9 أسرار ديال فن الخطابة النااجح!
75% دياال النااس تيخاافوا من الحديث قداام جمهور كثر من خوفهم من الموت. حيت هاد الموقف تيعرضناا للإنتقاد قداام عدد كبير من النااس و تيعرضنا للإحراج و شي مراات حتى الرفض و النبذ من الطرف الٱخر.
للإشاارة، Ted ماشي شخص و لكن منظمة ديال فن الخطابة و بداات فلول تتعطي خطاباات على Technology, Education, Design. و يلا جمعتي لحرف لول من هاد لكلماات غاادي يعطييك إسم المنظمة Ted.
**بعجالة قبل مانهضروا على هاد لكتاب و هاد لفكرة، يلا كنتي تتقرا فالبااك و محتااج مساعدة فالإنجليزية، ولا مهتم بهاد اللغة بصفة عامة، دخل لهناا و طيليشارجي كتااب لي صايبت و غاادي ينفعك تعلم اللغة الإنجليزية بسهولة** 👇👇
تحميل كتاب "English بالدارجة" - Grow B'dariija (growbdarija.com)
**نرجعوا دابا لكتاب الأسبوع 🐸**
فهاد لكتااب، Carmine Gallo تيشاارك 9 ديال الأسرار لي تتخلي النااس لي تيهضروا فهاد المنظمة وااعريين بزااف. كل سر تيهضر عليه ففصل، صوو بلا مانزييد نشدكوم ....
1⃣ السر الأول هو تهضر على شي حااجة لي نتاا شغوف بييها و تتبغييها. ماغااديش تقدر تخلي نااس منتبهين ليك ولا تكون مرتااح و نتاا تتهضر يلا ماكاانش عندك شغف بالموضوع ديالك.
2⃣ السر الثااني هو تعااود الخطااب ديالك فشكل قصة، ولا على الأقل جزء منو يكون قصة. مااشي ضروري تبداا القصة ديالك ب كاان ياا مكاان في قديم الزماان ولا القصة تكون فيها الحرب و السيوفة، شي حدث لي بسيط تقدر تردوا قصة يلا عرفتي العنااصر دياالها.
3⃣ ماتبقااش هي تهضر و صاافي و لكن خلي الهضرة دياالك فشكل حواار. هناا، القصد ديال الكااتب مااشي هو تبقى تسول الجمهور ( واخا يلا درتي هاادي رااه طلع ليك زوييينة ) و لكن الشكل و التفاصيل ديال لخطااب ديالك يكون بحاال محاادثة. التفاصيل تلقاوهوم فلكتااب.
4⃣ السر الراابع هو فااش تهضر تجيب معااك شي حااجة لي جديدة. خااص دوك النااس لي تيسمعوا ليك يحسوا بلي راهوم تعلموا فائدة جديدة من الخطاب ديالك.
5⃣ السر الخاامس هو تصدم النااس. فوسط لهضرة دياالك قوليهوم شي حااجة لي ماتوقعوهاش ولاا دير شي حااجة لي فشكل. هكاا غاادي تصدم النااس و اتخلي العوااطف ديالهوم يخدموا معااك. و فااش بناادم تيتفااعل معااك بقلبوا و بالعااطفة، مااعمرواا ماتينسااك.
6⃣ ضحك شي شوييا و ماتبقااش معبس 😁🤣🤣 فااش تكون تتهضر مع نااس خدم الضحك فوقتوا و على حقوا و طرييقوا. هااد لعبة بووحدهاا اتخلي نااس يحسوا بيك و يبغييوك و يتفاعلوا معااك كتر.
7⃣ السر السااابع هو خلي لخطااب دياالك قل من 18 دقيقة. بناادم تيعياا يلا بقيتي تتهضر بزااف، النااس ماغااديش تقدر تركز معااك.
8⃣ خدم الحوااس كااملة. فااش تكون تتهضر، خلي النااس يشووفوا داكشي لي تتقول، إماا بالصور ولا بالكلماات دياالك. بطبيعة الحاال غادي يسمعوا صوتك، و زيد خليهوم يحسوا بيك نتا. كااين حتى الشم و الذوق و لكن هاادوا صعااب باش نشرحهوم هناا فبوسط، صوو حتى تقرااو لكتااب راسكوم.
9⃣ ٱخر سر هو ماتحااولش تقلد شي حد اخوور و خليك على طبيعتك. تعلم من النااس كيفااش يهضروا و يلقييو الخطاباات ديالهوم و لكن حاافظ على أسلووبك حيت أسلوبك هو نتاا؛ و نتاا ماكااينش بحاالك ❤️
صوو، هاادوا هوما أسرار المتحدثين ف Ted. داباا مابقااوش أسرار، سيروا خدموهوم و جربوهوم لمرة الجااية يلا كان عندكوم شي عرض. و سيروا حتى ل YouTube و قلبوا على هاد Ted و شوفوا دوك النااس كيفااش تيهضروا و تعلمواا منهووم.
