شنو تتقول فاش تتشوف رااسك فلمرااية ؟؟

كل صبااح فاش تتفيق و تتشوف رااسك فلمرااية وااش تتقول شي هضرة زويينة ولا رااسك ولا هضرة خاايبة ؟ ولا تتخلع و تغوت؟؟

لكتااب سميتو Radical Acceptance أي قبول جدري. و تيعلمناا كيفاش نشوفوا العيوب ديالنا بواحد النظرة حب و تفهم بعداا، و عاد ديك سااعة نبدلوهوم يلا كانت هااد القضية ممكنة.

لكتااب فيه 12 فصل و أهم الأفكاار لي فيه هي هاادي:

1⃣ العيوب ديالنا تتخلينا نحسوا بلي ماعدنااش قيمة، و تنبدااو نمشيو عند بناادم باش يعطينا قيمة. تنبدااو نقللوا من قيمتنا بااش النااس تبغينا. و لكن، خااصنا نعرفوا بلي حتى داك الشخص رااه بناادم بحاالو بحالناا؛ يعني، تا هو فيه العيوب. و النهاار لي غاادي ندخلوا هاد الفكرة لرااسنا غاادي نحسوا بالرااحة و وااحد لحمل تقيييل غاادي يتحيد من كتاافناا.

2⃣ تنحااولوا نغطييو العيوب دياالناا بااش تا حد مايشوفهوم و تنتخبااو منهوم. و لكن خاصنا نشوفو دوك العيوب على أساس أنهم حااجة مميزة فينا. ماعارفش العيب لي نتاا تتشوف فرااسك بالضبط، و لكن رااه يلا فكرتي اتلقى بلي ديك لحااجة لي نتا فيك و تتشوفهاا على أساس أنها عيب فيها شي حااجة زويينة و نفعااتك شحاال من مرة.

3⃣ سبب ٱخر لااش خااصنا نتعلموا نتقبلوا و نبغييو العيوب ديالناا هو بااش نسيطروا على العوااطف و المشااعر ديالناا. نقولوا مثلا عندك ضي عيب فالوجه ديالك  يلا كاان شي حد تيشوف فوجهك، تقدر(ي) نتاا ولا نتي تصعر و إماا تقول لدااك بناادم ماتشفوفش فيا، ولا ماضحكش علييا ولا تغضب و تداابز معااه. ولا تقدر تخبييها فقلبك و تمشي للداار و تبكي. علااش؟ حيت شي وااحد كاان تيشوف فوجهك، و بحاال واالو داك الشخص كاان هي تيشوف و صاافي و ماداايهااش گااع فييك.

النهاار لي غاادي تقبل دااك 'العيب' لي فيك، اتجيك عاادية لي بغاا يشوف يشوف و ماغااديش تبقى تغضب على واالو. و اتعييش مرتاااح.

4⃣ العوااطف دياالنا تنحسوا بيها فالجسم دياالنا. مثلا، فااش تتخااف من شي حااجة تتحس بييها فكرشك، ولا فااش تتغضب تتحس بعنقك مزير ولا صدرك ولا تقدر تدووخ، ولا يضرك رااسك و هاد المسألة تتختلف من شخص لٱخر.

فااش تحس بالجسم دياالك تيتزير و تااضرك شي جهة، جلس للأرض و فكر مع رااسك شنو هو المشكل ولا الشعور لي خلاني نحس بهااد الألم.

فااش تعرف الشعور، سيطر علييه و غاادي يمشي الألم من الجسد دياالك.

5⃣ فهاد النقطة لي داازت، قلت بلي خااصك تسيطر على المشااعر ديالك السيئة لي عندها تأثير سلبي فالجسم دياالك. و الطريقة بااش تسيطر على هااد المشااعر فيها 2 خطواات:

مهم اتخربق بلمزياان هاكاا. عليها، ضروري هاد 2 عنااصر يكونو بجوج.

لي محتااج أنه يساامح و يبغي رااسو كتر، يقراا هاد لكتااب و  گااع لبوسطاات لي أنا تنكتب بطبيعة الحاال 👇👇👇

https://drive.google.com/drive/folders/1dU3F89TTDYAamBGJRszj-NdJH45InIEt

بييييس ✌️