تيقولوا ليك صحاابك شي مراات بلي رااك تتزيد فيه؟ 

تتباالغ؟ تادير من الحبة قبة؟

كلناا تنديروا هكاا شي مراات، و شي مراات تنديروا العكس. 

ماتنسوقوش و ماتنعطيوش للحاجة قيمتها الكاافية.

و هااد الطريقة الخاطئة فالتفكير هي علايااش غاادي نهضروا ليوما.

🔵شنو هي هاد الطريقة؟

هاد المرة جمعناا 2 لي قرابين و تيتشاابهوا. 

عدناا "Magnification" أي "التضخيم" فااش تتعطي للأمور كتر من قيمتها، ولا "Minimization" أي "التقليل" فااش ماتتعطيش لأمر قيمتوا الكافية.

مثلاا، فااش تتسقط فإمتحان و تتقول صاافي حياتي سالات و لا كبتها ولا تتصدم فااش تتشوف النقطة دياالك.

أو العكس، عندك إمتحان و لكن عواال ترااجع حتى الليلة بليلتها. 

ولا فااش تادير شي خطأ و تتخااف و تقول كلشي ايضحك علييا. شنو ايقولوا علييا النااس داباا. انتشوه قدام صحاابي و عائلتي. 

ولا العكس، فااش شي حد يشكرك و يبغي يتباها بيك، اتقول عاادي كلشي يقدر يدير هاد لحااجة لي درت اناا. مااشي مهمة. 

🔴بااش تعرف رااسك تاديرهاا؟

أولا، غاادي تكون تتسمع من صحاابك و النااس لقرابين ليك بلي رااك تتباالغ شي مراات، و شي مراات تتكون لحااجة مهمة و ماتتعطيهااش قيمتها. 

لحااجة الثاانية لي تنتاابه ليها هي غاالباا أنك تتشوف لحااجة الزويينة و تتنقص من قيمتها، أولاا تتشوف حااجة صغيرة خاايبة و تتعطيها أهمية كبيرة و تتباان ليك بلي رااه غاادي تأثر على حيااتك كااملة. 

⚫علااش هاادي خاايبة؟

هاادي خاايبة حيت يلا ماعطيتش للأمور لي تتوقع فحيااتك قيمتها المنااسبة، ماغااديش تعرف تعاامل معاهاا. 

تيخصك تحكم بواحد الشكل موضوعي على حيااتك و عاد من بعد أتعرف كيفااش تصرف. بدون واحد الحكم موضوعي تتكون بحاال شي شخص أعمى لي تيحااول يقلب على طريق ديالو. 

فغاالب الأوقات ماغااديش تلقاهاا. 

⚪شنو الحل؟

💙أولا، خااصك تكتب إيجابياات و سلبيات كل حاجة وقعاات ليك. و من بعد قاارن السلبيات و الإيجابيات باش تعرف شكون لي كثر و تعرف واش هاد لحااجة تستحق أنك تباالغ فقيمتها ولا لا. 

💙ثاانياا، تقدر تسول صحاابك على الرأي ديالهوم. حيت هاد لحاجة لي وقعات ليك ماغااديش تكون تتقيصهوم هوماا، غاادي يقدروا يفكروا فحل بلا مايخليو العواطف ديالهوم يأثروا عليك. 

💙حااجة خرى لي تقدر تدير هي تسول رااسك وااش اتهمك هاد القضية من داباا 5 سنين ولا لا. يلا كاان الجوااب لاا، يعني ماكااين لااش تحمق رااسك بيهاا. 

💙 و تفكر واش هاد لحاجة وقعات من قبل و ووااش بصح كان عندها قيمة كبيرة ولا واالو. تفكر تجااربك الساابقة و هوماا غاادي يعاونوك تحكم. 

💙 و خدم حتى هاد العبارات

♥️علااش انحمق رااسي مع هاد القضية

♥️كيفااش نتعاامل مع هاد المشكل و نحلوا

♥️تا حااجة ما مصيرية فهاد الحيااة

♥️يمكن لييا مانباالغش فرد فعلي 

💛نصيحة: كتب هاادوا فشي ورقة ولا ديرهوم فطيلي ديالك ولا فأي بلااصة لي غاادي تقدر تشوفهوم كل نهاار بااش تعقل عليهوم و تخدمهوم. 

🧡 فكر فشي فكرة لي سلبية عندك من هاد النوع و خدم هااد العبارات بااش تبدا تخلص منهاا. 

رااك تقدر تديرهاا 💪

نشوفكوم فبوسط اخر فالسيمانة الجااية. 

بييييس ✌🏻