قال الله تعالى فسورة التوبة: «خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِم بِهَا وَصَلِّ عَلَيْهِمْ ۖ إِنَّ صَلَاتَكَ سَكَنٌ لَّهُمْ ۗ وَاللَّهُ سَمِيعٌ عَلِيمٌ (103)

الزكاة هي الركن الثالت من أركان الإسلام و من العبادات الكبرى لي الله فاارض علينا. و غاادي نتحدثوا فهاد الأيام على أمور مختلفة متعلقة بالزكاة. 

1️⃣أولا، الزكاة تفرضات فالسنة الثانية من الهجرة و تسماات بهاد الإسم حيت هي تتزكي (يعني تتنمي) لفلوس ديال الشخص، و تتطهر النفس من البخل، كيماا مذكور فالٱية لي لفوق. 

2️⃣ثانيا، الزكاة تتكون واجبة على الشخص يلا توفرات فيه 5 ديال الشروط: تكون حر، الإسلام، يكون عندك النصااب( لي هو واحد البركة ديال لفلوس لي خاصها تكون عندك؛ يعني يلا ماعندك حتى ريال فراس ماالك ولا مبلغ قليل بزااف، رااك معفي من الزكاة)، يكون دوك لفلوس ديالك، و يدوز عليهوم العام. 

3️⃣ثالتا، الزكاة تتخرج على بزااف ديال لحواايج. أكثر حاجة معروفة هي زكاة المال، و لكن كااين زكاة الماشية، عروض التجارة، الحبوب و الثمار، الذهب و الفضة. 

4️⃣رابعا، الصدقة خاصهاا تعطى لماليها، و ماليها 8 ديال الأصناف بالضبط. الله ذكرهم فسورة التوبة، فالٱية 60: «إنما الصدقات للفقراء و المساكين و العاملين عليها و المؤلفة قلوبهم و في الرقاب و الغارمين و في سبيل الله و ابن السبيل فريضة من الله و الله عليه حكيم» 

🔵الفقراء هوما الناس لي ماعندهوم والو و مايقدروش يخدموا ولا يضبروا لراسهم

🔵المساكين عندهوم و لكن غي شوييا و ماكافيهومش

🔵العاملون عليها هوما الناس لي تيخدموا بااش يجمعوا الزكاة و يفرقوها على المحتاجين

🔵المؤلفة قلوبهم هوما الناس لي إما عاد سلموا ولا كفاار و نبغيو نشجعوهوم يسلموا 

🔵في الرقاب هوما العبيد و الأسرى ديال الحرب

🔵الغارم هو الشخص لي عليه لكريدي

🔵سبيل الله هو تعطيها للناس لي تيجاهدوا فسبيل الله و ماعندهومش لفلوس

🔵ابن السبيل هو المساافر لي كيماا تنقولو تقطع بيه لحبل 

5️⃣خامسا، الصدقة ماتتعطااش للناس لي قرابين ليك و اصلا واجب عليك تنفقهم عليهوم. مثلا: واليديك، ولادك، مرااتك. 

🔴هاادوا بعض الأمور الأساسية المتعلقة بالزكاة. غداا إن شاء الله أنبدااو نهضروا على أنواع الزكاة بعمق أكثر. 

بيييييس ✌️🐸