لبااارح سالينا الأزمنة و قبل ماندزوزو و نكملوا دروس الإنجليزية لصحااب البااك غاادي نهضر فهاد لبوسط على واحد النقطة لي كناا تنشوفوهاا بزااف فالأزمنة لي فاتوا.

و هاد النقطة هي Past Participle.

فشي أزمنة كنت تنقول بلي خااصك تدير ل Past Participle ديال الأفعال.

1⃣مي شنو هو Past Participle؟ 🤔

ل Past Participle هو وااحد صيغة لي الفعل تيااخد؛ و ديماا تنقول بلي هي بحاال شي لبسة ديال المنااسبات.

مثلا، عندك عندي فلمااريو، حواايج ديال سبور، حواايج كلااص، حواايج تقليديين، حواايج ديال داار و نعااس، و وااحد لكوستيم ديال المنااسبات لي ماعمري لبستو 😶 حيت أناا وجهي مااشي ديال المنااسباات 🙃🐸.

في حاالة كاانت شي منااسبة غاادي نهزو ( لكوستيم ) و نلبسوا. و بحاال هكاا نيت عدناا ل Past Participle فالإنجليزية.

2⃣صوو، ل Past Participle مااشي هو زمن لي تنصرفوا الأفعاال فيه و لكن هو غي واحد الصيغة لي تنصرفوا الأفعاال فهاد 3 ديال أزمنة ( Present Perfect - Past Perfect - Future Perfect )

3⃣و كيفااش نديرو فعل ف صيغة Past Participle؟

🔴بااش نديرو فعل ف Past Participle خاصناا نشوفوا وااش داك الفعل Regular ولا Irregular ؟

4⃣الأفعاال لي Regular ( طبيعية، عادية، منتظمة ) تنزيدو ليها غي Ed- فاللخر.

⚪️Visit = Visited

⚪️Work= Worked

هادو بساطين و عندهوم قااعدة واضحة.

5⃣أما الأفعال لي Irregular ( مااشي طبيعية، مااشي عادية، و مااشي منتظمة ) عالاامهاا بوحدواا.

و هادوا هوما لي كاينين فاللور ديال المقررات ديال الإنجليزية. و لكن فالكتوبة ديال الإنجليزية، تماا مرتبين على حسااب alphabet بااش تيبدااو، و هاد الطريقة ماتتسهلش الحفظ.

لكن بااش تسهل عليك عملية الحفظ ... يمكن ليك تقسمهوم لمجموعات.

يمكن ليك تقسمهوم ل 4 ديال المجموعات.

1⃣المجموعة الأولى فيها أفعاال لي ماتتبدلش فخطراا ما بين infinitive, simple past, & past participle