هضرنا من قبل على الطهارة و الوضوء و داباا غاادي نختموا هاد لبااب هذاا بالحديث على الطهارة من الحدث الأكبر، و المقصود بالحدث الأكبر هو: الجنابة، 

1️⃣إمتا تيكون الغسل وااجب؟ 

🔵تيكون وااجب فهاد الحالات: يلا كاان الشخص على جنابة. 

قال الله تعالى فسورة المائدة، الٱية 6: «و إن كنتم جنبا فاطهروا» 

يلا كان الشخص كاافر و دخل للإسلام، بعد وفاة الشخص، و فحالة الحيض و النفاس. 

2️⃣كيفااش تيكون هاد الغسل؟

🔵المرااحل هوماا هاادو: النية بالقلب؛ تسمية الله و غسل اليدين 3 مرات مع غسل الفرج؛ و يكب المااء على رااسو 3 مرات. 

و الوااجب على الشخص انه يتأكد من أن المااء يوصلو للجسم ديالو كاامل، و يلا كان لاابس سااعة ولا خاتم، يحيدهوم ولا على الاقل يكحزهوم بااش يوصل المااء لدوك لبلاايص.  

3️⃣يلا ماكاانش المااء متوفر؟ 

🔵فهاد الحالة الإنسان تيخصوا يتيمم. التيمم داايز فهاد الحالات:

يلا ماكاانش المااء فخطراا؛ كاان و لكن قليل و يالاه يكفي للشرب و طيااب و إستخدامات أخرى لي أسااسية؛ كااين و لكن الشخص مريض و يقدر المااء يضروا فصحتو، و دااخل فهاد الحاالة حتى يلاا كاان البرد بزااف و الإنساان مالقااش كي يسخن المااء؛ ولا اصلا مايقدرش ينوض و يتوضاا وضوء كامل بالمااء ولا يغسل بيه. 

4️⃣كيفااش تيكون التيمم؟ 

طريقة التيمم هي: تاضرب تيمومة بديك و تيكون صبعانك مباعدين؛ من بعد، تتمسح وجه؛ تتمسح كفين يديك مع بعضهوم؛     و تأكد بأن هاد المسح يكون دااخل فيه وجهك و يديك كامليين. 

🔴للإشارة: التيمم داايز فقط يلا كانوا دوك الشروط حاضرة، و يلا ماكاانوش التيمم ماداايزش. 

5️⃣معلومات عن الحيض و النفاس!

أغلبية المعلومات لي مذكورة فلكتااب معروفة على هاد الموضوع. مثلا: 

🔵المسائل لي ممنوعة منها المرأة ففترة الحيض و النفاس هي: الصلاة، و الصوم و الطواف. 

كااين إختلاف فمسألة القرٱن: بعض العلماء تيقولوا بأن حتى قراءة القرٱن ماخاصهااش تكون فخطرا، و لكن الغاالب هو أن رااه عادي تقرا القرٱن من تيليفون، ولا كتب التفاسير، و لا من داكشي لي حاافظة. 

و الأغلبية متفقة على أن المرأة ماتقيسش المصحف فديك الفترة، و يلا كانت ضرورة ملحة أنها تهز المصحف، خااص يكون شي حاائل ( زعماا شي ماانع ) بينها و بين المصحف. 

🔵بالنسبة للطهارة: يلا طهراات الحاائض أو النفساء قبل غروب الشمس، كاان خاصهاا تصلي الظهر و العصر ديال داك النهاار. 

و يلا غسلاات قبل من الفجر، كاان وااجب عليها تصلي المغرب و العشاء فديك الليلة. 

صوو، هاادي خلااصة على بعض الأحكام الشرعية لي متعلقة بالغسل، فوقااش تيكون و كيفااش، إمتاا التيمم داايز، و معلومات خفافين ظرااف على فترة الحيض و النفااس. 

غداا إن شاء الله أندوزوا لعمااد الدين و أول حااجة تيتحااسب عليها العبد، لي هي الصلااة. 

 بيييييس ✌️🐸