تتحس شي مراات بلي أي حااجة درتي ماتتكونش كاافية؟ اي مجهود ولا أي حااجة قمتي بيهاا رااه دييما نااقصة؟ و ديماا تاتطلب من رااسك تكون حسن، شي مراات لدرجة المثالية؟؟

أولا تتحس بلي نتاا برااسك نااقص؟ و مااعندكش قيمة؟

هاد القضية عندها أسباب مختلفة، و من ضمن الأسباب ديالها هو واحد الطريقة خااطئة فالتفكير لي انهضروا عليها ليوما. 

هاد الطريقة سميتها "Polarized Thinking" أي "التفكير المستقطب"

🔵 شنو تنعنييو بيه؟

التفكير المستقطب هو فااش تتفكر بلي الدنياا فيها غي لكحل ولا الأبيض. يعني إماا نتاا شخص مثاالي و مافيك تا عيب، و لا رااك عامر عيوب و ماعندكش قيمة نهائيا. ماتتخليش مجاال للوسط. 

تتحكم على رااسك إماا رااك ملاك ولا شيطان؛ شخص ناجح 100٪ ولا فاشل 100٪؛ ولد النااس مربي ولا ولد النااس مقطر. 

⚫علااش هاادي خايبة؟

هاادي خاايبة حيت تا شي إنساان مايقدر يكون مثاالي و يكون مزياان ديماا. ضروري ماتلقا فأي واحد عيب، صغير ولا كبير، و فااش نتاا تتكون تتفكر بهاد الطريقة، تاتحكم على رااسك بلي رااك مامزياانش من أول و أبسط خطأ تتقوم بيه. 

🔴بااش تعرف راسك تاديرها؟

أتعرف رااسك تاديرها يلا لقيتي دمااغك تيقولك شي هضرة بحاال: أنا إماا غاادي نجح فالبااك ولا غاادي نتشوه و يضحكوا علييا النااس.

وااش نتاا معاناا ولا مع غااناا.

إماا اتدير لييا خاطري ولا ماعندكش معاياا. 

أنا إماا غاادي نجح و نخدم ولا غاادي نبقى بطاالي حياتي كااملة و انكون فااشل. 

هااد الفكرة كانت عندي شحاال هاادي و فااش مانجحتش أول عام فالتعليم، قلت صاافي البطاالة مدى الحيااة 😂😂 و لي شاافني ايحكم علييا بلي رااه فااشل. 

⚪كيفااش تحبس؟ كيفااش تخلص من هاد العاادة؟

♥️بداا تخدم النسب فهضرتك. 

مثلا، بلااصة ماتقول لفيلم كاان فرية. قول لفيلم يستحق 6/10 ولا 4/10. 

المهم هو تعطي واحد النسبة ( و حااول ماتكونش 0/10 🐸) 

اولا، 

الحصة دياال لونغلي مااشي مملة فخطراا. كاانت واحد ربع سااعة لي زويينة. 🐸

و بقاا تقول هاد العبارات فااش تكالي رااسك تتفكر بهاد الطريقة السلبية:

💙غلط

💙تاحااجة ما خاايبة فخطراا

💙خااصني نكون دقيق كتر فالوصف 

💙ماكااينش غي اللون لكحل و البيض فالدنياا، كااين حتى لكحل. 

💙ماتزيدش فيه. 

💙شحال هي النسبة؟ 

💙تا حااجة ما خاايبة ولا زويينة فخطراا 

💛نصيحة: كتب هاادوا فشي ورقة ولا ديرهوم فطيلي ديالك ولا فأي بلااصة لي غاادي تقدر تشوفهوم كل نهاار بااش تعقل عليهوم و تخدمهوم. 

🧡 فكر فشي فكرة لي سلبية عندك من هاد النوع و خدم هااد العبارات بااش تبدا تخلص منهاا. 

رااك تقدر تديرهاا 💪

نشوفكوم فبوسط اخر فالسيمانة الجااية. 

بيييييس ✌🏻