كيفااش تبني حيااة مليئة بالفرح و السعادة
عمرك كنتي سعيد بزاااف فشي وقت فحيااتك؟
سعيد لدرجة أي وااحد يطلب منك شي حااجة تقبل؟ سعيد لدرجة أنه تتنسى وااش عمرك كنتي حزين ولا غضباان من قبل؟ سعيد لدرجة ماكرهتيش توقف الحياة فديك اللحظة؟
سعيد لدرجة ماقدرتيش تعبر؟
قبل ماتكمل هاد لبوسط داباا، تفكر شي وقت لي كنتي سعيد فييه بزااف و ماتكملش لقرااية حتى تسترجع دوك الذكريات و داك الشعور!
صاافي!؟
ويلا كنتي مزاال مادرتيها و غي تتقراا و صاافي باش دوز دغياا، رجع و حس بدااك الشعور.
غمض عينيك و تفكر شي نهاار كنتي سعيد، ويلا قلتي مع رااسك داباا "أنا عمري ماكنت سعيد" إوا اسيدي ولا لالة، هي تخاايلوا رااسكوم عايشيين فشي خياال، فشي بلااصة، فشي وقت، مع شي شخص معين و حسوا بالسعاادة لي أتحسوا بيها فداك الموقف.
شعوور زوييين ... يااكوا 😃🐸
السعاادة هي بالنسبة لييا أنا الهدف الأسمى من أي حااجة الإنساان تيقوم بيها و أهم حااجة فالوجود.
حسييت بالسعاادة فأوقات مختلفة، بحاال:
فااش نجحت فالساادس الإبتدائي 🤣🤣
و فااش نجحت فالإعدادي ( كان جا عندي صاحبي للدار و قاليا نجحتي فالتاسعة و مشيت تنجري للإعدادي باش نشوف وااش بالصح انطلع لليسي و نقراا مع نااس لي كبارين فعقلهوم ) 🐸
فرحت فالسيزيام فاش جبت نقطة زوينة فالجهوي و حتى فالباك
فااش شريت تيليفون و حواايج باول خدمة
فرحت فاش شديت الإجازة و فاش توظفت
فرحت فااش وليت تنعااون مالين الداار من النااحية المادية
فرحت فااش عرفت نااس لي طووب و عشت مغامرات لي فشكل
السعاادة وااحد لحااجة لي زويينة بزااف 😍😍💓
و لكن مااشي كلشي تيكون سعيد.
و الأسباب تتختلف طبعا:
كااين لي ماتيقدرش يكون سعيد بسبب ظروف و مشاكل لي تتخلي الواقع ديالو بعيد كل البعد على الأحلام ديالو،
كااين لي ماعاارفش كيفااش يكون سعيد،
و كااين واحد النوع ديال البشر لي تيعتقد بأنه شحاال ماكنتي واعي و قااري، شحال ماغاادي تكون تعيس فالحياة، و تيفضلوا أنهم يبانوا عميقين و مثقفين و واعيين، على أنهم يكونوا سعيدين فالحيااة.
و لكن أنا بكل تواضع جااي بااش نبين بلي هاادشي كولوا رااه غلط، و جااي نوريكوم كيفااش تكونوا سعداء فحياتكوم.
و مااشي سعداء فااش الحياة تولي مثالية و تحققوا الأهداف ديالكوم، و لكن سعداء فهاد اللحظة بغض النظر على شنو يكون طااري فحياتكوم.
كنت شااركت معاكوم قصتي فالكتيب لخر لي صايبت "كيفاش تحرر عقلك من الأفكار السلبية ... بالدارجة"، و ذكرت بزااف ديال الأمور لخايبة لي وقعات لييا.
لي ماذكرتش هو أنه من بعد ماتغلبت على جميع المشاكل النفسية ديالي، بقاو عندي مشااكل خارجية: كنت مزاال ماخدام مع الدولة، تندفع للمدارس الحرة و ماتيعيطوش ليا، لبيزنيس لي كنت بديت كان حاابس، و كنت بعيد كل البعد على الحياة لي نستحق نعيشها.
و لكن أقسم بالله يلا كنت سعيييد 💓💓 كاانوا تيوقعوا شي أمور خاايبة و تنمشي نعااود للأصدقاء و الصديقات بالخصوص، و نقولهوم "ها شنو وقع و ها شنو وقع، و لكن واخا هكااك، أناا فرحاان و سعييد"
و هاادشي هو لي بغيت ليكوم و هادشي هو لي غادي نحققوا مجموعين فهاد الأشهر الجااية.
كل مرة غاادي نشاارك معاكوم كيفااش تحققوا سعادة داخلية و طمأنينة فحياتكوم بغض النظر على شنو يكون وااقع.
ماغااديش نتسنااو الحيااة تكون مثالية بااش نكونوا سعداء، غاادي نكونوا سعداء داباا.
گااع النااس لي تنعرف (عائلة، الأصدقاء الأوفياء، النااس لي خدامين معايا، التلاميذ دياولي لي ماتيعصرونيش فخطراا، و أي وااحد فهاد الدنيا لي تلاقا بييا ) تيستحقوا السعادة.
و نتاا لي تتقرا -كنتي تتعرفني ولا لا- تتسحتق(ي) تكون(ي) سعيد فحيااتك.
ويلا وااجد بااش تحقق هاد السعاادة، بغيت منك حااجة وحدة: جاوبني على سؤال واحد داباا.
*شنو مانعك من أنك تكون سعيد؟ و شنو خاصك باش تكون سعيد فحياتك؟*
جااوب على هاد السؤال إماا فالتعاليق ولا فالخااص، و تسنى كل سيمانة معلومة جديدة - مرة بسيطة؛ مرة عميقة - لي اتخليك تبستم كيماا أناا مبتسم و ضااحك داباا.
هاادي لبدااية، و مزاال نشوفكوم فالسيماانة الجااية.
بييييس ✌️
