درس اليوم هو Past continuous

1⃣الإستخدام:

تنخدموا هاد الزمن منين تيكون عدنا 2 حركاات: وحدة طوييييييييييييلة، و وحدة قصيرة.  و هاد الحركة لقصيرة تتكون وقعات فنفس وقت الحركة لقصيرة و قاطعاتها.

🔶مثلا:
  كنتي تتحفظ لشي سااعة، شوييا داز عندك صااحبك للداار.
ولا كنتي تتفرج فلمااتش و فداك الوقت صونااو عليك مالين الداار.
ولا كنتي تتصفح الموقع الأزرق ( الفايسبوك ) و تفكرتي شي حاجة مهمة خااصك تديرهاا.
ولا كنتي نااعس تتحلم و فيقاتك لواليدة ديالك.
ولا كنتي تتقراا هاد لبوسط و جات فرااسك فكرة وااش هااد خوناا مابغااش يحبس من الأمثلة.
مهم، هذاا هو الإستخدام ديالو.

2⃣التعابير الزمنية:
التعابير الزمنية لي تيجيو معااه هوماا:
⚪️بينما: While
⚪️بينما2: As
⚪️في:  when

3⃣القاعدة:

🔷الحركة الطويلة تتصرف بوااحد الشكل مختلف على الحركة لقصيرة.
بااش نصرفوا الحركة الطويلة تنديروا
Subject + was/were + verb + ing
أول حااجة هي الفااعل: تنشوفوا شنو الفااعل لي معطي لينا فالجملة ديجاا.
يلا كاان الفااعل هو (We, You, They ) تنديرو "Were"
ويلا كان الفااعل هو ( He, She, It, I ) تنديرو "Was"
من بعد تندوزو للفعل لي عدناا بين قوسين و تنزيدو ليه ing- فاللخر.

🔶مثاال:
يلا جيناا نصرفوا فعل "Think" فل Past Continuous غاادي نشوفوا شنو هو الفاعل لي كاين فالجملة.
نقولوا كااين *She*
ديك السااعة انتبعوا *She* ب -was-
أتولي عدناا She was
و انزيدوا ing- للفعل لي عدناا *think* و أتولي ( Thinking )

صوو فااس تنطبقوا القااعدة تيولي عدناا
She was thinking
( هاادشي بالنسبة لديك الحركة لي طويلة )

🔷ندوزوا داباا لديك الحركة لقصيرة:

هاادي غاادي تصرفهاا ف Simple Past و ديجاا هضرنا عليع فٱخر بوسط.

🤔داباا السؤال لي يقدر يطيح فرااسك هو كيفااش أنعرف الحركة وااش طويلة ولا قصيرة؟

✖️كااين 2 أجوبة على هاد السؤال.

⭕️أولا رااها بااينة من الفعل. يلا كان عندك فالجملة حركة بحاال:
- تفرج ففيلم
-تدخل تدوش
-تسافر
-تخرج تساراا مع صحاابك
هاادو أمور لي باينين طوااليييين

و لكن يلا كان عندك حركة:
-تغوت
-تطفي ضوء ولا تشعلوا
-تنفز
-تطيح
-تزلق
هاادو حركاات لي غاادي يكونوا قصااريين.
يعني تتقراا الجملة و غاادي يباالك.

⭕️أولا الطريقة الثاانية هي ترجع لدوك التعابير الزمنية لي عندك فالجملة.

يلا كاان عندك فالجملة: While ولا As عرف بلي ديك الحركة لي جااية من مور هاادو، رااه طويلة.
ويلا كان عندك فالجملة: When عرف بلي ديك الحركة لي جاية من مور When قصيرة.

4⃣تمرين:

صوو، هذاا تمرين خفيف ظرييف خدموه.

Put the verbs between brackets in the correct tense .
1 I ( watch ) TV when my friend (call)
2 my sister ( call ) my name when I ( leave ) the house
3 I ( take ) a bath when the phone ( ring )
4 Leila and her best friend ( watch ) Games of thrones when the light ( go
) off.
5 While people ( have ) fun , I ( remember ) my baby sister.
6 Edward ( climb ) mountain Everest when lightning ( strike )
7 Dolphins ( make ) funny noise when I ( get ) there.
8 I ( work ) in my laboratory when you ( call )
9 Sara ( cook ) dinner when the phone (ring )
10 As I ( drive ) to work, I ( meet ) Ahmed

التصحيح:

Was watching ; called
Was calling ; left
was taking ; rang
Were watching ; went
Were having ; remembered
Was climbing ; struck
Were making ; got
Was working ; called
Was cooking ; rang
Was driving ; met

نتلاقااو غداا فدرس جديد

بييييس ✌️