كيفااش دمااغك تيعرف بلي رااه خااصوا يكون سعيد؟ 

ولا غضباان؟ ولا تاايق فرااسو؟ ولا خاايف؟

كيفااش لعقل دياالناا تيعرف و تينتج دوك المشااعر؟

الجواب هو "الشروط لي حناا دايرين لرااسناا. 

هاادشي لي غاادي نهضروا عليه تيشبه للبوسطات ديال ٱخر مرة، و لكن فنفس الوقت زايدين نغزة. 

شحاال هاادي يلا سولتيني شنو خااص يوقع بااش نكون سعيد، كنت غاادي نقولك: "خااصني نكون إنساان لي مثالي، ماندير تا شي خطأ، النااس كاملين يبغيوني، و يكون كلشي فحيااتي مزياان"

و هااد لفكرة، أولا نقولوا هاد الشرط لي كنت دااير لرااسي، كاان معدبني فحيااتي. 

علااش؟

تنظن لجوااب وااضح، و لكن نتعمقوا فيه كتر. 

كلناا عدناا شروط لي خااصها تحقق بااش نحسوا بأي شعور؛ فهاد الحالة غادي نهضروا على السعادة. 

و لكن شي مراات تيكون الشرط لي عدناا صعيب و مامساعدناش أن حناا نشعروا بالسعادة. و تيكو فيه بزااف ديال العيوب، مثلا:

1️⃣تيكون الشرط خاارج على السيطرة ديالنا. 

فالمثال لي أنا عطيت، بااش نكون سعيد كاان خااص النااس كاملين يبغيوني بااش عاد نكون سعيد. 

هناا المشكل فين كااين؟ 

المشكل هو هادشي خاارج على السيطرة ديالي. مانقدرش نخلي النااس كاملين يبغيوني بغض النظر على شنو ندير. بالخصوص فااش تيكون فيك شوييا ديال التنمر و القميع (البريئ) تتصعاب هاد القضية. 

2️⃣ العيب الثاني هو الشرط تيكون مستحيل يتحقق. 

فحالتي أنا كان الشرط خارج على الإرادة ديالي + أنه مستحيل يتحقق. مستحيل نخلي الناس كاملين يبغيوني. 

مثال ٱخور هو يلا شي حد قالك بااش يكون سعيد، خااصو لفلوس يجيوه و هو غي جالس. 

تا هادي مستحيلة و تتسبب عائق للشخص أنه يكون سعيد. 

3️⃣العيب الثالت هو الشرط تيكون محدود. 

لي تنقصد بمحدود هو أنه تيعطيك فرص قليلة باش تكون سعيد، و فرص كثيرة باش تكون حزين. 

فالمثال ديالي، كان عندي حالة وحدة لي نقدر نكون فيها سعيد ( كلشي يبغيني + ماندير تا خطا + الظروف ديال حياتي يكونو ديما مزيانين + نكون إنساان مثالي فجميع الجوانب ديالي) 

رااه النسبة دياال هادشي كاامل بااش يوقع منعدمة. صعبت على رااسي بزااف أني نكون سعيد. 

و فالمقابل، كنت يلاا درت خطأ واحد تنكره رااسي. كان عندي مشكل بسيط، ولا شي حااجة لي صغيرة أناا تنردهاا مشكل فدمااغي، و تنمرض. شي حااجة فحيااتي لي خاارجة على الإرادة ديالي، وقعاات بشكل لي أنا مارااضيش عليه. ماتنحملش رااسي. 

كيماا قلت من قبل: كانت نسبة ضعيفة بزاف أني نكون سعيد، و فرص كثيرة لي تخليني حزين. 

و أي وااحد لي عندو شروط فحياتو ديال السعادة، الثقة بالنفس، الراحة النفسية، القبول، و الحب، و أي شعور إيجابي لي بااغي يحقق ... 

أي وااحد لي عندو شروط مامساعدينوش غاادي يعاني فحيااتو. 

الحل إذن هو تخلص من هاد الشروط و تبدلهوم بشروط لي حسن. 

كيفااش أدير لهاا؟ 

ايخصكوم تسااينوا لنهاار السبت إن شاء الله بااش تعرفوا. 

أماا داباا، غاادي نسااليو هاد لبوسط، و قبل ماتمشيو، كتبوا القواعد ديالكوم للسعادة ( و حتى شي شعور اخور يلا بغيتو ) و غاادي نكملوا لخدمة فلبوسط الجااي. 

بااش تعرف الشروط ديالك للسعادة، سول رااسك: 

🔵شنو خااص يوقع بااش نحس رااسي سعيد/تاايق فرااسي/ قوي/ محبوب...؟

خدموا التمرين ديالكوم، و نشوفكوم فلبوسط الجااي نهاار السبت 💪

بييييس 🐸✌️