شنو هي أسهل و أسرع طريقة لي تقدر تدير بااش تغير باش تتحس، تيق فرااسك و تولي سعيد داباا؟

قبل مانقولكوم هاد الطريقة انعااود ليكوم قصة لي اتوصل لييكوم هاد الطريقة. 

مزاال عااقل على النهاار لي عرفت رااسي جبت نقطة مزياانة فالجهوي بحاال يلا كاان غي لباارح. 

كان واحد دري قاليا بلي راه سول الإدارة على النقطة ديالي و قالو ليه بلي جبتو 13.64 فالمراقبة و 12 فالجهوي. و فااش قالها لييا فرحت بزااف حيت رااه 12 فالجهوي تتعني غاادي نقرا لبااك و أنا مرتااح. 

مهم مشيت لعند مالين الداار مع ديك 6 ديال لعشية و مزاال عااقل طاالع فالدروج و أنا تنقز و فرحاان، يدي طاايراا فالسماا، تنقز 2 درجات فدقة وحدة، ضحكة فوجهي، و كتاافي مهزوزين، و طاالع للداار و تاايق فرااسي. 

قلتهاا لمالين الداار و فرحوا. و داازت عشية زويينة.  

من بعد مع ديك 9 ديال الليل، عااد خدم لييا مساار. و دخلت ليه بااش نتأكد من النقطة لي قاليا الدري؛ خفت لا ديك لفرحة كااملة ترجع بالصدمة. 

حمد لله فااش حليت مساار، ديك الفرحة مارجعاتش صدمة. رجعاات فرحة مضوبلة. حيت لقيت راسي جبت 13.64 فالجهوي، و ديك 12 جبتهاا فالقسم. 

مهم، مشيت عوتاني للدار، و عوتاني فرحان للمرة الثانية و تنغوت و أنا طاالع، و يدي طايرين فالسماا كتر من لمرة لولة، و ضااحك من لودن للودن، و تنقز 3 ديال الدرجات هاد لمرة فدقة وحدة. 

عوتااني جلست مع مالين الدار و دازت ليلة زويينة و كاان كلشي فرحاان. 

مهم هاادشي كاامل لااش تنعااودو ليكوم؟ 

مااشي بااش نتفشخر و نقوليكوم رااني جبت نقطة واعرة و لكن بااش نبين ليكوم هاد الطريقة ديال السعادة. 

عمرك شتي شي واحد لي فرحاان؟ كيفااش كان الجسد ديالو؟ غالباا كان بحاالي: كتاافوا طالعين، يديه فالسماا، ضااحك فوجهو، تيتنفس نفس عميق. 

بإختصاار تتباان الفرحة فيينا. فااش تيكون الإنساان فرحاان، هادشي تيغير الطريقة لي تيحرك الجسم ديالو بيها. و تنظن هاادشي كولشي عارفوا. ( العقل تيأثر على الجسم )

و لكن لي قليل ديال النااس عارفينو هو أنه يمكن ليك تحرك الجسد ديالك و تقلد النااس لي فرحانين و نتاا أتحس بنفس الشعور ديالهوم. ( الجسم هنا أيأثر على العقل) 

أتحرك الجسد ديالك بواحد الطريقة معينة و دماغك غاادي يبدل الشعور ديالك. 

جربوها داباا: - قراا هادشي مزياان و عقل علييه و حط طيلي و نوض ديرو - 

نوض وقف داباا، و وقف مقااد. من بعد قااد كتاافك و طلعهوم مزياان. بتااسم مزيان و ضحك. هز يديك للسماا. تفكر رااسك فااش كنتي فرحاان، تفكر كيفاش الجسد دياالك كاان، و عااود حركوا بنفس ديك الطريقة. نقز گااع و نتاا مبتسم و بقاا دااير هكاا لوااحد 2 دقاايق، و من بعد نتاابه لكيفااش تتحس. 

أتلقاا رااسك وليتي تتحس بالسعاادة و مرتااح. 

و هاادي هي أسهل طريقة بااش تحس بالسعاادة و غادي نتعمقوا فيها كتر لمرة الجااية. 

أماا داباا لي ديرو هو رجع و حرك الجسد دياالك بنفس الطريقة لي عاد وصفناا لمدة 2 ولا 3 دقاايق. ويلا بغيتي كتر علااش لاا. 

و هكاا أتكونوا بديتو فأنكم تحكموا فالسعادة ديالكوم. 

أنشوفكوم السبت الجااي فبوسط اخور على كيفااش تكون سعيد داباا و فأي وقت فحياتكوم. 

بييييييس 🐸✌️