شرح Modals بالداارجة - الجزء الثااني
هيلوو
لبااارح بديناا الجزء الأول على ل Modals و ليوم غاادي
نكملوا الهضرة على الإستخدامات ديال ل Modals لي بقااو ليينا
4⃣الضرورة: Obligation
( Must / have to )
You must wear your glasses.
You have to wear your glasses.
هااد الجمل بجوج تيعنييو انه خااصك تلبس نظااظر دياالك. شي حااجة لي ضرورية.
و هناا ماكااينش الفرق ما بين "Must" & "Have to"
الفرق تيكون فااش تنخدموهوم ف النفي ... Negative
5⃣ المنع: Prohibition
( Mustn't )
1. You mustn't wear your glasses.
2. You don't have to wear your glasses.
هناياا الجملة الأولى تتعني ماخااصكش تلبس نظااظرك. ممنوع عليك فخطراا.
أماا الجملة الثاانية تتعني مااشي ضروري تلبس نظااظرك. بغيتي لبسهوم؛ مابغيتيش عااودها لمك.
صوو، واخاا جمعت "Mustn't" & "Don't have to" فهاد الحاالة، رااه ماعندهومش نفس المعنى.
وااحد تيعني بلي شي حااجة ماخااصكش تديرها تحت أي ظرف. و لااخور تيعني بلي شي حااجة مااشي ضروري تداار و لكم وااسع النظر فييها.
6⃣النصيحة: Advice
( Should / Ought to )
1. You should clean your teeth
2. You ought to clean your teeth.
تيعني خااصك تحك سناانك ( و لكن مااشي مفروض؛ غي نصيحة )
⚠️ويلا بغيتي تنصح شي وااحد مايديرش شي حااجة ( Negative ) تتزيد Not لهاد الأفعاال. =
( Should not / Ought not to )
7⃣التأكيد: Certainty
(Must)
You worked all day. You must be tired by now.
خدمتي النهاار كاامل، بااينة أتكون عياان داباا.
هناياا "Must" ماتتعنييش بلي رااه خااصك تكون عييان بالسيف علييك، و لكن تتعني بلي رااه أناا إستنتجت بلي أتكون عياان حيت خدمتي نهاار كاامل.
8⃣الإذن: Permission
( Can / could / may / might )
Can I leave?
Could I leave?
May I leave?
Might I leave?
هاادو كامليين تيعنييو: وااش نقدر نغاادر؟
هناياا تاطلب الإذن و الفرق الوحيد بيناتهوم فهاد الحاالة هو درجة الصوااب و الٱدااب فلهضرة.
و أكثر وحدة مأدبة فالهضرة هي "Might".
9⃣الطلب: Request
( Can / could / Will / Would )
Can you help me?
Could you help me?
Will you help me?
Would you help me?
كامليين تيعنييو وااش تقدر تعااوني؟
9⃣الحااجة: Necessity
( Need / Need to )
I need to see her.
و تتعني محتااج/خااصني نشوفهاا.
⚠️و النفي ديالها هو ( Needn't / Don't need to )
🔟 الإقترااح: Suggestion
( shall )
Shall we finish this post?
و تتعني: وااش نسااليو هاد لبوسط؟
نسااليوه هاد النهاار، و غداا أنهضروا على الجزء الثاالت لي فيه غاادي نشرحوا التمارين ديال Modals كيفااش تيكونوا.
نتشاوفوا غداا
بيييييييس ✌️
