عمرك حسيتي بلي الحيااة عمرها ماغاادي تحسن؟ وبلي نتا هو السبب ديال لعدااب لي داايز عليك فحيااتك؟

كلناا حسينا بهاادشي مرة مرة، مااشي غي نتاا. 

و السبب ديال هاادشي هو طريقة أخرى خاطئة فالتفكير. 

هاد الطريقة سميتها "Global Labeling" أي "علامات شاملة" أولا "وصف شامل" 

🔵شنو تنقصدو بيها؟

وضع علامات شااملة هو فااش تنوصفوا راسنا بشي عباراات بحاال 'فااشل'، 'مكلخ'، 'خوااف'، 'ضعيف'، 'ما فييا فايدة'. 

تيكون فينا واحد لعيب، واحد النقص، و هاادي حااجة عادية، تا واحد ماكاامل، و لكن حناا تنركزوا على داك العيب لي فيناا و تنبقااو نوصفوا رااسناا بيهاا. 

و هاادي تتشبه لٱخر مغالطة فالتفكير. 

الفرق هو أن لي درنا ٱخر مرة تنكونو تنعمموا واحد الحدث، و هاد المرة تنبدااو نوصفوا رااسنا بواحد الكلمة. 

🔴بااش تعرف رااسك تاديرها؟ 

يلا كان عندك واحد الصوت فالدااخل ديالك و ديماا تينتقد المظهر ديالك، الأداء ديالك، الذكااء ديالك، العلاقات ديالك، و هي غاادة بوااحد الشكل لي مباالغ فيه رااك تاديرهاا. 

⚫علااش هاادي خاايبة؟

هاادي خاايبة لسبيين: 

1️⃣أولا، فااش تتوصف رااسك بدوك العباراات فنتاا ماغاديش تشوف الأمور الزويينة لي فيك حيت مركز بشكل كبير على الخاايب، و أي حااجة لي بقينا مركزين عليها بزااف هي بااش أنحسوا. 

صو نتاا غاادي تبقا تحس بلي رااك مكلخ و فااشل و فأغلب الأوقات ماغااديش تدير شي حااجة بااش تبدل حيااتك. 

اتبقى تقول أنا مكلخ و فااشل، صوو علااش انحمق رااسي و نقرا ولا ندير مجهود و انا عاارف رااسي ماغاديش نطفروا ؟

و فااش تتفكر بهاد الطريقة و ماتادير والو، راه حيااتك اتبقى هكااك.

2️⃣السبب الثاني هو فااش تكون نتاا تتفكر بهاد الطريقة، مااشي غير اتحكم على رااسك بلي نتا مامزياانش، و لكن اتحكم تا على صحابك و النااس لي عندك علااقة معاهوم، بلي رااه مكلخين و مامزياانينش.

و كنتيجة هوما غادي يقلبوا عليك فأغلب الحالات و غاادي تنهي علاقاتك الإجتمااعية مع النااس. 

و هادوك لي غاادي يقولوا: شنو أنديير أناا گااع بالنااس؟ 

العلاقاات الإجتمااعية ديالنا هي من ضمن الأمور لي تتحسن صحتك النفسية و تتبعد عليك الإكتئاب و القلق و تتعطيك واحد المنااعة نفسية. 

⚪شنو الحل؟ كيفااش نحبسوا هاادشي!

الطريقة بااش تحبس هو عوتااني تنتبه للغة ديالك. كون دقيق فالوصف ديالك للأشياء. 

◼️مثلا: بلااصة ماتقول أناا غليض، قول أناا زاايد 6 كيلو على الوزن لي بااغي نكون فيه. 

◼️بلااصة ماتقول أنا مكلخ، قول ماعرفتش الجواب ديال واحد التمرين. ماعرفتش نلقى الحل لواحد المشكل. 

و خدم هاد العبارات تا هوماا 👇

♥️حبس، هذااك غي وصف غاالط. 

♥️ هذااك مااشي أناا. هاديك غي كلمة. 

♥️العباراات تيركزوا على جزء صغير مني. 

♥️ماغااديش نوصف رااسي بدوك العبارات. 

♥️كون مضبوط فالوصف ديالك. 

♥️ شنو تنقصد ب .... ؟ شنو تنقصد بغليض؟ بمكلخ؟ ب ....؟

♥️حيااتي أكبر من هاد العبارات السطحية 

♥️هاد العباراات غا تيركزوا على جزء من حيااتي و تيزيدو فيه

♥️عندي بزااف ديال النقط الإيجاابية، و ذكرهوم، ويلا ماقديتيش تفكر سول صحاابك على شنو لحواايج زويينة فيك، و فااش يقولو ليك قيدهوم. 

💛نصيحة: كتب هاادوا فشي ورقة ولا ديرهوم فطيلي ديالك ولا فأي بلااصة لي غاادي تقدر تشوفهوم كل نهاار بااش تعقل عليهوم و تخدمهوم. 

🧡 فكر فشي فكرة لي سلبية عندك من هاد النوع و خدم هااد العبارات بااش تبدا تخلص منهاا. 

رااك تقدر تديرهاا 💪

نشوفكوم فبوسط اخر فالسيمانة الجااية. 

بيييييس ✌🏻