#دروس_الإنجليزية 4

ليوما غاادي نهضرو على زمن Present Perfect

1⃣الإستخداام:

تنخدموه هاد الزمن فجوج حالات.
🔵 الحالة لولة هي بااش نهضرو على شي حاجة لي وقعات في الماضي و لكن ماعاارفينش الوقت إمتاا بالضبط.

🔴 مثلاا،مشيت وااحد نهاار لطنجة، ولا الربااط.
هناياا رااه لحااجة وقعاات شحاال هاادي و لكن مامحددش ليكوم العام، ولا الشهر، ولا النهاا إمتاا بالضبط.

🔵الحالة الثاانية هي يلا كانت الحركة وقعاات فالمااضي و مزاال عندها تأثير للحاضر.
🔴مثلاا، يالاه رجعت للخدمة.
هناياا رااني رجعت نهاار الإثنين من مور العطلة و بااقي داباا خداام، مزاال ماساليت، مزاال تأثير كااين.

2⃣التعابير الزمنية ديالو:

⚪️للتو: just
I have just done it.
⚪️من قبل: ever
Have you ever done it?
⚪️من قبل: never
I have never done it.
⚪️بعد: yet
I haven't done it yet.
⚪️مسبقا: already
I have already done it.
⚪️لازالت: still
I still haven't done it.

⚪️منذ: since
I have done it since 2005.
⚪️ل:  for
I have done it for 10years.
⚪️مؤخرا: recently
I have recently done it.
⚪️منذ متى: how long
How long have you been here?
⚪️لحد الٱن: so far/till now/ up to now
I have done many things so far.

⚪️نتاابهوا للأمااكن فين تتجي هاد التعابير فالجملة.

3⃣التصريف:

القاعدة هي:
Subject + have/has + verb/ past participle

ا subject تتعني الفااعل و خاصنا ديماا نتابهوا للفاعل لي كاين فالجملة.

⭕️يلا كاان عدناا ( I, you, we, they ) غاادي نديرو Have
⭕️يلا كان عدناا ( he, she, it ) غاادي نديرو has

من بعد أنشوفوا داك الفعل لي عدناا بين قوسين و أنصرفوه ف Past Participle.

🙆و لكن شنو هو ل Past participle ؟ 🤔

ل past participle هو وااحد صيغة ديال الفعل لي غاادي نشوفوهاا بزااف ديال المراات و تنخدموها فالإنجليزية بزااف.

عتابروا ل past participle بحاال شي لبسة ديال المنااسبات ( كوستيم ولا تكشيطة ) فااش اتكون غاادي لشي عرس، اتهز دااك لكوستيم ديالك/ تكشيطة ديالك و تلبسو.

و هااد Past Participle غاادي نهزوه فبزااف ديال المناسبات ( الأزمنة )

بااش نحولو فعل لهااد الصيغة ديال Past Participle ايخصنا ديروا واحد لحااجة.

نشوفوا واش داك الفعل Regular ولا Irregular ؟

🔷 كلمة Regular تتعني عاادي، قيااسي، نظاامي ... و الأفعال لي Regular تنزيدو ليهوم غي ed- فاللخر بااش يولييو ف past participle

مثلاا: Walk, ,work, visit  = ( walked, worked, visited )

جميع هاد الأفعاال يمكن لينا نزيدو ليها ed- فاللخر ديالهاا و أتولي أفعاال مصرفة و محولة ل past participle

🔶أماا بالنسبة للأفعال لي هي irregular ماعدنااش شي قااعدة محددة. يقدر الفعل يتبدل فخطراا، يقدر يتزااد ليه حرف، يقدر يتنقص حرف، يقدر يبقى نفسو.

أمثلة: ( و اتلقااوهوم إماا فاللور ديال المقرر ولا فغوغل)

⚪️Buy = Bought
⚪️Sleep = Slept
⚪️ Feel= felt
⚪️ Read = read ( تيتبدل النطق )

صوو، بإختصاار فااش تبغي تحول فعل ل Present Perfect غادي تدير إماا have ولا has على حسااب Subject لي عدناا و من بعد غاادي الفعل لي بين قوسين اتردو ف Past Participle.

◼️مثال:

يلا بغينا هاد الجملة نخدموها و نردوها ف Present Perfect

I (see) her before.

أنشوفو الفااعل Subject لي عدناا؛ كااين *I*
صو غاادي نديرو *have*
و من بعد انسولو راسناا شنو هو past participle ديال داك الفعل see. ل Past Participle ديالو هو *seen*
و غاادي نخلطوا هاادشي كاامل سيدااتي و ساادتي و غاادي يعطيينا " I have seen "

(من بعد  و غاادي قوليكوم طريقة مبسطة بااش يتحفظ irregular verbs) 😁

4⃣ تمرين:

Put the verbs between brackets in the correct tense:

I  ( finish/just ) this film
She ( arrive/already ) To Meknes
I ( work ) as  teacher for 5years.
He (already/leave) town
They (move) to London since 2012.
My little daughter (just/cut) her finger with a knife.
He ( write) 7 books so far

التصحيح:

Have just finished
Has already arrived
Have worked
Has already left
Have moved
Has just cut
Has written

نتلاقااو غداا فدرس ٱخوور

بيييس ✌️