because I am not you.

و تتعني:

أناا ماعاارفش شنو ندير حيت أناا مااشي هو نتاا.

غاادي نطبقوا نفس الأموور لي شفناا.

1) الجملة ف Present أنردوها ل Past.

2) لي ف negative أيرجع Positive

3) و غاادي نحتارموا ترتيب الجمل و نديروا "if" مع السبب مااشي النتيجة.

و هاد الجملة أتولي:

If I were* you, I would know what to do.

فالأصل تيكون عدناا ( I was ) و لكن ف Conditional تيولي were.

حاالة خااصة و صاافي.

6⃣شي وحديين

كناا قلناا بلي فالجزء الثااني ديال الجمل تنديرو *would* يااك؟

و لكن يلا كانوا عاطيينكوم فالجمل ( can / may ) غاادي تردهاا ( could / might )

ويلا شفتوا "will" أتردوهاا غي would.

على سلاامتناا.

ندوزوا داباا للتمااارن:

Rewrite the sentences with the words given:

1) I am busy. I can't go out with you.