تتقاارن رااسك مع النااس بزااف؟ 

فااش تتقاارن رااسك تتحس بلي رااه نتاا قل منهوم و بلي هوما فايتينك؟ و بلي ديماا غاادي يبقااو حسن منك؟ 

يلا كاان فيك هاد العاادة، هااد لبوسط ديال ليوما غاادي يعااونك تخلص من هاد العادة. 

تنقارنوا رااسنا مع بناادم بسبب واحد المغالطة فالتفكير لي سميتها "Personalization" أي "الشخصنة" 

🔵شنو هي هاد "الشخصنة"؟

الشخصنة فهاد الحالة هي فااش تتفترض بلي كلشي عندو علاقة بيك، و تتقاارن رااسك بطريقة سلبية مع النااس الٱخرين. 

جميع الأحداث، جميع الأشخاص، گااع الهضرة يلا جيتي تحللها تتلقى بشي طريقة بلي عندها علاقة بيك. 

🔴بااش تعرف رااسك راك تاديرها؟

فااش تتكون مع مجموعة ديال النااس ديماا تتقارن رااسك مع النااس لوخرين. تتبغي تشوف شكون لي ذكي كتر، شكون لي زويين كتر، تيعرف يلبس كتر، متفوق كتر، عندو شعبية كتر و هي غادة. 

تاتمشي لعند نااس للدار ديالهوم و تتبداا تقاارن داركوم بدارهوم و تشوف شكون لي حسن. 

صااحبك جاالس معااك تيقول فيه لقنط، و نتاا تيصحاابك رااه حشاا ليك لهضرة و بلي نتاا هو السبب لااش جااه القنط. 

كنتي جاالس حدا شي رااجل شاارف و بداا تيقول هاد الجيل نااقص و كداا، غاادي تنوي بلي تايقصدك حتى نتا. 

⚫علااش هاادي خاايبة؟

هاادي خايبة حيت تتخليك ديماا مارااضيش على نفسك. ديماا تتقاارن رااسك مع نااس خرين و ديماا تتلقى لي حسن منك، و ماتتكونش رااضي على رااسك. 

واخاا تقول: أناا غاادي نقاارن رااسي مع نااس لي قل مني و غاادي نكون بخير، هاادي ماتتصدقش. 

حيت الإنساان ديماا غاادي يبغي يولي حسن و يطور رااسو. دااكشي علااش فاللخر اتبدا تشوف حتى لي حسن منك. 

سبب اخور لااش هاادي خاايبة هي تقدر تخليك تداابز مع النااس على أتفه الأمور. هوما غاادي يكونوا تيهضروا عاادي و اتفترض بلي هوما قصدوا شي حااجة عليك و هكا اتبدا تباالغ فرد الفعل ديالك. 

تقدر تبدا تسرع فالتصرفات ديالك. و يلا حسيتي بلي رااك اقل من النااس تقدر تبداا تقوم بشي تصرفات غبية بااش تبين رااسك وااعر، و تصدق جاايبها فرااسك. 

⚪كيفااش تساالي و تهنى من هاادشي؟

💙ديماا شجع رااسك على أنك تأكد من الأمور و ماتفترض واالو.

يلا ظنيتي بلي شي حد حشاا ليك لهضرة، سولوا على القصد ديالو. ماتخليش ديك الفكرة ديال "ااا رااه تيقصدني" تبقى فرااسك. 

💙 و خدم حتى هاد العبارات كيماا ديماا: 

♥️حبس! ماكااينش المقارنات.

♥️كلشي مختلف، كلشي عندو نقط ضعف و نقط القوة. 

♥️حيااتي ماخااصهاش تكون بحاال النااس لوخرين 

♥️ أنا هو أناا، بدون مقارنات

♥️نقدر نوصف رااسي بلا مانقاارن رااسي مع لوخرين

♥️ماتفترض واالو

♥️تأكد عاد حكم

♥️كلشي رااه عاايش حيااتو و مهتم غي برااسو. تا حد ماداايها فييا. 

💛نصيحة: كتب هاادوا فشي ورقة ولا ديرهوم فطيلي ديالك ولا فأي بلااصة لي غاادي تقدر تشوفهوم كل نهاار بااش تعقل عليهوم و تخدمهوم. 

🧡 فكر فشي فكرة لي سلبية عندك من هاد النوع و خدم هااد العبارات بااش تبدا تخلص منهاا. 

رااك تقدر تديرهاا 💪

نشوفكوم فبوسط اخر فالسيمانة الجااية. 

بييييس ✌🏻