عمرك سولتي رااسك علااش الحيااة خاايبة و مكفسة لهاد الدرجة؟ 

و واخاا تدير لي درتي، تاحااجة ماتتبغي تصدق ليك؟ گااع! فخطراا!!

يلا كنتي سولتي رااسك هاد السؤال من قبل رااه السبب ديالو هو واحد لحااجة سميتها "over-generalization" و تتعني بالعربية " الإفراط في التعميم" و هي أول مغالطة منطقية ( طريقة خاطئة فالتفكير ) لي غاادي نهضروا عليها. 

🔵شنو تتعني هاد الإفراط في التعميم؟ 

الإفرااط فالتعميم هو فاش تتقول شي حااجة لي باايخة و حامضة مرة وحدة فحيااتك، و تتقول على راسك أنا رااه دييما حاامض و باايخ. 

يلا درتي تلاقاا مع شي حد و جا معطل شي مرة، تتقول ليه نتاا دييما تتجي معطل. 

يلا بغيتي دير مشروع من قبل و مانجحش ليك، تتقول أنا ديماا تيفشلوا لييا المشااريع.

يعني بإختصاار، من خلال تجربة وحدة لي كانت سيئة تتعمم و تتباالغ، تتحكم على المااضي ديالك بوحدك ولا مع شي شخص بلي ديماا كاان هكااك، و لا تتقول بلي صاافي من داباا لقداام غاادي تكون حيااتي بهاد الطريقة. 

🔴بااش تعرف رااسك تاديرها؟ 

أتعرف رااسك فيك هاد الطريقة السلبية فالتفكير، يلا كنتي تتخدم عباراات بحال " تامرة، فخطراا، ديماا، كل، تا واحد، كلشي" 

بحاال ديك الأغنية  لقديمة دياال "گااع السااطات بناات النااس" 

هناا رااك تتباالغ و تتعمم. 

ولا فااش شي بنت تتقول "گااع الدرااري مافيهومش الثقة" حتى هذاا تعميم، حيت رااه كااين إستثناءات، كااين أناا 🐸

أمثلة أخرى:

انا ديما تنكبتها.

ديماا تنجي معطل. 

تا حد ماتيحملني.  

⚫علااش تنفكروا بهاد الطريقة؟

السبب هو شي مراات بصح تيوقعوا ليينا حواايج خاايبة و تنحسوا بألم نفسي. و الدمااغ دياالنا تيخااف عليينا، و تيبغي يحمينا. و بااش يحميناا تيقولك رااه نتاا ديماا ... رااه نتاا ديماا تتفشل فااش تادير شي مشروع، و تيقولك هاد الفكرة بااش يدير ليك الماا فالركاابي و مااتحااولش دير تا شي مشروع مستقبلا بااش تفادى الألم. 

⚪شنو الحل؟ كيفااش نحبسوا هادشي ؟؟

♥️الحل هو أنك تخلص من دوك العبارات المطلقة، بحاال "گااع، كلشي، تا واحد، جميع، تا مرة، تا خطرا" 

و ديماا كون دقيق فالوصف ديالك للأحداث. 

♥️ماتقولش گااع النااس مافيهومش ثقة، ولا گااع النااس لي عرفت فحيااتي مافيهوم ثقة.

♥️قول فلان و فلان و فلانة و 7 ٱخرون مافيهومش الثقة. 

♥️حاول ماتهضرش على المستقبل حيت ماعندك حتى وسيلة بااش تأكد من هاد القضية. 

و فااش تكاالي رااسك تتفكر بهاد الطريقة، حبس رااسك بهاد العبارات: 

💙شنو هو الدليل لي عندي لهاد لهضرة؟

💙وااش بصح عندي معلومات كاافية بااش نقول هاد لهضرة؟

💙شنو اخر يقدر هاادشي يعني؟

💙كيفااش نقدر نتأكد من هاد الفكرة؟

💙ماتهضرش بصيغة مطلقة. حدد بالضبط. 

💙مانقدرش نتوقع المستقبل.  

💛نصيحة: كتب هاادوا فشي ورقة ولا ديرهوم فطيلي ديالك ولا فأي بلااصة لي غاادي تقدر تشوفهوم كل نهاار بااش تعقل عليهوم و تخدمهوم. 

🧡 فكر فشي فكرة لي سلبية عندك من هاد النوع و خدم هااد العبارات بااش تبدا تخلص منهاا. 

رااك تقدر تديرهاا 💪

نشوفكوم فبوسط اخر فالسيمانة الجااية.

بيييييس ✌🏻