علااج الإكتئااب 😊

كناا هضرناا من قبل على الفلسفة الرواقية 'Stoicism' و كيفااش يلا تبعتي المباادئ دياالها غاادي يسااعدك ترتااح فحيااتك. و تا داباا انهضروا على هاد الفلسفة نييت مع كتااب اخور لي سيمتو "Letters from a Stoic" أي رساائل من عند روااقي، و لي كتبوا سميتو Seneca.

هااد السي Seneca كاان تيكتب وااحد الرسائل لوااحد صااحبو و تيعطيه فيه نصاائح لي تعااونوا يعيش حياة مزياانة. و دوك النصاائح مجموعين تيعطيونا هاد لكتااب.

حيت لكتااب عبارة عن رساائل ماغااديش نقدر نقسموا ليكوم على حسب فصول ولا أجزااء ولا بشي طريقة. انقوليكوم 3 ديال الأفكاار المهمة لي خدييت منو، و لي تنظن اتنفعكوم تانتوماا؛ فااش اتقرااو لكتااب غاادي تفهموا البااقي.

1⃣ أول نقطة هي خااص الإنساان يميز ماا بين الأمور لي تحت السيطرة دياالو و الأموور لي خاارجة علييها، و يركز طااقتوا و وقتوا فدوك الأمور لي عندو سيطرة علييها.

مثلا، وااقيلا جميع الجاامعات المغربية ديال الٱداب و العلوم تتلقى الطلبة تيعاانيو من مسألة النقط؛ تيخدموا مزياان و لكن فاللخر تيتصدموا حيت النقط لي تأفيشااو لاا علااقة مع الخدمة لي خدموهاا. كااين لي هاادشي تيخليه يفقد الأمل، و كااين لي لاا تيقولك ... أناا بعداا ندير لي علييا و لكماال على الله.

2⃣ الحيااة غاادي تختبرناا و تكرفص عليينا مزيااان. يمكن ليك إماا تبكي و تشكي ولاا تزير رااسك و تحاارب و تقااوم واخاا الصعوباات كااينة. الطريقة بااش تتعاامل نتاا مع الصعوباات هي لي تتحدد المعدن لي نتا مصنوع منو.

3⃣ ٱخر نقطة و تتشبه للنقطة رقم 2 لحد كبيير هي خااصك تقبل بلي الصعوباات جزء من الحيااة، و خااصك تخدمهوم لمصلحتك. كيماا تنقولو، كل تأخيرة فييها خيرة ولاا عسى أن تكرهوا شيئا و هو خير لكم.

دوك الهموم و الصعاااب و تكرفيص لي دوزتي فحيااتك ( إماا عندهوم علاقة بلقرااية، ولاا لخدمة، ولا مع العاائلة فدااركوم، ولا مع صحااابك، و لاا شي حااجة خراا ) دوك الصعااب فيهوم وااحد الدرس ليك لي خااص تعلمواا بااش عمرك ماتطييح فييهوم و تغير شخصيتك و تولي شخص اخوور ... شخص لي نتاا اتكون فخوور بيه فااش تشوفوا فلمرااية

صوو، هاادوا أهم الأفكاار لي كااينة، بغيتي تعمق و تعرف كتر رااك عاارف شنو دير، طيليشاارجي لكتااب و بدااه تقرااه لييوماا

شنو الأفكاار لي عجبوكوم و لاا متاافقين معاهاا ؟ 👇👇

https://drive.google.com/letters-from-a-stoic

بييييييس ✌️