درس اليوم هو "Conditional"

⚪️شنو هو المقصود ب "Conditional"؟
ل conditional هو أسلوب الشرط بالعربية.
مثاال:
"يلا قريتي هاد لبوسط و كملتييه، غاادي تفهم درس جدييد."
هااد الجملة يلا جيناا نشوفوا رااه يمكن تقسم على 2 أقساام.
الجزء الأول: يلا قريتي هاد لبوسط و كملتييه
الجزء الثااني: غاادي تفهم درس جدييد

🔵الجزء الأول تيكون تيهضر على الشرط. على وااحد لحااجة لي تنفترضوا أنهاا غاادي توقع. "يلا قريتي هااد لبوسط" و سطرواا لييا على "يلااا"

🔴الجزء الثااني تيكون تيهضر على النتيجة ديال الشرط. شنو غاادي يوقع يلاا قريتي هاد البوسط؟؟ لي غاادي يوقع ( النتيجة ) هو غاادي تفهم درس جديييد.

صوو، تنخدموا أسلوب الشرط بااش نهضروا على وااحد السبب محتمل و النتيجة دياالو.

⚫️ و الجملة لي تتعبر على السبب، تنكتبوها بإستخداام زمن معين، و الجزء لي تيعبر على النتيجة تتكون مصرفة فزمن ٱخر

و كااين 4 ديال الأنوااع اسااسية لي تتقراا فالثاانوي.

1⃣النوع الأول "0 Conditional"
و تيتسمى حتى Real present condition.

تنخدموا هاد النوع بااش نهضروا على شي حقاائق علمية و أمور لي تتكون وااقعة دييما.

مثلاا:
If it's Sunday, schools are closed.
يلا كاان نهاار الأحد، المدااارس تيسدواا.
If you heat water, it boils.
يلا سخنتي المااء، أيبداا يغلي.

هاادوا أمثلة على النوع الأول "0 Conditional".

⚫️القااعدة ديالو:
الجزء الأول لي تيكون تيعبر على السبب، تنصرفوه ف Present Simple.
الجزء الثااني لي تيكون تيعبر على النتيجة، تاا هو تنصرفوه ف Present Simple.

2⃣النوع الثااني " 1 Conditional"
و تنسميوه حتى "Real Future Condition"
و تنخدموه بااش نعبروا على شي نتيجة محتملة لي تقدر توقع فالمستقبل. و ركزوا على "تقدر توقع"
هذاا مااشي بحاال النوع لي شفناا قبل، فهادااك الأمور تتوقع بنسبة 100%. أماا هذاا النسبة ديال وقوع النتيجة ماتتكونش مضمونة.
عااقليين فلول، قلت ليكوم "يلا قريتو هاد لبوسط، غاادي تفهم درس جدييد"
هذاا مثاال على هاد النوع.
بالإنجليزية غاادي نقولوا:
If you read this post, you will understand a new lesson.
If you work hard, you will succeed.
الجملة الأولى تتعني: يلا قريتي هاد لبوسط، غاادي تفهم درس جدييد.
الجملة الثاانية تتعني: يلا خدمتي مزياان، غاادي تنجح.

⚫️صوو، شنو هي القااعدة ديالو؟
الجزء الأول لي تيكون تيعبر على السبب تنصرفوه ف Present Simple.
الجزء الثااني لي تيكون تيعبر على النتيجة تنصرفوه ف Future Simple.

🔶هااد الأنوااع لي سبقاات گااع ماتتحط فالوطني. 🐸

الأنواع لي تتحط هوما 2 لي باقيين: النوع 2 & 3.
و خلييو حتى لغداا و نشوفوهوم!

واخااا؟