فايتلك خرجتي مع صحاابك و داازت لخرجة زويينة، تلاقيتو، ضحكتوا، تغديتو، تصورتوا، نشطتوا، و درتوا گااع دااكشي لي كنتواا عواالين ديرو و كتر، و لكن ...

فشي لقطة شي حد قالك شي هضرة لي ماعجباتكش، يمكن ماقصدش و يمكن قصد ولا يمكن كانت هضرة عاادية و مااشي مهمة، 

على أي فااش رجعتي للدار و بديتي تفكر ديم لخرجة، وااش غاادي تفكر داك الضحك و النشااط و داكشي كاامل زويين لي دوزتو ولاا غاادي تبقى لااصق فديك الهضرة؟

يلا بقيتي لااصق فديك لهضرة لي خايية و نسيتي گااع داكشي زويين، هناياا رااك اتكون طحتي فداك الفخ ديال "الفرز" 

🔵شنو تنقصدوا بهاد "الفرز"؟ 

الفرز هو فااش ماتتشوفش الأمور الزويينة لي تتوقع ليك فحيااتك اليومية، و تتركز غي على لخاايب.

يلا تبعتي هاادشي لي غانقولك غادي تفهم علااش كنتي تتفكر بسلبي و غادي تبدا تفكر بإيجابية كتر.

🔴اولا بااش غاتعرف رااسك تاديرها؟

داباا جلس مع رااسك و حاول تفكر فشي خرجة ولا شي حدث لي دوزتي، و شوف وااش تقدر تفكر كلشي لي كان فيه ولا غي شوييا. 

مثلا، يلا مشيتي لشي بلااصة و بقيتي فيها 4 ديال سواايع و فااش جيتي تفكرها، لقيتي رااسك عااقل غي على ربع سااعة من ديك لخرجة، و ديك 15 دقيقة لي عااقل علييها، كاانت سلبية ( شي حد قالك ولا دارلك شي حااجة لي ماعجبااتكش ) راه نتاا تتعااني من هاد القضية. 

⚫علااش هاادي خاايبة؟

هاادي خاايبة حيت تتحرمك من بزااف ديال الأمور. تقريباا تتحرمك من حيااتك. 

تقدر تساافر و تخرج و دير مغامرات لي زويينة و لكن دمااغك تيمشي غي للأمور السلبية و دوك اللحظاات الزويينة لي عشتي تيتمحااو ليك من الذااكرة. 

⚪شنو الحل؟ كيفااش نحبسوا هاادشي؟

💙 بداا تبحث على الضد ديال الأمور لي عقلك تيعقل عليها ( يلا كانت سلبية بالطبع ) . 

مثلا: يلا دمااغك بقا عاقل على واحد اللحظة لي نتاا كنتي تتهضر و تا حد ماسمع ليك، و بغا يقنعك بلي تاحد مامهتم بيك؛ بداا تبحث على أوقاات لي كنتي تتهضر و النااس سمعوا ليك. 

💙يلا تتحس بلي النااس ديما تيرفضوك، بداا تقلب و كتب الأوقات لي النااس قبلوك و بغااوك. 

💙يلا تتحس برااسك ديماا تتفشل، بداا تقلب على أمثلة ديال أوقات لي نجحتي فيها. 

💙 و هاادوا عباراات لي تقدر تحفظ و تبدا تخدم ديماا: 

♥️حبس، و حل عينيك، خااصني نشوف الصورة كاملة. 

♥️نقدر نكون خسرت شي حوايج فالحياة، و لكن راني كسبت حواايج أخرى. 

♥️هاناا عوتااني تنقلب على الأمور السلبية 🤦🤦

♥️الحيااة ديالي فيها كتر من هاد اللحظات

♥️نقدر نختاار أني مانبقااش نسى الأمور الزويينة لي وقعاات 

♥️و شنو شي حااجة خراا لي زويينة وقعاات؟

💛نصيحة: كتب هاادوا فشي ورقة ولا ديرهوم فطيلي ديالك ولا فأي بلااصة لي غاادي تقدر تشوفهوم كل نهاار بااش تعقل عليهوم و تخدمهوم. 

🧡 فكر فشي فكرة لي سلبية عندك من هاد النوع و خدم هااد العبارات بااش تبدا تخلص منهاا. 

رااك تقدر تديرهاا 💪

نشوفكوم فبوسط اخر فالسيمانة الجااية. 

بيييييس ✌🏻