سنة حلوة و happy birthday للإبن دياالي 🐸

هاد الإبن كمل لعاام و الميلاد دياالو كاان من أحسن الأيام و أفضل الأمور لي وقعوا فحيااتي. 

تزااد يوم 6 فشهر 6 فسنة 2021. 

و هاد الإبن سميتو Growbdarija 💓 و تنظن كلشي هناا عاارف بلي هاد Growbdarija هو سمية الموقع دياالي فين تنحط فيه الموااضيع المختلفة لي تنكتب، و يلا ماكنتيش عاارف، عافااك غي بلوكيني 🐸 

هاد السيت كنت صاايبتو هاادي سنة بهدف وااحد هو أني نشاارك المعاارف ديالي لي دزت من أمور صعبة بااش نتعلمهاا، عشت تجاارب مختلفة قااصحة و زويينة و فرضاات علييا أني نتعلم و نطور راااسي بااش نتجااوزهاا. 

و حمد لله قدييت أني نتجااوزها، و بدييت تنسااعد أصدقاائي يتجاوزوا نفس المشااكل و الأمور لي أناا دزت منهاا، و من بعد بزااف ديال الأصدقااء على رأسهم 'مريم أهمدي' إقترحوا علييا أني نصاايب شي سيت فين نحط فيه هاد الموااضيع بااش نااس كثر يقدروا يستاافدوا منهوم. 

كنت متردد فالبدااية و لكن من بعد قررت اني نطبق هاد الفكرة و كان من أحسن القراارات لي خديت فحيااتي.

فلول حااولت نصاايب داك الموقع رااسي، و لكن ماقدييتش، و حااولت نشوف واحد دري صااحبي 'ربيع بولمال' يعااوني و كاان عطااني نهاار كاامل من وقتوا 💓 و درناا محاولاات مي فاللخر تعكس لييا داكشي. 

فالأخيير، قررت أني نحيد تزقريم مني و نشوف شي حد لي مختص فهادشي يتكلف لييا، و تماا لقييت شخص ٱخور لي ولا صديق عزيز 'حمزة متعدد المواهب' و هو لي قاد لييا كلشي.

بصعوبة بااش السيت تصاايب دااكشي لااش تنحس بيه بحاال يلا رااه ولدي. فااش تصاايب و دخلت شفتوا بالليل، حسييت بالفخر و بإنجااز كبيير و سعادة حيت داك التعب لي قمت بيه عطا نتيجة.

و حيت عرفت بلي گااع دوك الأفكاار لي عندي فرااسي فمواضيع مختلفة ( التنمية الذاتية، أحسن الكتب لي قريت، لبيزنيس، الدين، و بطبيعة الحال الإنجليزية ) غاادي نقدر نحطهوم و نشااركهوم مع النااس، و هذاا كاان الشغف و الهدف الأول بالنسبة لييا.

و خلا فحيااتي واحد الطاابع مميز حيت ولا عندي كل أسبوع واحد الوقت، و واحد الموعد لي تنشاارك فيه الأمور لي علمااتني الدنياا.

كاان هدفي من هاد السيت هو أني نخلي النااس أذكى و لو ب 5% بالأفكاار لي تنحط، و يمكن حتى أسعد ب 5% بلموتيڤاسيون لي تندير تماا، و الضحك ديالي لي تندخل فلكتاابة و لحموضة دياالي تا هي 😂😂😂😂

نتمنى يكون هااد الهدف تحقق معاكوم و لو غي شوييا.

و هاد السيمانة نييت، قمت بخطوة جديدة ... لي هي أني بحث على أحسن الدورات التعليمية فمجال التدوين لي غاادي تسااعدني نطور المدونة ديالي بجميع التفاصيل ديالها، أو يمكن نبداا وحداا خرى بالإنجليزية.

هاد الخطوة كاان يمكن خااصني ندييرها فالبدااية، مااشي حتى دااز عاام على إنشائي للمدونة، و لكن تا داباا مامشااش الحاال.

هاد العاام لول كاان هو البدااية و اول تجربة لييا، و إبتداءا من غداا غاادي ندخل فالعاام الثاااني و أنبداا فدوك الدورات التكوينية و ايكون عام لي انطور فيه هاد السيت كتر و عاام لي غاادي نخدم فيه على طموحات أخرى 💪 

و فالأخيير، شكراا لدوك النااس لي قتاارحوا علييا فكرة إنشاء مدونة خااصة بييا، و شكراا لأي وااحد لي تيقراا لبوسطات ديالي إماا فالسيت نيشاان ولا صحااب *6 لي تيقولو لييا نسيفط ليهوم لكتوبة و لبوسطات تا هي 😂😂😂

و يلا كنتي نتاا أولا نتي متبعين هاد المدونة، ولا يلا قريتي غي مرة مرة شي بوسط لي كتبت قولييا شنو هي أحسن إستفادة لي خديتي فهاد الفترة ( و ماتخليونيش معلق 🐸 ) 

و أي وااحد عندو فكرة على كيفااش نحسن المدونة يشااركها معاياا 💓

بييس ✌