كلشي 'عاارف' أولا نقولوا ساامع بلي شهادة المرأة بنصف شهادة الرجل، و لكن لي قليل ديال النااس عارفينو هو أن هاد المسألة تتنطبق فحالة وحدة.

شنو هي هااد الحالة ؟ 

1⃣ الحالة هي المسائل المادية، لفلوس 

و كااين الدليل فسورة البقرة "يَا أَيُّهَا الَّذِينَ آمَنُوا إِذَا تَدَايَنتُم بِدَيْنٍ إِلَىٰ أَجَلٍ مُّسَمًّى فَاكْتُبُوهُ ۚ وَلْيَكْتُب بَّيْنَكُمْ كَاتِبٌ بِالْعَدْلِ ۚ وَلَا يَأْبَ كَاتِبٌ أَن يَكْتُبَ كَمَا عَلَّمَهُ اللَّهُ ۚ فَلْيَكْتُبْ وَلْيُمْلِلِ الَّذِي عَلَيْهِ الْحَقُّ وَلْيَتَّقِ اللَّهَ رَبَّهُ وَلَا يَبْخَسْ مِنْهُ شَيْئًا ۚ فَإِن كَانَ الَّذِي عَلَيْهِ الْحَقُّ سَفِيهًا أَوْ ضَعِيفًا أَوْ لَا يَسْتَطِيعُ أَن يُمِلَّ هُوَ فَلْيُمْلِلْ وَلِيُّهُ بِالْعَدْلِ ۚ وَاسْتَشْهِدُوا شَهِيدَيْنِ مِن رِّجَالِكُمْ ۖ فَإِن لَّمْ يَكُونَا رَجُلَيْنِ فَرَجُلٌ وَامْرَأَتَانِ مِمَّن تَرْضَوْنَ مِنَ الشُّهَدَاءِ أَن تَضِلَّ إِحْدَاهُمَا فَتُذَكِّرَ إِحْدَاهُمَا الْأُخْرَىٰ ۚ ............

ۗ وَاتَّقُوا اللَّهَ ۖ وَيُعَلِّمُكُمُ اللَّهُ ۗ وَاللَّهُ بِكُلِّ شَيْءٍ عَلِيمٌ (282)

هاد الٱية هي أطول ٱية فالقرٱن و تتوصي النااس يلا قاموا بشي معاملات مالية بيناتهوم يكتبوهاا بااش تا شي حد مايضيع ليه حقوا، و جيبوا شهود ... 2 رجال ولا راجل و جوج عيالات 

هنايا بصح الشهادة ديال جوج عيالات تتسوى شهادة ديال راجل واحد حيت شحال هاادي نسبة قليلة ديال لعيالات لي كانوا خدامات و تيتعااملوا بلفلووس، يعني هادشي ماكاانش ضومين ديالهوم و بااش نتفاداو الوقوع فالخطأ تيخص راجل و جوج عيالات باش يلا وحدة تلفاات تفكر لوخراا

مثلا، نقولو بغيتي تدير شي عملية على القلب ديالك، قبل من العملية اتمشي تشااور مع أخصاائي فأمراض القلب مااشي شي إنسان لي لا علاقة بالقلب ولا ربما طبيب و لكن مااشي مختص فالقلب

اوكي؟ 🐸

نفس القضية فالمسائل لي متعلقة بلفلوس حيت فالإسلام المسؤولية المالية على عاتق الرجل ماشي المرأة، يعني عاادي يكون هو تيعرف كتر فهاد المسألة 

🚫 كااين حالات أخرى و ٱيات أخرى فالقرٱن لي تتهضر على الشهادة و لكن ماتتحددش ليك مسألة واش الشهود خاصهوم يكونو رجال ولا عيالات 

2⃣ مثلا، فحالة الوصية ديال الموت

كاين فسورة المائدة الٱية 106 "يَا أَيُّهَا الَّذِينَ آمَنُوا شَهَادَةُ بَيْنِكُمْ إِذَا حَضَرَ أَحَدَكُمُ الْمَوْتُ حِينَ الْوَصِيَّةِ اثْنَانِ ذَوَا عَدْلٍ مِّنكُمْ أَوْ آخَرَانِ مِنْ غَيْرِكُمْ إِنْ أَنتُمْ ضَرَبْتُمْ فِي الْأَرْضِ فَأَصَابَتْكُم مُّصِيبَةُ الْمَوْتِ ۚ ....." (106)

الٱية تتقول يلا كنتي قريب تموت كتب الوصية ديالك و دير 2 ديال شهود و مامذكوورش واش رااجل ولا مراا 

3⃣ فسورة الطلاق

فَإِذَا بَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ وَأَشْهِدُوا ذَوَيْ عَدْلٍ مِّنكُمْ وَأَقِيمُوا الشَّهَادَةَ لِلَّهِ ۚ ذَٰلِكُمْ يُوعَظُ بِهِ مَن كَانَ يُؤْمِنُ بِاللَّهِ وَالْيَوْمِ الْآخِرِ ۚ وَمَن يَتَّقِ اللَّهَ يَجْعَل لَّهُ مَخْرَجًا (2)

الٱية تتقول يلا كنتوا  أطلقوا عيالاتكوم، ديرو 2 شهود و الجنس ديالهوم مامحددش 

4⃣  فسورة النور، الٱية 

وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا ۚ وَأُولَٰئِكَ هُمُ الْفَاسِقُونَ (4)

يلا اتهمتي شي شخص بالزنا، خااصك تجيب 4 ديال شهود ولا اتجلد؛ و هاد الشهود مامحددش الجنس ديالهوم وااش رجال ولا عيالات  

5⃣ فسورة النور:

وَالَّذِينَ يَرْمُونَ أَزْوَاجَهُمْ وَلَمْ يَكُن لَّهُمْ شُهَدَاءُ إِلَّا أَنفُسُهُمْ فَشَهَادَةُ أَحَدِهِمْ أَرْبَعُ شَهَادَاتٍ بِاللَّهِ ۙ إِنَّهُ لَمِنَ الصَّادِقِينَ (6) وَالْخَامِسَةُ أَنَّ لَعْنَتَ اللَّهِ عَلَيْهِ إِن كَانَ مِنَ الْكَاذِبِينَ (7) وَيَدْرَأُ عَنْهَا الْعَذَابَ أَن تَشْهَدَ أَرْبَعَ شَهَادَاتٍ بِاللَّهِ ۙ إِنَّهُ لَمِنَ الْكَاذِبِينَ (8) وَالْخَامِسَةَ أَنَّ غَضَبَ اللَّهِ عَلَيْهَا إِن كَانَ مِنَ الصَّادِقِينَ (9) 

هاد الٱيات تيقولو بلي يلا رااجل قال بلي مرتوا زانية ولا مرأة قالت على راجلها بلي راه زنا و خانهاا، خاصهوم يجيبو 4 ديال شهوود ( بحاال المثال لي سبق ) 

و لكن يلا رااجل ماعندوش شهود، ايحلف بالله 4 ديال لمرات بلي خانتوا و ايدعي فراسو المرة الخامسة بالعذااب عليه يلا كان كااذب 

و لكن بااش تفادى المرأة العذااب ايخصها تحلف 4 ديال لمرات بلي ماخانتوش و اتدعي فراسها المرة الخامسة بالعداب و الدمار الشاامل يلا كانت بصح خاانتواا 

حتى هناا شهادة الرجل و المرأة مسااوية لبعضهوم حيت بجوج بيهوم تيشهدوا على أزواجهم و أنفسهم بنفس العدد.

6⃣ ٱخر حااجة هي زوجة النبي صلى الله عليه - عائشة - حدثاات عليه شي 2210 حديث، و كانت غي هي بوحدهاا و هاد الأحاديث كاملو صحيحة و مقبولة 

❌هناا كااين لي تيقول بلي هاادي ماتتسمااش شهادة و لكن رواية. 

و بصح، هادي رواية. و لكن حتى الرواية ديال الأحاديث تتعتبر قرينة الشهادة، أي تا هي بحالهاا حيت بجوج بيهوم فالأسااس ديالهوم تنقلوا واحد الخبر. 

خلاصة: شهادة المرأة تتكون بنصف شهادة الرجل فالأمور المالية لي تيكون عند الرااجل دراية أكثر بهاد الموضوع. 

و حتى الرجل يلا ماكاانش فيه شروط بحال: العدالة، و الضبط و ماتكونش خصومة بينو و بين الشخص الأخر عداوة/قرابة، و يكون فالوعي ديالو، و تكون عندو درااية بداك الموضوع رااه ماغاديش تقبل الشهاادة ديالو.

و ٱخر نقطة هي أن الشهاادة عبئ و مسؤولية ماشي جاائزة أو تفضيل للرجل على المرأة.

بييييييس ✌️