شحال من مرة خليتي المشااعر ديالك تحكموا فيك؟ كنتي غضباان يمكن ولا خايف، و بسبب داك الخوف ولا غضب لي كان فيك، بدااو تيجيوك أفكاار فشكل و تيقتيهوم. 

مابقيتيش قاادر تفكر بشكل عقلاني. و من بعد فااش تفكرتي رااسك، تناادم معاك الحاال، حيت خليتي المشااعر ديالك يتحكموا فيك ... عوتااني!! 

كلناا درناا و تنديروا هاد القضية و ليوما غاادي نهضروا على كيفااش تعاامل معاهاا!

هاد لحاجة لي تتوقع لينا سميتها "Emotional reasoning" و تتعني "المنطق العاطفي" ولا "التفكير العاطفي"

🔵شنو تيعني "التفكير العاطفي"؟

التفكير العاطفي هو فااش تتفترض أن الأمور رااه كيما تتحس بيها. و تتخلي العواطف ديالك يتحكموا فيك. 

مثلاا، تتحس بلي مافيك فاايدة و تتقول أنا ماافيا فائدة و غي زاايد على المجتمع. 

تتحس بلي رااك خاايب و تتقول رااني خاايب و تا حد مايبغيني، و تتنوض للمرااية بااش تأكد و تيبانو ليك غي لحبوب و ضراابي لي فوجهك. 

تتحس بلي رااه ماعندك قيمة، و تتقول مع رااسك ماعندي قيمة و تتفكر جميع الأوقات لي يقدروا يكونو تيدلوا على هاد القضية. 

بإختصاار تنخليو العواطف يتحكموا فينا و تنمشيو معاهوم. 

🔴بااش تعرف راسك تاديرها؟

اتعرف راسك تاديرها يلا كنتي تتعتمد غي على بااش تتحس و ماتتحاولش تأكد وااش داكشي لي تتحس بيه بصح ولا لاا. 

⚫علااش هاادي خاايبة؟

هاادي خاايبة حيت المشااعر ديالناا مااشي شي حااجة لي غاادي نعتمدوا عليهوم بنسبة 100٪.

يقدر شي حاجة بسيطة تقلقك ولا تصعرك ولا تخليك تحس بالخوف. يلا فديك اللحظة سمحتي للمشااعر ديالك أنهم يكونوا متحكمين فالتفكير ديالك، غاادي ترتكب بزااف ديال الأخطاء ديك السااعة.

و ديماا أتكون تحت الرحمة ديال أي حااجة لي تقدر تقلقك. 

⚪كيفااش تخلص من هاد القضية؟

💙ديماا دفع رااسك أنك تأكد من الحقائق و ماتخليش العواطف ديالك يتحكموا فيك. 

💙بحث على الأفكار لي تادور فراسك و شوف واش منطقية. دوك الأفكار هوما لي تينتجوا هاد العواطف. تأكد بعداا واش منطقيين ولا لاا. 

💙 و خدم هاد العبارات باش تسكت الصوت الداخلي لي فيك فهاد اللحظات: 

♥️كدوب. المشااعر ديالي تيكدبوا علييا. 

♥️ماتيقش فالمشااعر المفاجئة. 

♥️شنو وقع لي يستحق أني نغضب من أجلوا؟

♥️شنو لحااجة لي خلااتني نحس هكاا؟

💛نصيحة: كتب هاادوا فشي ورقة ولا ديرهوم فطيلي ديالك ولا فأي بلااصة لي غاادي تقدر تشوفهوم كل نهاار بااش تعقل عليهوم و تخدمهوم. 

🧡 فكر فشي فكرة لي سلبية عندك من هاد النوع و خدم هااد العبارات بااش تبدا تخلص منهاا. 

رااك تقدر تديرهاا 💪

هذاا ٱخر بوسط فهاد السلسلة ديال التشوهات المعرفية. لبوسط لي جااي، انهضروا على شنو ٱخر حااجة تقدروا ديروا من داباا للقدام بااش تخلصوا من هاد المشااكل.  

بييييس ✌🏻