كيفااش تخلي لكرااش تزعط فيك؟ 🐸

لڤالانتااين قرب، صو نديرو شي بوسط عندو علاقة بالحب.

كااين واحد الخمسة ديال اللغات ديال الحب، و المقصود بهاد اللغات هوما طرق بااش النااس تتعبر على الحب، ويلا عرفتي اللغة بااش شي حد تيعبر على الحب ديالو، غاادي تقدر تخلييه يتزعط فيك.

⚪️ صو، شنو هوما هاد اللغاات ( الطرق ) ؟

1⃣ الطريقة لولة هي 'الوقت و الإنتباه' كااين شي نااس تيعبروا على الحب ديالهوم بهاد طريقة، يلا تيبغييك ايعطييك وقتوا كاامل و ايبغي يبقى معااك و يدوز معاك وقت كتر 

2⃣ الطريقة الثانية هي 'الهدايا' تتبغي شي حد تتعطيه كادو ( صغير ولا كبير ) مااشي حيت نتاا باغي تشريه بلفلوس و لكن حيت هادي هي الطريقة لي تيعرف داك الشخص 

3⃣ الطريقة الثالتة هي 'المساعدة' و تنظن بأن هااد الطريقة هي لي تتمثل الحب بالنسبة لشريحة كبيرة من المجتمع. يلا تتبغيني و خوك و عزيز  علييك، غاادي يخصك توقف معاياا فااش نحتااجك 

4⃣ الطريقة الراابعة هي 'اللمس' تيكون شي نااس فيهوم النشاط و فاش تيتلاقاك تيعنقك، تيبدا يدير يديه على كتافك، يجرك .... مهم بالنسبة لهااد النااس تعنااق و اللمس بأنواعوا هو طريقة بااش تيعبروا على الحب و حتى من ناحية العلمية، فاش تتعنق شي واحد الجسم ديالك تيطلق هرمون Oxytocin و هاد الهرمون تيزيد فالسعادة و تينقص من هرمونات ديال ستريس بحال Cortisol 

5⃣ الطريقة الخامسة و الأخيرة هي 'الكلمة الطيبة' تتقول لبنادم هضرة زوينة، تتشجعوا، تتشكروا، تتهضر على لحاجات زوينة فيه ... هادوا أمثلة على الطريقة الأخيرة

هادوا هوما الطرق بااش النااس تيعبروا على الحب، و هوما نفسهوم الطرق لي بنادم تيتسنا منك بااش عااد يعرف رااك تتبغييه/عزيز علييك 

🔴 علااش كل واحد مختلف؟ و تيفضل طريقة على أخرى؟

السبب تيىجع للطفولة.

فصغرك عندك 2 إحتمالات إما واليديك ( أولا نااس لي كبروك) 

كاانوا تيبغيوك ولا تيتعاملوا معاك بالخايب 

1⃣ يلا كاان واليديك تيبغيوك و تيتعاملوا معااك مزياان، و تيجيبو ليك كاادوياات بزااف (مثلا) ، اتقول نتاا معاك رااسك 

واليديا تيبغيوني، و تيجيبو لييا كادوياات،  يعني لي تيبغيني بصح بحاال واليديا  رااه تاا هو غاادي يجيب لييا كادوياات 

2⃣ الإحتمال الثاني هو يلا كانوا واليديك تيعااملوك بطريقة خاايبة، اتقول  بابا ولا ماما تيضربوني، تيغوتو علييا و ماتيجيبوش لييا كادويات بحال واليدين دراري لوخرين و هناايا اتولي عندك فكرة أنه لي تيبغييك غاادي يجيب لييك كاادو و لي مااتيبغييكش ماغااديش يجيبو لييك.

🔰 و هااد العملية تتنطبق على جميع اللغات/الطرق ديال التعبير عن الحب. 

اما واليدينا تيعبروا لينا عن الحب بواحد الطريقة و حنا تنلصقوا فيها، ولا تيحرمونا منهاا و حناا تنلصقوا فيها كتر ؛ هادشي تيبدا من الطفولة و تيبقا عاايش معاناا.

فاش أينفعك هادشي؟ 🤔 

أولا، أيعاونك للطفولة ديالك و تحلل كيفااش تربيتي و كيفااش هاادشي أثر علييك داباا و صنع شخصيتك.

ثاانيا، تعرف بلي نااس مااشي كاملين بحاال بحاال و تقبل الإختلاف. 

فعلاقتنا مع لواحد تنتوقعوا منو يتعامل معانا كيف ما حناا تنتعااملوا معااه، يلا مشينا عندو للدار راه تا هو خااصوا يجي لعدنا، يلا صونيت ليه فطيليفون تاا هو خااصوا يصوني، يلا عرضت علييه تاا هو خااصوا يعرض علييا و تنولييو فلحساباات لخااوية 

صو، خااصك(ي) تعرف بلي كيماا حنا عدنا وااحد الوسيلة باش تتعبرو على الحب، الطرف الٱخر عندو وسيلة و طريقة مختلفة علينا.

🔵 شنو الحل فهاد لحاالة ؟ 

الحل هو تهضر مع بنادم لي عشيرك ولا عشيرتك، خطيبك ولا خطيبتك، صااحبك ولا صااحبتك، رااجلك ولا مرتك ولا لكرااش ديالك باللغة ديالو... و شرح ليه اللغة ديالك. 

حيت ماحد داك الإنساان ماعاارفش كيفاش يتعامل معاك ( حيت نتاا ماقلتيلوش  ) رااه دييما غاادي تقول ماتيبغينيش، ديماا اتنوييها عوجة 

و يلا عرفتي اللغة ديال لكرااش ديالك و استغليتيهاا رااه احتماال كبيير ( مااشي 100% ) أنك تخليه ولا تخليه تزعط فيك.

🐸و لي ايقولي دير هادشي نتاا باش تخلي لكرااش ديالك تبغيك، اناا من داباا ماعنديش لكرااش 🐸🐸 

يالااه بيييس ✌️