لمرة لفاايتة قلت بلي غاادي نهضر على الصحة النفسية: الأسبااب لي تتخلي النااس تيعانيو من الإكتئاب، القلق، الستريس فحياتهوم، و شنو تديروا بااش تخلصوا من هادشي و تعاونوا حتى النااس لي فحياتكوم يتخلصوا من هاد المشاكل و يحسوا براحة نفسية، سعادة، و طمأنينة. 

و هاادشي لي انبدا من ليوما. 

و أول موضوع لي غاادي نهضروا عليه و انفهموه مجموعين فهاد الفترة هو "Cognitive Distortions" بالعربية تيعني "التشوهات المعرفية" و لكن حناا غاادي نسميوه طرق خاطئة فالتفكير حيت هاد السمية أبسط و سااهل بااش نعقلوا عليها. 

هااد الموضوع لي غاادي نهضر عليه بالنسبة لييا من أحسن الأمور لي تعلمت فحياااتي، و يلا تعلمتي هادشي و طبقتييه فحيااتك غاادي تبدا تخلص من الإكتئااب، القلق، و تحيد ستريس من حيااتك، و تحسن علااقتك مع النااس و تكتسب ثقة أكبر فنفسك و زيد و زيد.

صوو، لي خاصنا نعرفوا هو أنه فااش تتوقع لينا شي حااجة فحياتناا، ديك السااعة دماغناا تيحااول يفهم ديك لحاجة شنو تتعني. 

مثلا، دااير تلاقا شي واحد و تعطل عليك، واش هادشي تيعني داك الشخص ماتيحتارمكش، ولا تتعني أنه مشغول و يمكن وقعات ليه شي حااجة. 

يلا دماغك وصل للإستنتااج ديال راه ماتيحترمكش، بااش أتحس؟ بالغضب غالباا!!

و لكن يلا دمااغك قالك، بلي داك الشخص رااه ظرييف و يمكن وقعات ليه شي حااجة خايبة فالطريق، غاادي تخااف علييه و اتسول فيه. 

هذاا غي مثال واحد، و لكن ديماا دمااغنا تيحاول يفهم الأمور لي تتوقع لينا.

و لكن وااش التفكير ديالناا حناا كبشر، تيكون سليم و صحيح 100% ؟ ماتنرتكبوش أخطااء شي مراات؟ ماتنغلطوش؟ تنعلموا على الغيب و تنعرفوا علااش كل حاجة وقعاات ديماا؟

بطبيعة الحال لاا! 

تنرتكبوا أخطاء و ماتنشوفوش الأمور كيف ماهوما. تنفهموا الأمور بطريقة خاطئة. و هاد الفهم لعوج ديالناا تيسبب ليينا مشااكل نفسية مع رااسنا، تنمرضوا رااسنا بالتفكير لخااوي. 

و من فوق هادشي، تنخصروا علاقتناا بالنااس.

فهاد لبوسط أنشرح هاد الطرق الخاطئة فالتفكير بإختصاار، و فكل أسبوع غاادي نهضر على وحدة بتفصيل كثر، اتفهم شنو هي، وااش تاديرها، كيفااش تاضرك، و بطبيعة الحاال كيفااش تخلص منهاا. 

1⃣أول طريقة غاالطة فالتفكير هي "Over-generalization" و تتعني "التعميم المفرط"

هاادي هي منين اتوقع ليك حاجة خاايبة مرة وحدة و تتبقى تعمم. يلا فشلتي مرة فحيااتك، أتقول بلي غاادي نفشل ديما.

2⃣ثااني طريقة هي "Global Labeling" و تتعني "وضع علامات شااملة" ولا "تصنيف شاامل".

و هاادي هي فااش تتبقى تعااير رااسك على أبسط الأمور لي وقعات. مثلا، يلا سقطتي فشي إمتحاان، بلااصة ماتقول ... أناا سقطت فإمتحاان، تتقول على رااسك أناا فااشل، مكلخ، مافييا نفع.

3⃣ثاالت طريقة هي Mental Filter أي التصفية الذهنية. و هاادي هي فااش تتنتاابه غي للأمور السلبية و تتنسا الإيجاابي. مثلا، خرجتي مع صحاابك و دااز نهاار زويين و درتو شحاال من حااجة و لكن نتاا/نتي تتنسى هادشي و تتبقى عااقل غي على فااش صااحبك قال شي هضرة ماعجباتكش.

4⃣راابع طريقة هي Polarized Thinking / black & white thinking و تتعني هاادي التفكير القطبي ولا تتفكر فالأمور على شكل كحل و بيض.

و هنايا تتوصف رااسك إماا رااك إنساان ناااجح يلا حققتي بزااف ديال الأمور؛ ولا إنساان فااشل يلا ماكاانش كلشي مثالي فحيااتك.

عندك يا إماا تكون إنساان مزياان ولا خاايب، ملااك ولا شيطاان، عبقري ولا مكلخ، ....

5⃣خاامس طريقة هي Self-blame و تتعني "لوم الذاات"

فايتيين شاايفيين داك طرول على ربااطي لي تيبداا يضرب رااسو مع الحيط فااش تتكون مرااتو تتولد و تيقول هاادشي كولو سباابي 🤦🤦

وا راااداكشي هو لوم الذاات.

فااش تتوقع أي حااجة بسيطة تتحس بحاال يلا رااك نتا مذنب و تتبقى تتعتذر بزاااف.

6⃣ساادس طريقة هي Personalization و تتعني "الشخصنة"

و هاادي هي فااش تتااخد الأمور بطريقة شخصية فوق لقيااس. يلا كنتي جاالس و شي حد قالك "شميتي شي ريحة فشكل؟"

غاادي تنواا و يصحاابك رااه تيدوي عليك.

ويلا شي شاارف قاالك "هااد الجيل طاالع زيرو" أتقول مع رااسك وااش هاد ولد النااس تيقصدني.

بالنسبة ليك كلشي عندو علاقة بيك.

مهم بالداارجة رااك منوي.

7⃣ ساابع طريقة هي Mind-reading و تتعني قرااءة العقول.

هناياا تتفترض بلي النااس ماعندهومش معااك و ماتيحملوكش غي هكااك بدون أي دليل و تتقول مع رااسك تنحس بيها ولا تنحس بيه ماعندهومش معاياا و ماعرفتش علااش.

مهم، تقدر تكون بصح مي غالباا هي تتخربق، و ماخااصكش تكون حسااس بلا قياااس.

8️⃣ ثاامن طريقة هي Control fallacies و تتعني مغالطة السيطرة.

هناايا تتمرض رااسك و تتبقى تفكر بلي إماا خااصك تحكم و تسيطر على كلشي بااش مايوقع حتى شي غلط، ولا تتحس بلي نتاا ضحية و ماعندك تا شي تأثير على أحدااث العاالم.

و فكلتاا الحالتين تتمرض رااسك.

9️⃣تااسع طريقة هي  Should statements و تتعني "عبارات المفروض.  

باختصاار تتعني أنك نتاا تتقول لرااسك خااصني نكون درت هاد القضية، و خااصني نكون درت هاادي. 

خاصني نكون نجحت، خدمت، قريت ...

و فااش تتشوف رااسك تتلقا راسك مادرتي والو و تتحس بالفشل. 

🔟عاشر طريقة هي Magnification & Minimization و تتعني التضخيم أو التقليل. 

هنايا ايكون عدناا 2 مجموعين فوحدة: إماا تتباالغ و تتعطي الأمور كثر من قيمتها، ولا تتنقص من قيمة الأشياء لي إيجابية فحياتك. 

#️⃣ٱخر طريقة هي Emotional Reasoning و تتعني "المنطق العاطفي".

هناياا تتخلي المشااعر ديالك يتحكموا فيك و كاتيقهوم.

تتحس بلي ماعندكش قيمة و النااس ماعندهومش معااك و تايدخل ليك هادشي لرااسك.

تتقول مايمكنش يكون هادشي غي جاابلي الله. تتخلق وااحد الدور رااسك و تتعيش فيه.

🔴كااين طرق أخرى ديال التفكير لي تتخلق لينا مشااكل فحياتنا و فكل أسبوع إن شاء الله أنهضر على وحدة بتفاصيل كثر و نقولك شنو تدير بااش تخلص منهاا.

⚪للإشاارة، كااين مجموعة ديال العلاجات و الطرق بااش تخلص من هاد القضية. أنا ختاريت داباا أسهل وحدة لي اتنفعكوم، و يمكن ليكوم تطبقوها بسهولة.

و لكن بااش تخلصوا من هاادشي بصح، خاص المداومة. فااش تقرااو لبوسطات الجايين، ماتقولش هاادشي سااهل و ماغااديش يخدم. 

هاادشي سااهل و غاادي يخدم يلا خدمتيه نتاا. يلا عطيتيه الوقت و التزمتي بيه. 

بييييس ✌️