وااش تتحس بلي خااصك تصلح النااس؟ و دير كلشي بوحدك؟

تتحس شي مراات بلي خااصك تعرف كلشي و تكون عاارف شنو غاادي يوقع بالضبط ولا شي حااجة خاايبة اتوقع؟

يلا كاان هادشي تيطابقك، أيكون بسبب طريقة خااطئة فالتفكير. 

هاد الطريقة ديال اليوم سميتها "Control Fallacy" أي "وهم السيطرة" ولا "مغالطة السيطرة" 

🔵شنو المقصود بيها؟

بإختصاار هي فااش تتحس بلي رااك إماا خااصك تسيطر على كلشي و كلشي مسؤولية ديالك، ولا العكس. 

تتحس بلي رااه نتاا ماعندكش گااع السيطرة على أي حااجة و بلي رااك نتاا ضحية فهاد الحياة. 

و تتحااول أنك تسيطر على جميع الجوانب فكل وضعية. تتعتبر رااسك مسؤول يلا شي حد دار شي حااجة خااطىة، يقدر يكون ولدك، صاحبك، خوك، شي حد لي ماتتعرفوش مزياان. 

مهم أي حااجة تتكون مسؤوليتك. 

و فااش تتفقد السيطرة تتحس بالغضب، الإستياء، و وااحد الشعور بالفشل. 

🔴بااش تعرف رااسك تاديرهاا؟ 

اتعرف رااسك تتفكر بهاد الطريقة فااش الصوت الداخلي لي فرااسك ايقول عباارات بحال:

"خااصني نخليهوم يسمعوا"

"خااصني نخليه يبغي"

"ضروري نخليه يجي فالوقت"

هااد العبارات ديال "خااصني" و "ضروري" و أي عبارة لي من خلالها تاطلب من رااسك أنك تحكم فشي حواايج لي ماعندكش عليهوم السيطرة، ايبينوا ليك هاد طريقة التفكير. 

و حتى فااش تتحس بالفشل و الندم فااش شي حد ماتيديرش شي حااجة لي نتاا بغيتيه يديرها. 

⚫علااش هاادي خاايبة؟

تنظن السبب باين. تا حد ماعندوا القدرة أنه يتحكم فالٱخرين. و يلا كنتي نتاا ماغاادي تكون مرتااح فحيااتك حتى النااس يديرو دااكشي لي بااغي بالطريقة لي بااغي و فالوقت لي بااغي، أتمرض فحيااتك.

⚪كيفااش تخلص من هاد العادة؟

💙كااين واحد الصلاة مشهورة عند المسيح و تتسمى "صلاة السكينة" و لي هي:

"ربي عطيني السكينة باش نتقبل الأمور لي مانقدرش نغير؛ الشجاعة باش نغير الأمور لي نقدر نبدل؛ و الحكمة بااش نعرف الفرق" 

💙صو ديماا سول رااسك وااش هاادشي تحت الإستطاعة ديالي أني نبدلوا ولا لاا. 

💙 و يمكن ليك تخدم هاد العبارات فوق ماتلقى رااسك تتحاول تحكم بشي حااجة خارجة عن الإرادة ديالك. 

♥️هاناا تندييرها عوتااني

♥️النااس مسؤولين على حياتهوم

♥️كل واحد عندو إرادة حرة

♥️شكون أناا بااش نتحكم فالنااس؟

💙و خدم هاد العبارات فاش دمااغك يحااول يقنعك بلي رااك ضحية و ماعندك ماديير بااش تغير حيااتك. 

♥️بارااكة من عقلية الضحية الخااوية

♥️حطيت رااسي فهاد المشكل و نقدر نخرج رااسي منو

♥️انفكر فشنو نقدر ندير؟

♥️أي حااجة تقدر تبدل. 

♥️ماغااديش نخلي دمااغي يقنعني بلي رااني ضعيف 

💛نصيحة: كتب هاادوا فشي ورقة ولا ديرهوم فطيلي ديالك ولا فأي بلااصة لي غاادي تقدر تشوفهوم كل نهاار بااش تعقل عليهوم و تخدمهوم. 

🧡 فكر فشي فكرة لي سلبية عندك من هاد النوع و خدم هااد العبارات بااش تبدا تخلص منهاا. 

رااك تقدر تديرهاا 💪

نشوفكوم فبوسط اخر فالسيمانة الجااية. 

بييييس ✌🏻