-->
الرئيسية
الانجليزية بدارجة

شرح Passive Voice بالداارجة - الجزء الأول

 


درس اليوم هو "Passive Voice"

0⃣أولا، تنقصدوا بل Passive Voice المبني للمجهول. و هو جملة لي الفااعل لي قاام بالحركة مجهول أو ماتيهمناااش.
مثلا: شي وااحد كلا الحلوة ( مبني للمعلوم )
مبني للمجهول: الحلوة تكلاات. ( مبني للمجهول حيت ماعرفنااش شكون كلاهاا )

فالوطني غاادي يعطييوك جملة فالمبني للمعلوم ( الفااعل مذكور ) و خااصك تردهاا فالمبني للمجهول.

🔴و كااين خطواات بااش تقوم بهادشي.

مثلا ناخدوا هاد الجملة.
Ayoub is writing a blog post.
الجملة تتعني: أيوب تيكتب وااحد البوسط.
هناياا عدناا الفااعل مذكور هو "أيوب" و انردوا هاد الجملة لل Passive Voice.
بالداارجة انقولوا ( وااحد لبوسط رااه تيتكب )

و لكن بالإنجليزية، شنو هوما الخطواات لي غاادي ندوزو منهوم؟ 🤔🤔

1⃣أول خطوة هي تيخصناا نعرفوا المفعول به فالجملة.

🔵فالمثاال لي خديينا، المفعول به هو "A blog post"

2⃣ثااني خطوة هي نعرفوا الزمن لي مصرفة فيه الجملة.

🔵فالمثاال لي خديناا الجملة مصرفة ف "Present Continuous"

3⃣ثاالت خطوة هي نصرفوا الفعل "To be" فالزمن لي الجملة الأصلية مصرفة فيه.
🔴الفعل "To be" ماتيكونش فالجملة، حناا تنجيبوه من رااسناا.

🔵فالمثاال لي شفناا عدناا Present Continuous، صوو انصرفوا الفعل "To be" ف Present Continuous. و غاادي يولي فهاد الحالة "Is being".

4⃣راابع خطوة هي نشدوا الفعل الأصلي لي كااين فالجملة، و نحولوه ف Past Participle.

🔵فالمثاال لي شفناا عدناا "Write" و Past Participle ديالو هو "Written"

⚪️صوو، داباا يلا جيناا نجمعوا گااع دوك الخطواات غاادي يكون عدناا:

A blog post ( 1 object ) is being ( 2-3 To be - Present Continuous ) - Written ( 4 Past participle )

هذاا هو الجوااب ديال ديك الجملة لي طبقناا فيه گااع دوك الخطوات.
يمكن لينا نحبسوا هناا و يكون كلشي بخيير. و لكن نقدروا نزيدوا لخطوة 5 و إختياارية.

5⃣الخطوة الخاامسة هي تنذكروا الفااعل لي تيقوم بالحركة و تنديروه و تنديروا قبل منو "By" و تتعني من طرف فهاد الحالة.

🔵صوو، يلا زدناا حتى الخطوة الخاامسة، الجوااب غاادي يولي:

A blog post ( 1 object ) is being ( 2-3 To be - Present Continuous ) - Written ( 4 Past participle )  by Ayoub ( 5 By + Subject )

😁درس ل Passive Voice مزاال فيه وااحد الحالاات الخااصة و غاادي نكملوهاا فلبوسط الجااي.

أماا داباا أندوزوا لتمرين خفيف فهاادشي لي قريينا داباا. 

6⃣شنو التمرين لي تيتحط ليك؟

Rewrite these sentences with the words given.

هذاا هو السؤاال لي تيعطييوكوم فالوطني. تيقولك "عااود كتب هاد الجمل بالكلماات لي معطياا ليك"

تيعطييك جملة و تحت منهاا تيعطييك المفعول بيه ديال ديك الجملة. و نتاا تيخصك تفهم بلي رااه خااصك تديير دوك الجمل فالمبني للمجهول. 

7⃣تمرين:

Rewrite these sentences with the words given.

1. My friends were visiting London.
London ...................

2. People love Cats.
Cats ........................

3. My brother cleaned the room.
His room .........................

4. My family will buy a new home this year.
A new home ...............................

5. Ahmed has won the race.
The race ........................

8⃣التصحيح:

1. London was being visited. ( by my friends )
2. Cats are loved. ( by people)
3. The room was cleaned. ( by my brother )
4. A new home will be bought this year. ( by my family)
5. The race has been won. (by Ahmed)

نتلاقااو غداا فالجزء الثااني فين أنشرح أمور كثر متعلقة ب Passive Voice.

بييييييييييس ✌️
author

تعليقات