هاد لكتااب غادي يعااونك تولي تيق فراسك كتر، و تبع أحلامك واخا يكون فيك الخوف.

لكتااب سميتو "The Confidence Gap" أي (فجوة الثقة) و الكاتب ديالو سميتو Russ Harris.

لكتااب فيه 250 صفحة مقسم على 23 فصل. و كل فصل تيعاالج قطعة مهمة من الثقة بالنفس. حيت عدد لفصول طوييل شوييا ( و لكن الفصول رااه قصاارين ) انهضر على أهم الأفكاار لي فيه.

1⃣ أول فكرة لي تيهضر عليها لكتااب هو شنو تتعني الثقة بالنفس. الثقة بالنفس هناا مااشي هي ماتحسش گااع بالخوف و تكون مرتااح فاش تبغي دير شي حااجة جديدة. الثقة بالنفس هناياا هي فااش تتقبل الشعور بالخوف و تتزطم على على قلبك و تدير دااكشي لي بااغي تدير. و لي لييها، لييها 😀.

2⃣ أغلبية النااس تيسااينو يحسوا بوااحد الشعور ديال الثقة عااد يديرو شي حااجة لي فراسهوم، و لكن راه العكس صحيح. فااش تادير لحااجة ( كيف ماكاانت ) عاد تتحس بالثقة فراسك. الثقة تتجي من المهاارة لي تنكتسبوا فااش تنديروا لحااجة. أول مرة تتجي تركب بيكالا تتكون مخلوع و لكن مع المماارسة تتولف و تتجيك عاادي.

3⃣ الفكرة الثاالتة هي شنو ديير باش تبني الثقة دياالك فشي مجاال؟  أول خطوة خااصك هي تحدد الهدف ديالك فشي مجاال معين. بغيتي تبداا تهضر بلونغلي؟ حدد الهدف دياالك بعداا. وااش بغيتي تدوز شي إمتحاان توفل ولا ٱيلتس، ولا بغيتي تعلم تهضر و صاافي ولا بغيتي توصل لوااحد نيڤو محدد. مهم أول خطوة هي خااصك تحدد الهدف ولا أهدااف ديالك فديك المسألة.

4⃣ من بعد ماتتحدد الهدف ديالك، تيخصك تقسم داك الهدف لي باغي توصل ليه لوااحد الخطواات. و تبداا تقوم بكل خطوة دقة بدقة. ماتشووفش بعيييد. غي نتاا جلس مع رااسك و فكر فشنو هي لحااجة لي يمكن لييا نديير داباا و اتقربني ( مااشي اتوصلني ) لدااكشي لي أناا بااغي. و بداا تخدم على الهدف ديالك درجة بدرجة.

5⃣ ٱخر نقطة هي عرف بلي هاادشي غاادي يجيك صعييب فلول و اتحس بنوع ديال الخوف. و لكن رااه هاانياا، تقبل دااك الشعور و دير لي علييك واخاا هكااك.

بييييس ✌️