ٱخر حااجة خاصك تعرف بااش تخلص من هاد الطرق الخاطئة فالتفكير. 

أهم مهاارة  لي خااصك تمكن منها هي اليقظة و الحذر. 

خااصك ديماا تسمع لشنو دمااغك تيقولك، و ماخااصكش تستسلم لديك لهضرة لي تيقولك و تخليها تصيبك بالإحباط، القلق، الإكتئاب، و لا أي مشكل نفسااني. 

خااصك تبقى تحلل الأفكاار لي تتجي فرااسك و ترفض انها تحكم فيك. 

عاارف بلي هاادشي لي تنقولوا سااهل تقولوا، و لكن صعيب أنه يتطبق. و ماتنتوقعش أنه أي وااحد يدير هادشي و يجيه سااهل من لمرة لولة. 

هاادشي خاصك تقرااه و تعاودوا و تلتزم أنك تخدموا بإستمرار فحياتك، حتى يولي جزء منك. و غاادي نتعمقوا كتر مع المدة. 

لي خااصك تعرف هو فااش تتبغي تحارب الأفكار ديالك لي تتأدي بك للإكتئاب، القلق، تدني الثقة بالذات، الغضب و دااكشي كاامل، غاادي تحس بواحد عدم الإرتياح فلول.

حيت حياتك كاملة و نتاا تتقبل دوك الأفكار غادي تكون ولفتيها نوعا ما. صو داباا فااش غادي تبدا تخلص من دوك الأفكار، غاادي تحس بواحد النوع ديال عدم الإرتياح فالمدى القصير. 

و لكن خاصك تصبر، حيت هاد عدم الإرتياح فالمدى القصير هو لي غاادي يأدي لراحتك النفسية على المدى البعيد. 

شي مراات غاادي تحس بالخوف، بالقنط، شي مراات أتحس بلي راه هادشي كاامل غي تخربيق. 

و دمااغك غاادي يحااول يقنعك بلي هادشي كولوا ماغااديش يصدق، و بلي هي تاضيع وقتك.

فااش دمااغك يحاول يقنعك بهادشي عرف بلي رااك تتقرب من التخلص منو. 

غي صبر و التزم بهادشي. التزم بأنك تبقى ديماا منتبه للأفكار و الخطاب ديال دماغك. هاد الإلتزام من طرفك مهم كتر من أي حاجة فحياتك: عائلتك، صحابك، خدمتك، حيت هو إلتزام لي فيه مصلحتك.

بااش نسهل عليكوم أنكم تقرااو هاد لبوسطات مرة ثانية، جمعتهوم كاملين فكتيب PDF. 

دخلوا طيليشاارجيوه من هنااياا 👇👇 

https://drive.google.com/كيفاش تحرر عقلك من الأفكار السلبية - بالدارجة

و شااركوه مع أي واحد فحيااتكوم

بيييييي و نتلاقااو فسلسلة أخرى إن شاء الله 💪💪