تتهضر مع رااسك شي مراات بهاد الطريقة؟

خااصني نكون خدمت داباا ... خااصني نكون تزوجت فهاد الوقت ... خااص تكون عندي الداار و الطونوبيل ...

خااصني نرقااق ولا خااصني نغلااض 

خااصني نكون وصلت لدااكشي لي بااغي فهاد الوقت

يلا الجوااب ااه، اتكون بسبب واحد الطريقة جديدة خاطئة فالتفكير. 

هاد الطريقة سميتها "Should Statements" و تتعني بالعربية "عبارات المفروض" و عندها سمياات خرى كذلك.

مهم ندوزوا لشنو تنقصدوا بيها.

🔵شنو هي هاد "عبارات المفروض" ؟

المقصود بيها هو فااش تتبدا تنتقد رااسك و شي مراات حتى النااس لوخرين، بهاد العبارات دياال خااصني نكون درت واحد لحااجة، ولا خااص النااس لوخرين يتعاموا معايا بواحد الطريقة. 

⚫علااش هاادي خاايبة؟

هاادي خاايبة و تاضر ثقتك بنفسك حيت ديماا تتقاارن رااسك بشي حااجة لي بعيدة عليك، اولا تقدر تكون قريبة ليك غي نتاا مزاال ماحققتيها.

بزااف ديال النااس تيهضروا مع راسهوم بهاد الطريقة بااش يموتيڤيو راسهوم و يخدموا مزياان، و لكن فالحقيقة رااه تيخلقوا الضغط على راسهوم. 

و فاللخر تيصدقوا طيحوت لمورال لراسهوم، و داك لموتيڤاسيون ديال لخدمة تيرجع ليهوم بإحباط.

و فااش تتكون نتاا تتقول بلي النااس لوخرين خاصهوم يديروا واحد لحااجة، عوتااني تتمرض راسك حيت مايمكنش ليك تخلي النااس يديرو لي بغيتي ديما بإستمرار.

و من فوق هادشي، تتخصر علاقتك بالناس. تتقول راه خاصهوم يديروا هادشي، و حيت ماداروهش يعني ماتيبغيونيش ولا ماتيحتارمونيش. 

🔴بااش تعرف رااسك تاديرها؟

هاادي أسهل وحدة فنظري لي تلااحظ حيت باينة غي من خلال ديك الكلمة ديال خااصني ... ولا خااصوا. 

⚪شنو الحل بااش تخلص منهاا؟ 

💙 الحل هو تسول رااسك شنو ندير باش نوصل لداكشي لي بااغي.

💙مثلا، يلا تتقول لرااسك خااصني نكون درت أسرة قبل مانوصل ل 30 عام.

💙دير لائحة بالأمور لي ضرورية -بالنسبة ليك نتاا، مااشي بالنسبة للمجتمع- بااش تكون أسرة.

💙من بعد مادير هاد اللائحة، شوف شنو هي أسهل خطوة لي تقدر تدير باش تحقق داك الهدف ديالك.

💙ويلا ماعرفتيش أسهل خطوة، سول شي واحد و خود الرأي ديالوا.

💙المهم هو أنك تااخد واحد الخطوة فإتجاه داكشي لي بااغي تدير، حسن ماتبقاا تتقول غي خااصني ندير، خااصني كداا. و تبقا فبلااصتك.

💙ويلا كنتي تتقول بلي النااس لي خاصهوم يديروا شي حوايج لي نتا بااغي.

💙ديك السااعة هضر مع النااس و وضح ليهوم داكشي لي متوقعهوم يديروه. و قوليهوم علااش و كون منطقي.

💙ماتوقعش أن النااس غاادي يديروا أي حااجة بغيتي، غا حيت قلتيها ليهوم.

💙و فالأخير خدم هاد العبارات فااش تلاحظ رااسك تتفكر بنفس الطريقة: 

♥️ بشكون تنقاارن رااسي 

♥️ شكون لي دار هاد لقاعدة

♥️ علااش نتبع النااس

♥️ماخاصني ندير تا حااجة 

♥️النااس ماشي مفروض عليهوم يعيشوا كيف ما أناا بااغي 

♥️كل إنساان حر فحيااتوا 

💛نصيحة: كتب هاادوا فشي ورقة ولا ديرهوم فطيلي ديالك ولا فأي بلااصة لي غاادي تقدر تشوفهوم كل نهاار بااش تعقل عليهوم و تخدمهوم. 

🧡 فكر فشي فكرة لي سلبية عندك من هاد النوع و خدم هااد العبارات بااش تبدا تخلص منهاا. 

رااك تقدر تديرهاا 💪

نشوفكوم فبوسط اخر فالسيمانة الجااية. 

بييييس ✌🏻