هااد لكتااب غاادي يسااعدك تخلص من الهموم و المشااكل لي فحيااتك

**بعجالة قبل مانهضر على هاد لكتاب، يلا كنتي تتقرا فالبااك و محتااج مساعدة فالإنجليزية، ولا مهتم بهاد اللغة بصفة عامة، دخل لهناا و طيليشارجي كتااب لي صايبت و غاادي ينفعك تعلم اللغة الإنجليزية بسهولة** 👇👇

https://www.growbdarija.com/2022/04/English-bdarija-book.html?m=1

**نرجعوا دابا لكتاب الأسبوع 🐸**

داك لمااضي لي تنبكيو علييه بسبب شي حااجة لي خاايبة وقعاات، كاانت ديك السااعة حااضر و المستقبل لي تتسااين يجي، فااش غاادي يجي ايولي هو حااضر ديالك. 🐸

مهم شنو تيقصد هو بهااد التخربيق أصلااا 🤷

لي تيقصد هو أن المعاناة دياالناا سبابها هو أن الإنساان تيتبع الوهم ( المااضي أو المستقبل ) و تينسى الحااضر لي عاايش فيه. الحااضر عندو وااحد القوة كبييرة و يلاا عشناا فيه گااع المشااكل لي عدناا غاادي تمشي و هاادشي لااش لكااتب Eckhart Tolle سمى لكتااب دياالو " The Power of Now"

1⃣ أول فكرة فهااد لكتااب هي أنك نتاا مااشي هو عقلك. دااك الصوت لي تيبقى ينگر علييك و ديماا تيفكر غي فالمصاائب و لكواارث و ديماا منكدهاا علييك سااهل بااش تسكتوا. الطريقة هي  تعرف أن داك الصوت مااشي هو نتاا، مااحدك تتسمعوا فإلا و رااه برااني علييك ( واخاا فعقلك ) و بااش تقضي علييه فااش يبداا هو يهضر معااك، قول مع رااسك أنا غاادي نسمع لهاد الصوت داباا شنو غاادي يقول و هي هاد الفعل ديال أنك تتغير الموقف دياالك من المتحدث إلى المستمع تيبين ليك بلي نتاا رااه مااشي حمق و گااع دوك الأفكاار لي تاطييح فباالك رااه مااشي دياالك، يعني هي بلاا ماتحمق رااسك بيها.

2⃣ حيد عقلك من الزمن لمااضي و المستقبل. دييما خليك عاايش فالحااضر و عطييه وقتوا. يلا كنتي غاادي تقراا، ركز مع الطريق و ركز على الخطوات ديال رجلييك. كنتي غاادي تجلس تفطر، تغداا، تعشى، تخلى على تيليفون و خلي عليك أي حااجة خراا من غير لماااكلة. خلي التركيز دياالك كولوا على الحااضر و عيش تماياا.

3⃣ كيفااش تحقق الأحلام دياالك و تشوف بعيد و لكن فنفس الوقت ماتحمااقش. الكتااب تيهضر على أهمية العيش فاللحظة لي حناا فيها. و لكن هاادشي مااتيعنيش أنه صاافي، ماغااديش تقرا، ماغااديش تخدم ماغااديش تحقق وااحد النجااح ماادي فحيااتك. بالعكس تماماا؛ الهدف ديال لكتااب هو يعااونك تلقى السعاادة و رااحة لباال لي تخلييك تحقق أي حااجة بااغيها فحيااتك. غي هو كولشي بالعقل.

غاادي دير وااحد الأحلام لي كبيييرة و مهمة بالنسبة لييك، و لكن فااش دييرهاا اتقسمهاا على أجزااء و تخدم على كل جزء بوحدو و تركز علييه ديك السااعة. مثلا، يلاا بغيتي تولي أستااذ جاامعي، شنو اديير ؟

اتقسم هاد الحلم على محطاات و اتعطي لكل محطة وقتهاا. مثلاا، غاادي تشد لبااك، تدخل لافاك تشد الإجازة، من بعد لمااستر، من بعد الدكتوراه، من بعد التأهيل الجامعي يلاا بغيتي، تدفع تخدم و صاافي هانتاا خداام.

و بطبيعة الحال، الحيااة ماتتكونش خداامة هكاا. مااتتبدااش فالنقطة "A" و تتساالي ف "B" ديريكت، رااه كااين بزاف ديال العقباات فالحيااة لي تتجي و ماتنكونوش ضااربين لييها لحسااب و تيخصناا نتأقلموا مع دوك العقباات ولا نتجااوزوهوم بااش نوصلوا للهدف ديالنا.

و فين تنوصلوا لديك العقبة، تيخصناا نعطييوها التركيز دياالناا. مااشي تقول، وااش داباا يلا نجحت فهاادي غاادي نلقى داكشي لي بااغي من بعد ولاا لاا. سير درجة بدرجة و عيش فاللحظة. فااش تكون تتقرا فالإجاازة، ماتفكرش فلمااستر؛ و فااش تكون فلمااستر مااتشغلش رااسك بالدكتوراه ولا بشي بروف لي كاان ماڤاليداش ليك و خلاك تعااود شي عاام اخور فالإجاازة.

و هاادي حااجة لي انا بعداا عجبااتني بزااف، حيت تتحس بلي لكااتب تيحس بيك و تيهضر معاك نتاا.

فبدااية لكتااب Eckhart Tolle تيعااود قصتوا و كيفااش المبادئ لي كااينة فلكتااب نفعااتوا فحيااتو يخرج من الإكتئاب، قصة قصيرة و لكن زويينة و تتحس بييها. ماغااديش نحرقها عليكوم، و انخليكوم دااباا تمشييو تقرااوهاا 😁

بييييييس ✌️