-->
الرئيسية
الصحة النفسية بدارجة
كتوبا بدارجة

كيفاش نتغلبوا على الخوف و الشك الداخلي؟

 





كيفااش تغلب على الخوف و الشك لي بداخل كل واحد منا؟

فدااخل كل وااحد فيينا كااين وااحد العدو، وااحد الصوت، واحد الذئب، ولا وااحد الشيطاان. سمييه لي بغيتي.

فلدااخل دياالناا كااين وااحد لحااجة لي تتخلينا نفشلوا، و شي مراات حتى تنكونوا قراابين نوصلوا لدااكشي لي بااغيين، عاد تتجي ديك لحااجة و تتفشلناا.

عمرها طرات ليكوم؟ شي مرة كنتي قرييب تحقق شي حااجة و خااصك هي تجرب شي خطوة جديدة ولا غي تكمل فدااكشي لي نتا كاديير بااش تنجح، و لكن شي حااجة تتحبسك و ماتاادير والو فاللخر.

بااش تتحس من بعد فاش تتعرف بلي رااه كنتي قريب تنجح؟ بالندم؟ بالغضب؟ تتفقص؟ تتكره رااسك ؟ تتحس بلحگرة و بلي ماعندكش الزهر ؟؟ ولاا بهاادو كامليين؟

و وااش تبغي تخلص من هااد الصوت؟ تبغي تبدل حيااتك و فاش تقرر أنك تديير شي حااجة، تمشي ديرهاا؟

يلاا طلعوا ليك فرااسك گااع المشااكل لي تيطيحو عليك من السمااء و بغيتي تبدل حيااتك، بداا بهاد لكتااب هذاا.
كتااب Outwitting the devil أي تغلب على الشيطاان و كاتبوا Napoleon Hill. يلا عااقلين، هاد الشخص هذاا هو لي كتب Think & Grow Rich وااحد من أحسن كتب التنمية الذااتية فالتااريخ. و حتى هاد لكتااب ديالو طووب و فيه تيهضر على كيفااش تحقق نجااح فحيااتك و تغلب على العدو لي عدناا لدااخل.
لكتااب مقسم ل 12 فصل و هو عبارة عن حواار تيدور ما بين الكااتب و ما بين الشيطان. فهاد الحوار، الشيطان عتاارف بالأسرار ديالو و كيفااش تيتلااعب بالنااس، و شنو هو نوع ديال البشر لي صعاابين على الشيطاان و هوما نيت لي تينجحوا فحيااتهوم. و هنايا الشيطان هو تشبيه للأفكار السلبية و الشك لي تنعانيو منو كاملين.

أهم الأفكار منو هي هادي:

1⃣ نوع ديال النااس لي تيكونوا ناجحيين و الشيطاان تيخااف منهوم هوما الناس لي عندهوم هدف محدد فالحيااة و تيخدموا بااش يوصلوا ليه.
يلا كنتي نتاا ماعاارفش شنو بااغي، ديك السااعة غاادي يجيو فرااسك بزااف ديال الأفكاار و بناادم يقترح علييك بزااف ديال لبلااناات و لكن نتاا اتبقاا تاالف و ماغاادي تعرف ماادير. و فاللخر ماغادي دير والو بالتلفة 🐸.
و لكن، يلا عندك هدف وااحد و مصمم بااش توصل ليه، ديك السااعة وقتك، فلوسك، و طااقتك كااملة غاادي تصب عليه و دااك التركيز لي ايكون عندك ايعااونك توصل لدااكشي لي بااغي.

2⃣ نقطة ثاانية لي تتحدد النجااح ديالناا هي وااش حناا واجدين و قادريين نصبروا على الفشل و نبقااو نفشلوا و نفشلوا و نحسنوا رااسنا حتى نحققوا الهدف لي باغيين.
شحاال ما قبلتي أن الفشل حااجة طبيعية فالدنياا، و طبيعية و اتكون كتر عند النااس لي عندهوم طموح كبيير، شحال ماغادي تخلص من  داك الصوت لي فلدااخل ديالك.
حيت فااش اتفشل و ايجي دااك الصوت يضحك علييك، اتقولييه نتاا: ضحك على مك، أناا دييجا عواال نفشل و عاارف بلي رااه مااشي غي اجي و حقق داكشي لي نتاا بااغي.

3⃣ حضي راااسك يا بناادم فااش تكون تادير صحاابك. نااس لي دايرين بيك غاادي يكون عندهوم تأثير عليك: إماا سلبي ولا إيجاابي.
🔴 يلا كنتي معااشر مع النااس لي فاشلين و ماباغيينش يزيدو للقدام فحياتهوم، غاادي يجروك لوور و ايفشلوك تانتاا. فوق ماتقوليهوم بغيت نديير هاادي و هاادي و عندي هاد لفكرة، ايجبدوا ليك العيوب و السلبيات و گااع الأسبااب علااش ديك الفكرة دياالك ممكن تفشل. وجوه النحس شي بشر.
🔵 أماا يلا كنتي معااشر مع النااس لي ناجحيين و باغيين يزيدو بحيااتهوم للقداام ( بحاالي أناا مثلا 😇 ) فااش اتهضر معاهوم و اتعطيهوم شي فكرة لي عندك ايشجعوك و يقدروا گااع يعااونوك تطور ديك لفكرة و يقولو ليك كيفااش تخليها حسن و حسن.
يقدرو يجبدوا ليك العيوب لي فالفكرة دياالك، و لكن ايجلسوا معاك و يعااونوك تلقى حل لدوك المشااكل؛ مااشي ايقولك نساا نساا عليك هااد تخربيق.
لي عندو بحاال هااد نااس يحاافظ علييه و يشكروا. 💪

4⃣ الأفكاار دياالنا ( خاايبة ولا زويينة ) مع المدة تتولي هي الوااقع ديالنا و تتكبر مع المدة. الفكرة فااش تتخليها فدمااغك بزااف و تتحس بيها و تيولي عند وااحد الإرتبااط عااطفي بيهاا، تتأثر عليك.
مثلا، عندك فكرة زويينة بلي يلا قريتي و درتي مجهود غاادي تلقى خدمة فاللخر. فاش اتكون عندك هاد لفكرة، اتقرا و نتا فرحاان و تطور رااسك و تبحث و فااش اتخدم اتكون تتستحق ديك لخدمة و تتحس بلي رااك درتي إنجااز فحيااتك و غاادي تفرح.
أما يلا عندك فكرة بلي راه ماكااين خدمة فلبلااد و سااخط على الوضع ( من حقك بعداا ) ماغااديش تقراا، و ماغاديش تصدع رااسك گااع تقلب على خدمة، و بطبييعة لحاال فاللخر ماغااديش تخدم. مادرتيش مجهود، ماغاديش تلقى تا شي نتيجة. عاادي.
مهم، نتاا ختاار الأفكاار ديالك، و عرف بلي الأفكاار ديالك، ايأثروا على بااش اتحس و شنو ادير؛ و هاادشي عوتااني غاادي يأثر على الحيااة لي غاادي تعيشهاا.
يعني من اللخر عمروا رااسكوم بأفكاار إيجاابية.

لي بغا يعمر راسو بأفكار إيجابية لي غاادي تفيدو، يدخل يطيليشارجي هاد لكتااب من هناا 👇👇

https://drive.google.com/outwitting-the-devil

بييييس ✌️
author

تعليقات