علااش خااصنا نقرااو الفقه؟

السلام عليكم! 

قلنا فلبوسط لي سبق بلي غاادي نهضروا على الفقه، و لكن شنو أنستافدوا منو؟

أولا، المقصود بالفقه هو معرفة أمور الدين. 

و الفقه هو من أحسن الأعمال لي يقوم بيها المسلم و هي إشارة الخير حيت النبي صلى الله عليه و سلم قال: «من يرد الله به خيرا يفقهه في الدين» و السبب هو أن معرفة أمور الدين هي الأساس لي تيتبنى عليه العمل الصالح. 

ماغاديش تقوم بعمل صالح يلا ماكنتيش عارف شنو هو هاد العمل بعداا و كيفااش تقوم بيه. 

و طلب العلم فريضة علينا. قال الله تعالى فسورة طه، الٱية 144: « و قل ربي زدني علما».  و قال النبي صلى الله عليه و سلم 🔴 «طلب العلم فريضة على كل مسلم». و النبي وصف العلماء أنهم هوماا "ورثة الأنبياء" و وصف المجالس لي تيتذكر فيها الله و تينااقش فيها الواحد العلم النافع ب "رياض الجنة". 

غي هو خااصنا نذكروا و نشيروا لواحد القضية بااش مانتقولبوش. كلنا عارفين سورة الفاتحة و عارفين الٱية لي تتقول «إهدنا الصراط المستقيم (6) صراط الذين أنعمت عليهم غير المغضوب عليهم ولا الضالين(7)»

1️⃣أصحاب الصراط المستقيم هوما النااس لي خدااو العلم الناافع و عملوا بيه. زعماا طبقوه. 

2️⃣المغضوب عليهم هوما أي نااس لي تعلموا العلم، زعماا عارفين شنو خاصهوم يديرو، و لكن متكبرين و مابغااوش يطبقوا داكشي لي تعلموا و عارفين خاصهوم يديروه، و على رأسهم اليهود. 

3️⃣الضالين هوما النااس لي باغيين يديروا شي عمل، و لكن ماتيقرااوش بعداا و يبحثوا على العلم. تيعملوا بدون علم، و العمل ديالهوم تيكون غاالط. و على رأسهم النصارى. 

🔵واخاا هاد الصفات ديال اليهود و النصارى بدرجة أولى، رااه تتنطبق على أي واحد لي فيه هاد لخصاايل ديالهوم، و لو يكون مسلم. 

⚪و هاد العلم الصاالح تيجي من القرٱن و السنة و كتب العلماء الكبار فالدين لي تيوصلوا لينا المعلومات. 

و لي خااصنا نديرو حناا هو نبحثوا فهاد الكتب بااش و نتعلموا الأمور لي غادي تنفعنا فالصلاة، الصوم، الزكاة، الحج، و المعاملات بااش نكونوا من أهل الصراط المستقيم بإذن الله. 

خاتمة: 

قال الله تعالى فسورة الزمر، الٱية 9: «قل هل يستوي الذين يعلمون و الذين لا يعلمون إنما يتذكر أولوا الألباب». 

هاد الٱية و غيرها فالقرٱن تتبين أهمية العلم و بلي رااه تيرفع و تيميز العلماء على غيرهم من الناس. حيت بدون علم، ماغاديش يكون عمل صالح؛ بدون علم النااس تاطيح فالبدع؛ بدون علم ماتتقدرش تدافع على الدين ديالك؛ بدون علم ماتتقدرش تنصح الناس؛ بدون علم ماغاديش نعرفوا الصراط المستقيم، و بدون هاد الصراط غادي نكونوا فشلنا فحيااتنا أكبر فشل. 

و مانبغيش هاد الفشل لييا ولا ليكوم. 

غداا ان شاء الله انبدااو فأحكام الطهارة بإذن الله. 

بييييييس ✌️🐸