مااتنبغيش نركب على الموجة و نهضر على بوسط لي كلشي تيهضر عليه، خصوصاا فااش تيكون الموضوع حسااس لهاد الدرجة حيت مانبغيش نتسمى أني تنستغل وقوع حادثة بااش نااس تقراا سنو تنكتب.

مااشي هذاا هو الهدف ديالي ولا ديال هاد لبوسط.

هااد لبوسط الهدف ديالو هو يجااوب على شي تساؤلاات لي تقدر تكون فبالكوم داباا، كيماا كانت فباال صديقة ديالي لي جبداات معايا هاد الموضوع.

السؤاال ديالها كاان هو:

"ياربي تسمحلي، دبا الباارح، فاش دك دري مسكين مات، بديت تنقول مع رااسي يك سيدي ربي قالينا 40 دعوة من غريب مستجابة و رسان 40 مليون كانو كيدعيو معاه، و قالك بلي ادعوني استجب لكم، وقال بلي بالدعاء الاقدار تقدر تبدل، قلت علاش معاشش 😢😢 وياربي تسمحلي شكككت ودخلت فمشيئة الله ياربي تسمحلي هدشي مكيعنيش الشرك ولا شي حااجا يك ؟ دبا نتا ماشي فقيه ولا ولكن غ كنسول 🙄" 

داباا أناا مااشي فقيه و لكن غاادي نجااوب 🐸

الجوااب:

1⃣ هاادشي ماتيعنيش الشرك، و لكن قبل مانهضروا على هاد النقطة ... 

2⃣ خااصني نقول بلي هاد المسألة ديال دعوة 40 شخص مستجابة لا أسااس لها من الصحة. ماكااين تا شي حديث صحيح ولا ٱية من القرٱن لي تتقول بلي دعوة 40 شخص مستجابة. هاادي مجرد معلومة خاطئة لي نتااشراات فلفاايس. 

تنظن بأن النااس خداوها من واحد الحديث لي النبي تيقول فيه بلي "مَا مِنْ رَجُلٍ مُسْلِمٍ يَمُوتُ، فَيَقُومُ عَلَى جَنَازَتِهِ أَرْبَعُونَ رَجُلًا، لَا يُشْرِكُونَ بِاللهِ شَيْئًا، إِلَّا شَفَّعَهُمُ اللهُ فِيهِ." رواه مسلم (948)

و لكن هاادي ماتتقولش بلي دعوة 40 شخص مستجابة، فقط أن يلا توفى الشخص و صلاو عليه 40 شخص غاادي يشفع ليهوم الله فيه.

3⃣ أما بخصوص الدعوة المستجابة، تتكون الدعوة مستجابة يلا دعاا معااك أخوك المسلم ( غي 1)  فالغيب ديالك. و فااش تيدعي معااك، تيكون واحد الملك تيقول ليه و لك بالمثل. هاادشي لي تمنيتي لخوك المسلم، غاادي تاخد بحالو.

4⃣أما بخصوص وفااة 'ريان' هاادي واحد المسألة لي قااصحة عليينا، قااصحة على أي وااحد، و عاادي أنه يجيك الحزن و تبكي و تصدم حيت الطريقة لي توفى خايبة لدرجة ماغااديش نعرف نوصفها بالكلماات.

5⃣بالنسبة لييا أناا على الرغم من أن الموت ديالو كاان قااصح عليينا، و لكن رااه يمكن هاادي حكمة ربانية حيت فهاد الأياام، اتحد العرب ( اخيرا ) على حااجة وحدة و ماكاانش بيناتهوم الحقد ولا الغل بسبااب السيااسة. تقدر تكون هاادي حكمة رباانية و الله أعلى و أعلم.

6⃣بالنسبة لمسألة أن الدعااء تيرد القدر، هاادي كااينة بصح و لكن خااص نوضحوا واحد الحااجة. 

نقدروا نقسموا القدر لجوج أنوااع: قدر محكم و قدر معلق.

7⃣قدر محكم هوما أمور لي الله قدرها و ماكااينش إمكاانية أنها تغير. 

و الموت هو مثاال على هاد الأمور المحكمة لي واخاا يتجمع العالم كولوا و يدعي ماغاديش تبدل. 

واخاا نبقى ندعي من داباا 10 سنيين بااس مانموتش، هااد الدعوة ماعمرها ماغادي تقبل. حيت الله تيقول: 

"أَيْنَمَا تَكُونُوا يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ ۗ." النساء، الٱية 78.

يعني الموت فيك فيك، ويلا جا الأجل دياالك ماغاديش تأخر ولا تسبق.

8⃣و كااين قدر معلق. القدر المعلق هوما الأمور لي الإنساان عندو دور فيها، عندها أسباب.

مثلا، الله جعل البر من أسباب زيادة العمر، وصلة الرحم، كذلك وجعل المعاصي والسيئات من أسباب نزع البركة، ومن أسباب قصر الأعمار إلى غير ذلك.

صو، هاد الأمور يلا دعيتي و اجتهدتي غاادي تستطيع تغيرها بمشيئة الله.

9⃣داباا ٱخر نقطة لي هي سؤال الأخت: وااش شركاات بالله؟؟

الجوااب هو لا طبعاا. 

هاادوك أفكاار و وسااوس لي طااحوا ليها (ويمكن ليكوم فالرااس) و ماتيعنيوش أنك شركتي.

إ«نما الأعمال بالنيات وإنما لكل امرئ ما نوى»

فهاد الحالة ماكاانش نية البنت ( أي قصدها ) هو الشرك. 

فجزاء العمل تيعتمد على نية صااحبه... فمن نوى خيراً نال خيراً، ومن نوى شرّاً نال شرّا

🔟و فالأخير إنا لله وإنا إليه راجعون 💓