شرح لجميع الأزمنة فالإنجليزية
كيماا قلناا غاادي نبداو بدروس Grammar و بالضبط غاادي نبدااو بالأزمنة ( Tenses )
قبل مانشرح أول زمن، غاادي نهضروا على 3 ديال الخطواات لي غاادي ندوزو منهاا فااش نكونوا تنهضروا على كل Tense.
1⃣ أول خطوة هي نهضروا على الإستخدام ديالو "Use".
الإنجليزية فيها 12 زمن مختلف، و كل زمن عندو إستخدام معين، عندو حالات فين تيخصنا نخدموه.
مثلا، وااش انهضروا على المااضي، ولا الحااضر، ولا المستقبل.
ويلا كناا أنهضروا على المااضي، واش هااد المااضي وقع فوقت معروف ولا لا، وااش هاد الحركة لي وقعاات فالمااضي كاانت مستمرة ( خداات وقت طوييل ) ولا لاا، وااش هاد الحركة عندها تأثير على الحااضر ولا المستقبل ....
صو كل زمن، عندو إستخداام ديالو و غاادي تكون هادي هي أول حااجة تنشرح فكل زمن.
2⃣الخطوة الثاانية لي غاادي ندوزو منهاا هي "Time Expressions" و تيعنييو هاادو 'التعابير الزمنية'
قلناا قبيلاات بلي لونغلي فيها 12 زمن مختلف. و هوما فالوطني غاادي يقولك صرف لييا الأفعال بين قوسين فالزمن الصحيح، و بالطبع ماغااديش يقولك إناا زمن لي صحيح. أيخصك تعرف نتاا رااسك.
و بااش غاادي تعرف إناا زمن لي صحيح؟
أتعرف بهااد التعابير الزمنية، هوما لي غادي يقولك إنا زمن غاادي تخدم.
مثلا، يلا كنت تنهضر معااك و قلت ليك
🔵"لبااارح .... "
قبل مانكمل هضرتي غاادي تفهم بلي انعااود ليك على شي حااجة وقعاات فالمااضي، ياااك؟
ويلا جيت نقولك
🔴 "سيماانة جااية .... "
عوتااني قبل مانكمل هضرتي، اتفهم بلي غاادي نعااود ليك على المستقبل.
هاادشي بااش تتعرفوا؟
تتعرفوا بدوك تعابير لي خدمت فهضرتي ( لباارح، سيماانة جااية )
وااحد تيدل على المااضي و وااحد على المستقبل.
⚪️فالإنجليزية عدناا 12 زمن و كل زمن عندو شي تعاابير لي تيجيو معااه و فااش تتلقاهوم فالجملة اتعرف بلي خااصك تخدم شي زمن محدد.
3⃣و من بعد ماتتعرف الزمن المحدد لي خااصك تصرف الفعل فيه، تادوز لأهم نقطة و هي التصريف.
فهاد الخطوة غاادي نشرح القااعدة لي تايخصك تطبق على الفعل بااش تصرفوا و تجااوب على التمرين.
كل قااعدة مختلفة، و لكن كااين شي تشابهات بين الأزمنة غاادي نشوفوهوم من بعد مانسااليو جميع الأزمنة.
صوو، هذاا تقديم لشي حواايج غاادي نشوفو مع كل زمن. هكاا غاادي تقدر تبع و يجيك سااهل أنك تفهم الأزمنة من بعد.
نتلاقااو غداا مع أول درس
بييييييس ✌️
